तेच तेच खाऊन कंटाळलात? तर घरी बनवा गावरान स्टाईल पिठलं भाकरीचा बेत; लहानांपासून मोठ्यापर्यंत सर्वच आवडीनं खातील

Pithal Bhakri Recipe: प्राचीन काळापासून खाल्ला जाणारा पिठलं भाकरी हा पदार्थ महाराष्ट्रीयन खाद्यसंस्कृतीमधील एक लोकप्रिय पदार्थ आहे. खेड्यापाड्यात हा पदार्थ जास्त खाल्ला जात असला तरीही शहरातही यावर आवडीने ताव मारला

पिठलं भाकरी हा महाराष्ट्रीयन खाद्यसंस्कृतील एक लोकप्रिय आणि सुप्रसिद्ध पदार्थ आहे. हा ग्रामील भागातील अन्नाचा प्रकार असला तरीही शहरातही लोक मोठ्या आवडीने यावर ताव मारतात. फार पूर्वीपासून पिठलं भाकरी बनवले जात आहे. प्राचीन काळापासून विशेषत: जेव्हा अन्नासाठी कमी असे साहित्य असले किंवा भाज्या नसल्या की मग पिठलं भाकरीचा बेत आखला जायचा. हा एक परवडणारा, झटपट आणि पाैष्टीक असा पर्याय मानला जातो.

रायवळी आंब्यांपासून कोकणी पद्धतीमध्ये झटपट बनवा आंबट तिखट आंब्याचा रायता, नोट करून घ्या पदार्थ

आजही लोकं तितक्याच आवडीने या पदार्थाचा आस्वाद घेण्यामागचे कारण म्हणजे त्याची चव! गरमागरम पिठलं आणि त्यासोबत भाकरी यांची जोडी इतकी मजेदार आहे की याला समोर ठेवताच कुणाच्याही तोंडाला पाणी सुटेल. ही जोडी आजही खेड्यापाड्यात आवडीने बनवली आणि खाल्ली जाते. वारकरी संप्रदायात वारीच्या काळात पिठलं भाकरी ही एक शक्तिदायक आणि सोपी खुराक आहे. आता एवढी सगळी माहिती जाणून घेतल्यानंतर तुम्हालाही याला चाखायची इच्छा तर झाली असेलच, चला तर मग पिठलं भाकरीची पारंपारीक आणि सोपी अशी रेसिपी जाणून घेऊया.

साहित्य

• बेसन (हरभऱ्याचे पीठ) – ½ कप
• कांदा – 1 मध्यम (बारीक चिरलेला)
• हिरव्या मिरच्या – 2-3 (उभ्या चिरलेल्या)
• लसूण – 3-4 पाकळ्या (कुटून)
• हळद – ¼ टीस्पून
• मोहरी – ½ टीस्पून
• जिरं – ½ टीस्पून
• हिंग – 1 चिमूट
• तेल – 2 टेबलस्पून
• मीठ – चवीनुसार
• पाणी – अंदाजे 1 कप
• कोथिंबीर – सजावटीसाठी
• भाकरीसाठी – बाजरी, ज्वारीचं पीठ आणि चिमूटभर मीठ

मोमो लव्हर्स आहात? तर यावेळी मैद्याच्या पिठापासून नाही तर गव्हाच्या पिठापासून घरीच तयार करा Healthy Momos

कृती

• पिठलं भाकरी बनवण्यासाठी सर्वप्रथम बेसनाचे पीठ एका भांड्यात घ्या
• आता त्यात हळद, मीठ आणि थोडं पाणी मिक्स करुन याचे एक द्रावण तयार करा, यात कोणत्याही गाठी राहणार नाहीत याची विशेष काळजी घ्या
• यानंतर गॅसवर एक कढई ठेवा आणि त्यात मोहरी, जिरं, हिंग, हिरव्या मिरच्या, लसूण घालून छानशी फोडणी द्या
• आता यात लांब चिरलेली कांदा टाका आणि गुलाबी रंग येईपर्यंत चांगला शिजवून घ्या
• कांदा शिजला की मग यात बेसनाचे द्रावण आणि चवीनुसार मीठ घाला
• मिश्रण सतत हलवत राहा, जेणेकरुन यात गाठी पडणार नाहीत
• मग यावर झाकण ठेवून हे पिठलं मंद आचेवर ९-१० मिनिटे वाफवून घ्या
• तुम्ही अधनमधन यावरील झाकण उघडून पिठलं ढवळून पाहू शकता
• पिठलं छान शिजलं की मग शेवटी यावर चिरलेली कोथिंबीर घाला आणि गॅस बंद करा
• अशाप्रकारे तुमचे चविष्ट पिठलं तयार आहे
• भाकरीसाठी एका परातीत ज्वारीचं अथवा बाजरीच पीठ घ्या
• यात हलके मीठ मिक्स करा आणि पीठ मळून याची भाकरी वळून घ्या
• दुसरीकडे तवा गरम करा आणि तयार भाकरीला हाय फ्लेमवर दोन्ही बाजूंनी छान भाजून घ्या
• तुम्ही हे पिठलं गरमागरम भातसह देखील खाण्यासाठी सर्व्ह करु शकता