थंडीच्या दिवसांमध्ये निरोगी राहण्यासाठी १० मिनिटांमध्ये बनवा गुळ टोमॅटोची चटणी, वाचा सोपी रेसिपी

थंडीच्या दिवसांमध्ये शरीर निरोगी राहण्यासाठी आहारात उष्ण पदार्थांचे सेवन करावे. यामुळे आरोग्याला अनेक फायदे होतात. आज आम्ही तुम्हाला गूळ टोमॅटोची चटणी बनवण्याची सोपी रेसिपी सांगणार आहोत.

राज्यभरात सगळीकडे थंडीचे वारे वाहू लागले आहेत. थंडी वाढल्यानंतर आरोग्याची काळजी घेणे आवश्यक आहे. या दिवसांमध्ये वातावरणात सतत होणाऱ्या बदलांमुळे आजारपण वाढण्याची शक्यता असते. सर्दी, खोकला, ताप इत्यादी आरोग्यासंबंधित समस्या वाढू लागल्यानंतर शरीराची रोगप्रतिकारशक्ती कमकुवत होऊन जाते. शरीराची कमी झालेली रोगप्रतिकारशक्ती सुधारण्यासाठी आहारात उष्ण पदार्थांचे सेवन करावे. शरीरातील उष्णता कमी झाल्यानंतर अनेक समस्या उद्भवू लागतात. अशावेळी तुम्ही आहारात टोमॅटो गुळाची चविष्ट चटणी बनवू शकता. थंडीच्या दिवसांमध्ये टोमॅटो गुळाची चटणी खाणे आरोग्यासाठी अतिशय फायदेशीर आहे. चला तर तर जाणून घेऊया टोमॅटो गुळाची चटणी बनवण्याची सोपी रेसिपी.(फोटो सौजन्य – iStock)

नवनवीन रेसिपीसाठी इथे क्लिक करा

साहित्य:

• टोमॅटो
• गूळ
• मोहरी
• कढीपत्ता
• हिरव्या मिरच्या
• लाल तिखट हळद
• कोथिंबीर
• मीठ

नवनवीन रेसिपीसाठी इथे क्लिक करा

कृती:

• गूळ टोमॅटोची चटणी बनवण्यासाठी सर्वप्रथम, कढईमध्ये तेल गरम करण्यासाठी ठेवा. गरम तेलात मोहरी टाकून नंतर हिंग आणि कढीपत्ता घालून मिक्स करून घ्या.
• नंतर त्यात बारीक चिरलेला टोमॅटो घालून मिक्स करून घ्या. मिक्स करून झाल्यानंतर मिश्रण मऊ होईपर्यंत शिजवून घ्या.
• नंतर त्यात चवीनुसार मीठ, हळद, लाल तिखट घालून मिक्स करा. सगळ्यात शेवटी चटणीमध्ये गूळ टाकून मिक्स करा.
• गूळ व्यवस्थित मिक्स होईपर्यंत सतत ढवळत राहा. त्यानंतर मंद आचेवर चटणी व्यवस्थित शिजण्यासाठी ठेवा.
• तयार आहे सोप्या पद्धतीमध्ये बनवलेले गूळ टोमॅटोची चटणी. ही चटणी तुम्ही चपाती, भाकरी किंवा भातासोबत पण खाऊ शकता.