Traditional Recipes: पारंपरिक पद्धतीत १० मिनिटांमध्ये बनवा आंबट गोड चिंचेचा सार, पदार्थ पाहून तोंडाला सुटेल चव

आज आम्ही तुम्हाला सोप्या पद्धतीमध्ये आंबट गोड चिंच सार बनवण्याची सोपी रेसिपी सांगणार आहोत. हा पदार्थ गरमागरम भात किंवा माशांसोबत अतिशय सुंदर लागतो. जाणून घ्या चिंच सार बनवण्याची सोपी रेसिपी.

भारतामध्ये बनवले जाणारे पारंपरिक पदार्थ जगभरात सगळीकडे प्रसिद्ध आहेत. त्यातील अतिशय आवडीचा पदार्थ म्हणजे चिंच सार. आंबट चवीचा चिंचांपासून बनवलेला चविष्ट सार उन्हाळ्यासह इतर सर्वच दिवसांमध्ये आवडीने प्यायला जातो. लहान मुलांना चिंच खायला खूप जास्त आवडतात. चिंचांचं नाव ऐकल्यानंतर तोंडाला पाणी सुटते. आंबट गोड चवीची चिंच आरोग्यासाठी अतिशय पौष्टिक ठरतात. उष्ण हवामानात शरीराला थंडावा देण्यासाठी चिंचेचे पेय प्याले जाते. यामध्ये जीवनसत्व सी, लोह, मॅग्नेशियम आणि अँटीऑक्सिडंट्स मोठ्या प्रमाणावर आढळून येतात. यामुळे शरीराची कमकुवत झालेली पचनक्रिया सुधारते आणि शरीराला अनेक फायदे होतात. शरीरात वाढलेला थकवा, अशक्तपणा दूर करण्यासाठी चिंच सार किंवा चिंच कढीचे सेवन करावे. जेवणात गरमागरम वाफाळता भात, चिंच सार आणि भाजलेले सुके मासे असतील तर जेवणाची चव आणखीनच सुंदर लागेल. म्हणूनच आज आम्ही तुम्हाला सोप्या पद्धतीमध्ये आंबट गोड चिंच सार बनवण्याची सोपी रेसिपी सांगणार आहोत.(फोटो सौजन्य: Pinterest)

Immunity सुधारण्यासाठी संध्याकाळच्या वेळी प्या गरमागरम पहाडी मसाला चहा! सर्दी- खोकल्यापासून मिळेल आराम

साहित्य:

• चिंच
• गूळ
• कढीपत्ता
• मोहरी
• मीठ
• हिरवी मिरची
• हळद
• लाल तिखट
• जिरं
• पाणी
• कोथिंबीर
• तेल

जेवणाच्या ताटात गरमागरम वरण भातासोबत खाण्यासाठी झटपट बनवा कुरकुरीत मसालेदार कारली फ्राय, नोट करा रेसिपी

कृती:

• आंबट गोड चिंच सार बनवण्यासाठी सर्वप्रथम, मोठ्या वाटीमध्ये चिंच घेऊन त्यात कोमट पाणी टाकून चिंच भिजवत ठेवावी.
• काहीवेळानंतर त्यातील बिया काढून हातांनी चिंच कुसकरून घ्या आणि त्यातील गर बाजूला काढून घ्या.
• टोपात तेल गरम करून त्यात मोहरी, जिरं, हिंग आणि कढीपत्त्याची पाने टाका. त्यानंतर त्यात बारीक कुटून घेतलेल्या लसूण पाकळ्या टाकून लाल होईपर्यंत भाजा.
• नंतर त्यात हिरव्या मिरचीचे तुकडे घालून मिक्स करा. हळद, लाल तिखट आणि चवीनुसार मीठ टाकून मसाला मंद आचेवर भाजा.
• त्यानंतर बारीक चिरलेली कोथिंबीर टाकून मिक्स करा आणि तयार केलेला चिंच गर टाकून आवश्यकतेनुसार पाणी घालून व्यवस्थित मिक्स करा.
• चिंच सार बनवताना त्यात जास्त पाणी घालू नये. यामुळे पदार्थाची चव बिघडून जाते. उकळी आल्यानंतर त्यात चवीसाठी गूळ टाकून व्यवस्थित मिक्स करा.
• तयार आहे सोप्या पद्धतीमध्ये बनवलेला आंबट गोड चिंच सार.