रायवळी आंब्यांपासून कोकणी पद्धतीमध्ये झटपट बनवा आंबट तिखट आंब्याचा रायता, नोट करून घ्या पदार्थ

रायवळी आंबे खायला सगळ्यांचं खूप आवडतात. या आंब्याचे नाव घेतल्यानंतर अनेकांच्या तोंडाला पाणी सुटते. म्हणूनच आज आम्ही तुम्हाला रायवळी आंब्यांपासून रायता बनवण्याची सोपी रेसिपी सांगणार आहोत.

रायवळी आंब्यांपासून कोकणी पद्धतीमध्ये झटपट बनवा आंबट तिखट आंब्याचा रायता

Follow Us:

Follow Us:

लहान मुलांपासून ते अगदी मोठ्यांपर्यंत सगळ्यांच आंबे खायला खूप आवडतात. हापूस, केशर, रायवळी इत्यादी अनेक आंब्याचे वेगवेगळे प्रकार आहेत. कोकणातील प्रसिद्ध आंब्यांपैकी एक म्हणजे रायवळी आंबा. रायवळी आंब्यांपासून आंब्याची साठ, भाजी, रायता इत्यादी अनेक पदार्थ बनवले जातात. बऱ्याचदा जेवणात नेमकी काय भाजी बनवावी असे अनेक प्रश्न महिलांना पडतात. अशावेळी तुम्ही आंब्याचा चविष्ट रायता बनवू शकता. रायवळी आंब्याचा रायता कोकणातील प्रत्येक घरात उन्हाळ्याच्या दिवसांमध्ये बनवला जातो. आंब्याचा रायता बनवताना खूप कमी साहित्य लागते. आंब्याच्या रायत्यासोबत तुम्ही भात, चपाती किंवा भाकरीसुद्धा खाऊ शकता. म्हणूनच आज आम्ही तुम्हाला कोकणी पद्धतीमध्ये रायवळी आंब्यांचा रायता बनवण्याची सोपी रेसिपी सांगणार आहोत. हा पदार्थ चवीला अतिशय सुंदर लागतो. जाणून घ्या झटपट तयार होणारी रेसिपी.(फोटो सौजन्य – iStock)

मोमो लव्हर्स आहात? तर यावेळी मैद्याच्या पिठापासून नाही तर गव्हाच्या पिठापासून घरीच तयार करा Healthy Momos

साहित्य:

• लाल सुक्या मिरच्या
• मोहरी
• मीठ
• लाल तिखट
• मीठ
• हळद
• रायवळी आंबे
• हिंग
• गूळ
• लसूण

सकाळच्या नाश्त्यासाठी सोप्या पद्धतीमध्ये घरी बनवा पौष्टिक बीट सँडविच, नोट करून घ्या रेसिपी

कृती:

• हापूस आंब्यांचा रायता बनवण्यास सर्वप्रथम, कुकरमध्ये पाणी घेऊन त्यात आंबे काहीवेळ भिजत ठेवा.
• त्यानंतर आंबे स्वच्छ धुवून कुकरमध्ये पाणी टाकून आंबे शिजवा. कुकरच्या ३ शिट्ट्या काढून घ्या.
• कढईमध्ये तेल गरम करून त्यात लाल सुक्या मिरच्या, मोहरी, हिंग आणि बारीक करून घेतलेली लसूण टाकून व्यवस्थित भाजा.
• त्यानंतर त्यात लाल तिखट, हळद आणि साल काढून घेतलेले आंबे आणि चवीनुसार मीठ टाकून मिक्स करा. आंब्याचा रस देखील रायत्यामध्ये टाकल्यास सुंदर चव येईल.
• सगळ्यात शेवटी वरून गूळ टाकून आंबे व्यवस्थित शिजवून घ्या. तयार आहे सोप्या पद्धतीमध्ये बनवलेला आंब्याचा रायता.

Web Title: How to make mango raita at home kokan special recipe ambyacha raita recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com