केस गळती थांबवण्यासाठी घरी तयार करा ‘हे’ हेअर सीरम, जाणून घ्या वापरण्याची पद्धत

केस चांगले ठेवण्यासाठी अनेक महिला बाजारात मिळणारे महागडे प्रोडक्ट आणून केसांना लावतात. पण त्याचा फारसा परिणाम आपल्या केसांवर दिसून येत नाही.

Hair serum

Follow Us:

Follow Us:

केस अधिक सुंदर आणि उठावदार दिसण्यासाठी आपण अनेक नवनवीन हेअर सीरम केसांना लावतो. महिलांचे सौंदर्य केसांमुळे अधिक सुंदर आणि खुलून दिसते. केसांच्या मजबूत आणि घनदाट वाढीसाठी केसांना हेअर सीरम लावणे,तेल लावणे, आठवड्यातून दोनदा केस धुवणे इत्यादी गोष्टी महत्वाच्या असतात. पण केसांचे आरोग्य चांगले ठेवण्यासाठी केसांना आतून पोषण देणे सुद्धा तितकेच महत्वाचे आहे. केस चांगले ठेवण्यासाठी अनेक महिला बाजारात मिळणारे महागडे प्रोडक्ट आणून केसांना लावतात. पण त्याचा फारसा परिणाम आपल्या केसांवर दिसून येत नाही.

सतत होणारी केस गळती थांबवण्यासाठी आपण अनेक नवनवीन हेअर सीरम आणून केसांना लावतो. पण याचा फारसा परिणाम केसांवर दिसत नाही. यामुळे अनेकदा केस निस्तेज आणि रुक्ष होऊन जातात. केमिकल युक्त वस्तू वापरल्यामुळे सतत केस गळणे, टाळूवर कोंडा होणे, केसांच्या चामडीला सतत खाज येणे यांसारख्या अनेक समस्या उद्भवतात. त्यामुळे आज आम्ही तुम्हाला केसांच्या चमकदार आणि मजबूत वाढीसाठी घरच्या घरी हेअर सीरम कसे तयार करायचे याची सोपी कृती सांगणार आहोत. हे हेअरसीरम तुम्ही आठवड्यातून दोनदा किंवा तीनदा केसांना लावू शकता.(फोटो सौजन्य: istock)

हेअर सीरमसाठी लागणारे साहित्य:

• कांदा
• कोरफड जेल
• खोबरेल तेल

हेअर सीरम तयार करण्याची कृती:

• हेअर सीरम तयार करण्यासाठी सर्वप्रथम एक कांदा घेऊन त्याचे बारीक तुकडे करून घ्या. त्यानंतर त्याचा रस काढा.
• कांद्याच्या रसात खोबरेल तेल आणि कोरफड जेल टाका.
• हे मिश्रण व्यवस्थित मिक्स करून घ्या. हेअर सीरम तयार झाल्यानंतर बॉटलमध्ये भरून ठेवून द्या.

हेअर सीरम लावण्याची योग्य पद्धत:

• केसांना हेअर सीरम लावण्याआधी केस व्यवस्थित विंचरून गुंता काढा.
• त्यानंतर २ ते ३ थेंब सीरम घेऊन केसांच्या टोकांपासून मुळांपर्यंत सगळीकडे हेअर सीरम लावा.
• ५ मिनिटं झाल्यानंतर हलक्या हाताने केसांना मसाज करा.
• हेअर सीरम केसांवर ३० मिनिटं तसेच लावून ठेवा.
• त्यानंतर केस स्वच्छ पाण्याने शॅम्पू वापरून धुवून टाका.
• हा उपाय तुम्ही आठवड्यातून २ किंवा तीनदा करू शकता.

हेअर सीरम लावण्याचे फायदे:

• केसांना हेअर सीरम लावल्यामुळे केस चमकदार आणि सुंदर दिसतील.
• केसांच्या वाढीसाठी हे हेअर सीरम अतिशय योग्य आहे.
• सीरम लावल्याने केसांची वाढ चांगली होते.
• हेअर सीरममध्ये असलेल्या कांद्यामुळे केसांची वाढ होण्यास मदत होईल. केस गळती थांबून केसांची वाढ सुधारेल.

टीप – आम्ही देत असलेली माहिती ही तज्ज्ञांशी बोलून आणि रिसर्च करून देत आहोत. हा लेख केवळ तुमच्या माहितीसाठी लिहिण्यात आला आहे. प्रत्येकाची त्वचा वेगळी असते, त्यामुळे कोणत्याही प्रकारचा उपाय करण्यापूर्वी पॅच टेस्ट करायला विसरू नका.

Web Title: Make onion hair serum at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com