साधा भात कशाला, घरी बनवा हॉटेल स्टाईल ‘सोया फ्राइड राईस’; चायनीज लव्हर्ससाठी खास, नोट करा रेसिपी

Soya Fried Rice Recipe : प्रोटीनयुक्त सोयाबीन आपल्या आरोग्यासाठी फायद्याचे ठरतात. सोयाबीनची भाजी आवडत नसेल तर तुम्ही एकदा तरी सोयाबीन फ्राइड राइस बनवून खायला हवा, याची चव तुम्हाला नक्कीच आडवेल.

• सोया चंक्समुळे हा फ्राईड राईस शाकाहारी असूनही पौष्टिक आणि पोटभरू ठरतो.
• उरलेला भात, थोड्या भाज्या आणि कमी तेलात 15–20 मिनिटांत तयार होणारी परफेक्ट डिश.
• किड्स, ऑफिस टिफिनसाठी ही रेसिपी एक उत्तम पर्याय आहे.

चायनीज स्टाईल फ्राईड राईस आपल्याला सगळ्यांनाच आवडतो, पण त्यात थोडा हेल्दी ट्विस्ट हवा असेल तर सोया फ्राईड राईस हा एक उत्तम पर्याय आहे. सोया चंक्स किंवा सोया ग्रॅन्युल्स प्रोटीनने भरपूर असतात, त्यामुळे ही रेसिपी शाकाहारी असूनही पौष्टिक आणि पोटभरू ठरते. कामावरून दमून आल्यावर किंवा झटपट काहीतरी टेस्टी बनवायचं असेल, तेव्हा ही डिश अगदी परफेक्ट आहे. लंचबॉक्ससाठी, किड्ससाठी किंवा गेस्टसाठीही हा फ्राईड राईस खास लागतो.

हॉटेलसारखी परफेक्ट दही-पुदिन्याची चटणी कशी तयार करायची? नोट करा रेसिपी

या रेसिपीत उरलेला भात, थोड्या भाज्या आणि मसाले वापरून रेस्टॉरंटसारखा स्वाद घरीच मिळतो. सोयामुळे याला छान टेक्सचर येतं आणि भाज्यांमुळे रंग आणि चव दोन्ही वाढतात. कमी तेलात तयार होणारी ही रेसिपी हेल्दी खाण्याची सवय लावण्यासाठीही उपयोगी आहे. चला तर मग पाहूया सोप्या पद्धतीने सोया फ्राईड राईस कसा बनवायचा.

 साहित्य

• शिजवलेला भात – 2 कप (थंड झालेला, बासमती तांदूळ)
• सोया चंक्स  – 1 कप
• कांदा – 1 मध्यम (बारीक चिरलेला)
• गाजर – 1 (बारीक चिरलेले)
• शिमला मिरची – 1/2 कप
• फ्रेंच बीन्स – 1/4 कप
• लसूण – 1 टेबलस्पून (बारीक चिरलेला)
• सोया सॉस – 1 ते 2 टेबलस्पून
• व्हिनेगर – 1 टीस्पून
• काळी मिरी पूड – 1/2 टीस्पून
• मीठ – चवीनुसार
• तेल – 2 टेबलस्पून
• स्प्रिंग अनियन – सजावटीसाठी

Food Recipe: जिभेवर ठेवताच विरघळून जाईल शाही चवीचा ‘कॅरॅमल शिरा’, नोट करून घ्या झटपट तयार होणारी रेसिपी

कृती

• यासाठी सर्वप्रथम सोया चंक्स उकळत्या पाण्यात 5 मिनिटे शिजवून घ्या, पाणी काढून थंड झाल्यावर पिळून घ्या.
• कढईत तेल गरम करून त्यात लसूण परतून घ्या.
• त्यात कांदा घालून हलका गुलाबी होईपर्यंत परता.
• आता गाजर, बीन्स आणि शिमला मिरची घालून भाज्या क्रिस्पी राहतील इतक्याच परता.
• त्यात शिजवलेले सोया चंक्स घालून 2–3 मिनिटे परता.
• आता भात, सोया सॉस, व्हिनेगर, काळी मिरी आणि मीठ घालून सगळं नीट हलवून घ्या.
• शेवटी स्प्रिंग अनियन घालून गरमागरम सोया फ्राईड राईस सर्व्ह करा.
• भात पूर्णपणे थंड असला तर फ्राईड राईस चांगला सुटसुटीत बनतो.
• हा सोया फ्राईड राइस तुम्ही शेजवान सॉससोबत खाण्यासाठी सर्व्ह करू शकता.