वाढलेले वजन कमी करण्यासाठी सकाळच्या नाश्त्यात बनवा पर्पल कॅबेज सॅलेड, वाचा सोपी रेसिपी

वजन वाढल्यानंतर आरोग्यासंबंधित अनेक समस्या उद्भवू लागतात. लठ्ठपणा वाढणे, मधुमेह आणि रक्तदाब वाढणे इत्यादी अनेक समस्या उद्भवू लागतात.त्यामुळे वाढलेले वजन कमी करण्यासाठी पर्पल कॅबेज सॅलेडचे सेवन करावे.

वाढलेले वजन कमी करण्यासाठी महिला अनेक प्रयत्न करत असतात. सतत आहारात बदल करणे, खाण्यापिण्याच्या सवयींमध्ये पथ्य पाळणे इत्यादी अनेक गोष्टी केल्या जातात. पण तरीसुद्धा वाढलेले वजन कमी होत नाही. वजन वाढल्यानंतर आरोग्यासंबंधित अनेक समस्या उद्भवू लागतात. लठ्ठपणा वाढणे, मधुमेह आणि रक्तदाब वाढणे इत्यादी अनेक समस्या उद्भवू लागतात. उभा समस्या उद्भवू लागल्यानंतर आरोग्य बिघडून जाते. वजन कमी करण्यासाठी अनेक लोक आहारात तज्ज्ञांकडून घेतलेला डाईट, जिममध्ये जाऊन तासनतास व्यायाम करणे इत्यादी अनेक गोष्टी केल्या जातात. तरीसुद्धा वाढलेले वजन कमी होत नाही. अशावेळी तुम्ही आहारात पर्पल कॅबेजचे सेवन करू शकता. पर्पल कॅबेज आरोग्यासाठी अतिशय पौष्टिक आहे.(फोटो सौजन्य-istock)

हे देखील वाचा: डाळ शिजवताना डाळीवर आलेला फेस आरोग्यासाठी गुणकारी आहे का? जाणून घ्या सविस्तर

पर्पल कॅबेज बाजारात सहज उपलब्ध होते. कोबीच्या भाजीप्रमाणे पर्पल कॅबेजची चव असते. त्यामुळे सॅलड किंवा भाजी बनवून सुद्धा बनवू शकता. या कोबीमध्ये अँटिऑक्सिडेंटचा शक्तिशाली स्रोत असतो, त्यामुळे शरीरसंबंधित अनेक समस्या दूर होतात. लाला रंगाच्या कोबीमध्ये विटामिन सी, ए के जास्त प्रमाणात असतात. शिवाय यामध्ये पॅन्टोथेनिक ऍसिड, पायरीडोक्सिन, थायमिन, राइबोफ्लेविन, नियासिन यांसारखी गुणकारी जीवनसत्व असतात. तसेच या कोबीमध्ये मॅंगनीज, मॅग्नेशियम, फॉस्फरस, कॅल्शियम आणि जस्त खनिजे, सोडियम आढळून येते. त्यामुळे आज आम्ही तुम्हाला पर्पल कॅबेज सॅलेड बनवण्याची सोपी रेसिपी सांगणार आहोत. चला तर जाणून घेऊया.

साहित्य:

• पर्पल कॅबेज
• शिमला मिरची
• ब्रोकोली
• सफरचंद
• हिरवा कोबी
• मध
• काळीमिरी पावडर
• मीठ
• ऑलिव्ह ऑइल
• मनुके ( दोन्ही प्रकार)
• मॅरीनेटेड ब्लॅक ऑलिव्ह
• लिंबाचा रस

हे देखील वाचा: रोज सकाळी 1 वाटी ओट्स खाल्ल्यास काय होते?

कृती:

• पर्पल कॅबेज सॅलेड बनवण्यासाठी सर्वप्रथम, सर्व भाज्या व्यवस्थित स्वच्छ धुवून घ्या. त्यानंतर त्या बारीक चिरून घ्या.
• कढईमध्ये ऑलिव्ह ऑइल घालून त्यात पर्पल व हिरवा कोबी टाकून व्यवस्थित फ्राय करून घ्या. यामुळे सॅलड चांगले लागेल.
• त्यानंतर त्याच कढईमध्ये पिवळ्या आणि हिरव्या रंगाची शिमला मिरची आणि ब्रोकोली टाकून पुन्हा एकदा फ्राय करा.
• पॅनमध्ये उभे कापून घेतलेले सफरचंद टाकून त्यात मध आणि काळीमिरी पावडर टाकून मिक्स करून घ्या. तसेच वरून लिंबाचा रस टाका.
• मोठ्या वाटीमध्ये फ्राय करून घेतलेले सर्व साहित्य आणि किसमीस, मध व ऑलिव्ह ऑईल घालून व्यवस्थित मिक्स करून घ्या.
• तयार आहे सोप्या पद्धतीमध्ये बनवलेले पर्पल कॅबेज सॅलेड. हे सॅलड थंडीच्या दिवसांमध्ये खाण्यासाठी अतिशय योग्य आहे.