Malpua Recipe : श्रावणी सोमवारी भगवान शिवाला अर्पण करण्यासाठी तयार करा गोड आणि मऊ ‘मालपुआ’

Recipe : श्रावणी सोमवारी तुम्हीही भगवान शंकराची पूजा करत असाल तर प्रसादात अर्पण करण्यासाठी मालपुआ एक चांगला पर्याय ठरेल. तोंडात विरघळणारा गोड मालपुआ घरी कसा तयार करायचा याची रेसिपी जाणून घेऊया.

(फोटो सौजन्य: Pinterest)

Follow Us:

Follow Us:

• मालपुआ हा भारतीय मिष्टान्नाचा प्रकार आहे.
• दुकानातून अनेकदा मालपुआ खरेदी करुन तुम्ही खाल्ला असेल.
• यंदा ही रेसिपी घरी ट्राय करुन पाहा.

Stuffed Shimla Mirchi Recipe : भाजी खाऊन कंटाळा आला? घरी बनवा गावराण स्टाईन भरलेली शिमला मिरची

साहित्य

• मैदा – १ कप
• रवा – २ चमचे
• दूध – १ कप
• साखर – ३ चमचे
• बडीशेप – ½ चमचा
• वेलची पूड – ¼ चमचा
• तूप किंवा तेल – तळण्यासाठी

• साखर – १ कप
• पाणी – ½ कप
• वेलची पूड – ¼ चमचा

कृती

• एका भांड्यात मैदा, रवा, साखर, बडीशेप आणि वेलची पूड घ्या. त्यामध्ये हळूहळू दूध घालत गुळगुळीत, ओतता येईल असे पीठ तयार करा.
• तयार केलेले पीठ झाकून साधारण १५ ते २० मिनिटे बाजूला ठेवा. यामुळे रवा चांगला फुलेल आणि मालपुआ मऊ होण्यास मदत होईल.
• कढईत साखर आणि पाणी घेऊन मध्यम आचेवर गरम करा. साखर विरघळल्यानंतर पाकाला थोडी घट्टसर एकतारी येईपर्यंत शिजवा. शेवटी वेलची पूड घाला.
• कढईत तूप किंवा तेल गरम करा. एक डाव पीठ घेऊन गोलाकार पसरवा. मालपुआ मध्यम आचेवर दोन्ही बाजूंनी सोनेरी रंग येईपर्यंत तळा.
• तळलेला मालपुआ अतिरिक्त तूप किंवा तेल निथळून लगेच तयार पाकात टाका. साधारण ३० ते ४० सेकंद ठेवून बाहेर काढा.
• तयार मालपुआ प्लेटमध्ये काढून त्यावर थोडी वेलची पूड किंवा बारीक चिरलेले काजू-बदाम घालू शकता.
• गरमागरम किंवा कोमट मालपुआ नैवेद्यासाठी अर्पण करा. रबडीसोबत सर्व्ह केल्यास हा गोड पदार्थ अधिक स्वादिष्ट लागतो.

Web Title: Make soft and sweet malpua at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com