आरोग्यासाठी अत्यंत फायदेशीर ठरतात काळे चणे; हिवाळ्यात यापासून घरी बनवा कुरकुरीत आणि टेस्टी कबाब

Black Chana Kabab Recipe : काळ्या चण्याचे कबाब चव आणि आरोग्य यांचा उत्तम संगम आहेत. हिवाळ्यात शरीरात ऊर्जेची कमतरता जाणवते अशात याकाळात ही रेसिपी आरोग्याला अनेक फायदे मिळवून देईल.

• काळ्या चण्याची भाजी ते अनेकदा आपण खाल्ली आहे.
• तुम्हाला माहिती आहे का? काळ्या चण्यांचे काबाबही फार लज्जतदार लागतात.
• संध्याकाळच्या नाश्त्यासाठी किंवा पार्टी टाईम स्नॅक्ससाठी ही रेसिपी एक उत्तम पर्याय आहे.

शाकाहारी आणि पौष्टिक स्नॅक्स शोधत असाल, तर काळ्या चण्याचे कबाब हा एक उत्तम पर्याय आहे. काळे चणे प्रथिने, फायबर, लोह आणि विविध जीवनसत्त्वांनी समृद्ध असल्यामुळे ते आरोग्यासाठी अत्यंत लाभदायक मानले जातात. रोजच्या आहारात चणे वेगवेगळ्या प्रकारे वापरले बनवून खालके जातात जसे की, उसळ, आमटी, कोशिंबीर पण त्याच चण्यांपासून तयार होणारे कबाब चवीला खास आणि वेगळे लागतात.

आजच्या धावपळीच्या जीवनात लोक जंक फूडऐवजी हेल्दी पर्यायांकडे वळत आहेत. अशा वेळी तळणीऐवजी तव्यावर किंवा एअर फ्रायरमध्ये बनवता येणारे काळ्या चण्याचे कबाब हा उत्तम स्नॅक ठरतो. संध्याकाळच्या चहासोबत, पार्टी स्टार्टर म्हणून किंवा मुलांच्या टिफिनमध्येही हे कबाब देता येतात. बाहेरून खुसखुशीत आणि आतून मऊ असलेले हे कबाब मसाल्यांच्या योग्य मिश्रणामुळे खूपच स्वादिष्ट लागतात.

Recipe : नवीन वर्षाच्या पहिल्या दिवशी तोंड गोड करा, शाही पद्धतीने घरी बनवा ‘नवाबी सेवया’

विशेष म्हणजे या रेसिपीसाठी फार महागडी साहित्य लागत नाही. घरात सहज उपलब्ध असलेले मसाले, कांदा, कोथिंबीर आणि उकडलेले काळे चणे वापरून तुम्ही कमी वेळात पौष्टिक कबाब तयार करू शकता. वजन कमी करणाऱ्यांसाठी, उपवासानंतर हलका आहार घेणाऱ्यांसाठी किंवा प्रथिनयुक्त शाकाहारी पदार्थ हवा असणाऱ्यांसाठी ही रेसिपी नक्कीच उपयुक्त आहे.

साहित्य

• 1 कप काळे चणे (रात्रभर भिजवून उकडलेले)
• 1 मध्यम कांदा (बारीक चिरलेला)
• 2 हिरव्या मिरच्या (बारीक चिरलेल्या)
• 2 टेबलस्पून कोथिंबीर (चिरलेली)
• 1 टीस्पून आले-लसूण पेस्ट
• 1 टीस्पून जिरेपूड
• 1 टीस्पून धनेपूड
• ½ टीस्पून गरम मसाला
• ½ टीस्पून लाल तिखट
• चवीनुसार मीठ
• 2 टेबलस्पून ब्रेडक्रम्स किंवा बेसन
• तव्यावर भाजण्यासाठी थोडे तेल

गरमागरम भातासोबत खाण्यासाठी झटपट बनवा राजस्थानी स्टाइल पंचरत्न डाळ, सहज पचन होण्यासोबतच शरीराला होतील फायदे

कृती

• यासाठी सर्वप्रथम उकडलेले काळे चणे थोडे थंड झाल्यावर मिक्सरमध्ये जाडसर वाटून घ्या.
• त्यात कांदा, हिरवी मिरची, कोथिंबीर आणि आले-लसूण पेस्ट घाला.
• आता सर्व मसाले, मीठ आणि ब्रेडक्रम्स/बेसन घालून मिश्रण नीट एकत्र करा.
• मिश्रणाचे मध्यम आकाराचे गोल किंवा चपटे कबाब तयार करा.
• तवा गरम करून थोडे तेल घाला आणि कबाब दोन्ही बाजूंनी सोनेरी होईपर्यंत भाजा.
• गरमागरम कबाब हिरव्या चटणी किंवा टोमॅटो सॉससोबत सर्व्ह करा.
• हवे असल्यास हे कबाब एअर फ्रायरमध्येही कमी तेलात तयार करता येतात. यामुळे ते अधिक हेल्दी बनतात.