Recipe : चवदार, गरमा गरम, वजन कमी करण्यासही मदत करेल ‘ भोपळ्याचं सूप’; हिवाळ्यात आहारात जरूर करा समावेश

Pumpkin Soup Recipe : तुम्ही हे भोपळ्याचं सूप संध्याकाळच्या वेळी किंवा जेवणाआधी स्टार्टर म्हणून सर्व्ह करू शकता. पौष्टिकता आणि चव या दोन्हींचा उत्तम संगम असलेली ही एक आरोग्यदायी रेसिपी आहे

“भोपळा हा पौष्टिक, हलका आणि आरोग्यासाठी अतिशय फायदेशीर अशी भाजी आहे. भोपळ्यापासून चविष्ट असं सूप तयार केलं जाऊ शकतं जे चवीबरोबर आरोग्यासाठीही फार फायद्याच ठरतं. भोपळ्याच्या या सूपाला आपल्या रोजच्या आहारात समावेश करुन तुम्ही अनेक आजारांना दूर ठेवू शकता. हे सूप अनेक पोषकघटकांनी समृद्ध असते.

Diwali 2025 : दिवाळी फराळात बनवा कुरकुरीत आणि महिनाभर टिकून राहणारा ‘मक्याचा चिवडा’

थंड हवामानात गरमागरम भोपळ्याचं सूप पिल्याने शरीराला उब मिळते आणि पचन सुधारते. हे सूप बनवायला सोपं असून त्यात अनेक व्हिटॅमिन्स, फायबर आणि अँटिऑक्सिडंट्स असतात. लहानांपासून मोठ्यांपर्यंत सगळ्यांसाठी योग्य असा हा पौष्टिक आहार घरी नक्की बनवायला हवा. यासाठी फार साहित्याची किंवा वेळेची गरज भासत नाही तर झटपट हा पदार्थ तयार होतो. चला तर मग घरी चवदार असं भोपळ्याचं सूप कसं तयार करायचं याची एक सोपी, सहज आणि झटपट रेसिपी जाणून घेऊया.

साहित्य :

• भोपळा – 2 कप (सोलून आणि चिरलेला)
• कांदा – 1 (बारीक चिरलेला)
• लसूण – 3 पाकळ्या
• आलं – ½ इंच तुकडा (किसलेला)
• बटर किंवा तेल – 1 चमचा
• मीठ – चवीनुसार
• मिरी पूड – ½ चमचा
• दूध किंवा पाणी – 1½ कप
• सजावटीसाठी कोथिंबीर

कृती :

• भोपळ्याच सूप तयार करण्यासाठी सर्वप्रथम एका भांड्यात बटर गरम करून त्यात कांदा, लसूण आणि आलं टाका. हलकं परतून घ्या.
• आता त्यात चिरलेला भोपळा घालून 2-3 मिनिटं परता.
• मग त्यात पाणी किंवा दूध टाका आणि झाकण ठेवा आणि भोपळा मऊ होईपर्यंत शिजवा.
• भोपळा शिजल्यानंतर गॅस बंद करा आणि थंड होऊ द्या.
• आता मिक्सरमध्ये सर्व मिश्रण एकजीव करून घ्या.
• पुन्हा सूप एका भांड्यात घालून मीठ आणि मिरी पूड टाका, हलके गरम करा.
• शेवटी कोथिंबीर घालून गॅस बंद करा आणि तयार सूप पिण्यासाठी सर्व्ह करा.

यंदाची दिवाळी होईल आणखीनच खास! १५ मिनिटांमध्ये झटपट बनवा कुरकुरीत खाऱ्या शंकरपाळ्या, नोट करून घ्या रेसिपी

भोपळ्याचं सूपाचे फायदे (Benefits of Pumpkin Soup):

• पौष्टिकता: भोपळ्यात व्हिटॅमिन A, C, आणि E मुबलक प्रमाणात असतात, ज्यामुळे शरीराची रोगप्रतिकारशक्ती वाढते.
• डोळ्यांसाठी हितकारक: बीटा-कॅरोटिनमुळे डोळ्यांचे आरोग्य टिकते.
• पचन सुधारते: फायबरमुळे पोट साफ राहते आणि पचनक्रिया सुधारते.
• वजन कमी करण्यात मदत: हे सूप कमी कॅलरीचं असल्याने वजन नियंत्रणात ठेवतं.
• त्वचा तजेलदार ठेवते: अँटिऑक्सिडंट्समुळे त्वचेवर नैसर्गिक चमक येते.
• हृदयासाठी चांगलं: कोलेस्टेरॉल कमी करण्यास मदत करते.
  उबदार आणि आरामदायक: थंड हवामानात शरीराला उब मिळवून देते.