संध्याकाळचा चहा होईल आणखीनच मजेदार! नाश्त्यासाठी झटपट बनवा फ्राइड पोटॅटो चाट, नोट करून घ्या रेसिपी

संध्याकाळच्या वेळी भूक लागल्यानंतर नेहमीच काय खावं? असे अनेक प्रश्न सगळ्यांचं कायमच पडतात. म्हणूनच आज आम्ही तुम्हाला सोप्या पद्धतीमध्ये फ्राइड पोटॅटो चाट बनवण्याची रेसिपी सांगणार आहोत.

दिवसभर काम करून थकल्यानंतर सगळ्यांचं खूप जास्त भूक लागते. भूक लागल्यानंतर कायमच बाजारातून विकत आणलेले पदार्थ खाल्लेले जातात. शेवपुरी, पाणीपुरी, वडापाव, पिझ्झा, पास्ता अतिशय आवडीने खाल्ला जातो. पण नेहमीच विकतचे तेलकट पदार्थ खाल्ल्यामुळे शरीराची पचनक्रिया बिघडण्याची जास्त शक्यता असते. त्यामुळे दैनंदिन आहारात किंवा नाश्त्यात पौष्टिक पदार्थांचे सेवन करावे. आज आम्ही तुम्हाला संध्याकाळच्या चहासोबत खाण्यासाठी फ्राइड पोटॅटो चाट बनवण्याची सोपी रेसिपी सांगणार आहोत. हे चाट लहान मुलांपासून ते अगदी मोठ्यांपर्यंत सगळ्यांचं खूप जास्त आवडेल. कमीत कमी साहित्यात झटपट बनवलेले पदार्थ खायला सगळ्यांचं खूप जास्त आवडतात. बटाट्यापासून अनेक वेगवेगळे पदार्थ बनवले जातात. बऱ्याचदा घरी आलेल्या पाहुण्यांच्या स्वागतासाठी नेमकं काय बनवावं सुचत नाही, अशावेळी तुम्ही झटपट फ्राइड पोटॅटो चाट बनवू शकता. चला तर जाणून घेऊया रेसिपी.(फोटो सौजन्य – pinterest)

साखरेचा पाक किंवा माव्याचा वापर न करता घरीच बनवा चविष्ट नारळाचे लाडू, मिठाईवाल्यांसारखी लागेल चव

साहित्य:

• बटाटा
• तेल
• चाट मसाला
• चिंच चटणी
• हिरवी चटणी
• कोथिंबीर
• शेव
• डाळिंबाचे दाणे
• लाल तिखट
• भाजलेल्या जिऱ्याची पावडर
• काळे मीठ

उन्हाळ्यात दुपारच्या जेवणासाठी बनवा पारंपरिक ताकातला बटाटा, एकदा खाल्ल्यानंतर पुन्हा होईल भाजी खाण्याची इच्छा

कृती:

• फ्राइड पोटॅटो चाट बनवण्यासाठी सर्वप्रथम, टोपात पाणी घेऊन त्यात काहीवेळ बटाटे भिजवत ठेवा. बटाटे स्वच्छ धुवून झाल्यानंतर कुकरची १ शिट्टी काढून बटाटे शिजवा.
• शिजवून घेतलेले बटाटे थंड करून त्यांच्या वरील साल काढून घ्या. त्यानंतर त्यानंतर बटाट्याचे माध्यम आकारात तुकडे करून घ्या.
• कढईमध्ये तेल गरम करून त्यात बटाट्याचे तुकडे तळून घ्या. त्यानंतर त्यातील तेल पूर्णपणे नितळून काढून टाका.
• मोठ्या भांड्यात तळून घेतलेले बटाटे, चिंच चटणी, हिरवी चटणी आणि डाळिंबाचे दाणे घालून व्यवस्थित मिक्स करा.
• त्यानंतर त्यात चवीनुसार मीठ, काळे मीठ, लाल तिखट, भाजलेल्या जिऱ्याची पावडर आणि चाट मसाला घालून व्यवस्थित मिक्स करा.
• तुमच्या आवडीनुसार लिंबाचा रस सुद्धा तुम्ही मिक्स करू शकता.
• तयार केलेले चाट वाटीमध्ये काढून त्यावर बारीक केलेली कोथिंबीर आणि सजावटीसाठी डाळिंबाचे दाणे घालून खाण्यासाठी सर्व्ह करा.
• तयार आहे सोप्या पद्धतीमध्ये बनवलेले फ्राइड पोटॅटो चाट.