साबुदाणा खिचडी खाऊन कंटाळा आला असेल तर सोप्या पद्धतीमध्य नाश्त्यासाठी बनवा साबुदाण्याचे कस्टर्ड

उपवासाच्या दिवशी कायमच साबुदाणा खिचडी खाऊन कंटाळा आल्यास तुम्ही सोप्या पद्धतीमध्ये साबुदाणा फ्रुट कस्टर्ड बनवू शकता. हा पदार्थ लहान मुलांपासून मोठ्यांपर्यंत सगळ्यांचं खूप जास्त आवडेल.

नवरात्रीमध्ये देवीच्या नऊ रूपांची पूजा केली जाते. उत्सवाच्या कालावधीमध्ये सगळीकडे आनंद आणि उत्साह असतो. याशिवाय महिला नऊ दिवस उपवास करतात. उपवासाच्या दिवशी सर्वच घरांमध्ये साबुदाणा खिचडी किंवा साबुदाण्यांपासून वडे बनवले जातात. पण तेच ठराविक पदार्थ खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं इच्छा होते. उपवासाच्या दिवशी उपाशी पोटी साबुदाण्याचे सेवन केल्यास पचनक्रिया बिघडते आणि आरोग्याला हानी पोहचते. त्यामुळे उपाशी पोटी चुकूनही साबुदाणे खाऊ नयेत. उपवासाला तेलकट किंवा तिखट पदार्थ खाण्याऐवजी थंडगार पदार्थांचे सेवन करावे. म्हणूनच आज आम्ही तुम्हाला सोप्या पद्धतीमध्ये साबुदाण्याचे कस्टर्ड बनवण्याची सोपी कृती सांगणार आहोत. थंडगार दुधात वेगवेगळी फळे, सुका मेवा टाकून तुम्ही कस्टर्ड बनवू शकता. हा पदार्थ चवीला अतिशय सुंदर लागतो. कमीत कमी वेळात सकाळच्या नाश्त्यासाठी तुम्ही साबुदाण्याचे कस्टर्ड बनवून खाऊ शकता. जाणून घ्या साबुदाणा कस्टर्ड बनवण्याची सोपी कृती.(फोटो सौजन्य – istock)

घाईगडबडीच्या वेळी सकाळच्या नाश्त्यात बनवा हेल्दी टेस्टी दही कबाब, पारंपरिक चवीचा पौष्टिक पदार्थ

साहित्य:

• तूप
• साबुदाणा
• दूध
• केशर
• साखर
• वेलची पावडर
• तुमच्या आवडीची सर्व फळे
• सुका मेवा

जेवणाची चव वाढवणारी, महाराष्ट्रीयन ताटाची ओळख… कोशिंबीरची सोपी रेसिपी

कृती:

• साबुदाणा कस्टर्ड बनवण्यासाठी सर्वप्रथम, कढईमध्ये तूप गरम करून त्यात भिजवलेले साबुदाणा टाकून मंद आचेवर भाजून घ्या.
• भाजून झाल्यानंतर त्यात दूध मिक्स करून सतत चमच्याने ढवळत राहा. त्यानंतर त्यात केशर आणि आवडीनुसार साखर टाकून चमच्याने सतत मिक्स करत राहा.
• मंद आचेवर सर्व मिश्रण व्यवस्थित मिक्स झाल्यानंतर त्यात वेलची पावडर टाका. गॅस बंद करून तयार केलेले मिश्रण थंड होण्यासाठी ठेवा.
• मोठ्या वाटीमध्ये साबुदाण्याचे मिश्रण काढून घ्या. केळ्याचे काप, डाळिंबाचे दाणे, सफरचंदाचे तुकडे, चिकूचे तुकडे घालून व्यवस्थित मिक्स करा.
• कस्टर्डची चव आणखीन वाढण्यासाठी त्यात तुपात भाजलेला सुका मेवा टाकून साबुदाणा कस्टर्ड खाण्यासाठी सर्व्ह करा.
• तयार आहे सोप्या पद्धतीमध्ये बनवलेले साबुदाणा कस्टर्ड. हा पदार्थ उपवासाच्या दिवशी किंवा इतर वेळी सुद्धा तुम्ही बनवू शकता.