थंडगार, गोड-तिखट अन् कुरकुरीत चवीची ‘दही कचोरी’ आता बनवता येईल घरीच, सोपी रेसिपी नोट करा

Dahi Kachori : संध्याकाळच्या वेळेस आपल्याला अचानक काहीतरी चटपटीत खाण्याची इच्छा होऊ लागते, ज्यासाठी दही कचोरीचा पर्याय सर्वोत्तम ठरते. तुम्ही घरीदेखील हलवाई स्टाईल दही कचोरी तयार करू शकता.

“दिवस भरात काहीतरी चटपटीत आणि स्वादिष्ट खाण्याची इच्छा झाली की आपल्या मनात लगेच चाट पदार्थ येतात. संध्याकाळच्या वेळेस तर चटपटीत खाण्याची इच्छा आणखीनच दृढ होऊ लागते अशात प्रत्येक वेळी बाहेरूनच का आपण घरीही चटपटीत आणि स्वादिष्ट पदार्थ तयार करू शकतो. दही कचोरी म्हणजे एक अप्रतिम आणि तोंडाला पाणी सुटेल असा पदार्थ! कुरकुरीत कचोरीवर घातलेले थंडगार दही, गोड-तिखट-चटकदार चटण्या, थोडं शेव आणि मसाले — या सगळ्यांचा एकत्रित स्वाद म्हणजे जणू काही स्वर्गीय आनंदच.

सकाळच्या नाश्त्यासाठी १० मिनिटांमध्ये बनवा परफेक्ट पालक-कॉर्न टोस्ट, हेल्दी पदार्थ शरीरासाठी ठरतील पौष्टिक

हा पदार्थ उत्तर भारतात अत्यंत प्रसिद्ध आहे, पण आता महाराष्ट्रातही तो फार लोकप्रिय झाला आहे. घरी पाहुणे आले असतील, सणाच्या दिवशी काहीतरी खास बनवायचं असेल किंवा फक्त विकेंडला घरच्यांसोबत काही झकास खायचं असेल, तर ही दही कचोरी उत्तम पर्याय ठरते. चला तर मग जाणून घेऊ या, घरच्या घरी कुरकुरीत, तिखट-गोड आणि थंडगार दही कचोरी कशी बनवायची.

कचोरीसाठी:

• मैदा – १ कप
• रवा – २ टेबलस्पून
• तूप किंवा तेल – २ टेबलस्पून
• मीठ – चवीनुसार
• पाणी – मळण्यासाठी

 

पुरणासाठी (आतील सारण):

• मूग डाळ – ½ कप (भिजवून घेतलेली)
• आलं-लसूण पेस्ट – १ टीस्पून
• हिरव्या मिरच्या – २ बारीक चिरलेल्या
• जिरे – ½ टीस्पून
• धने पावडर – १ टीस्पून
• आमचूर पावडर – ½ टीस्पून
• मीठ – चवीनुसार
• तेल – १ टेबलस्पून

टॉपिंगसाठी:

• दही – १ कप (फेटलेले आणि थंड)
• गोड चिंचेची चटणी – आवश्यकतेनुसार
• हिरवी चटणी – आवश्यकतेनुसार
• लाल तिखट – थोडं
• चाट मसाला – १ टीस्पून
• शेव – थोडीशी
• कोथिंबीर – सजावटीसाठी
• डाळिंबाचे दाणे – सजावटीसाठी

Winter Special : थंडीच्या वातावरणात घरी बनवा पौष्टिक अन् कुरकुरीत ‘पालक वडे’; नोट करा रेसिपी

कृती

• एका भांड्यात मैदा, रवा, मीठ आणि तूप घालून नीट मिसळा. हळूहळू पाणी घालून मऊसर पण घट्ट पीठ मळून घ्या. १५-२० मिनिटं झाकून ठेवा.
• मूग डाळ २-३ तास भिजवून मिक्सरमध्ये किंचित जाडसर वाटून घ्या.
• कढईत तेल गरम करून त्यात जिरे, आलं-लसूण पेस्ट, हिरव्या मिरच्या टाका. नंतर वाटलेली मूग डाळ, धने पावडर, आमचूर आणि मीठ घालून ५-७ मिनिटं परतून घ्या. सारण तयार झाल्यावर थंड होऊ द्या.
• मैद्याचं छोटे गोळे बनवा. प्रत्येक गोळ्याला थोडं लाटून मध्ये सारण भरा आणि घट्ट बंद करा. हाताने थोडं दाबून कचोरीचा आकार द्या.
• गरम तेलात या कचोर्‍या मंद आचेवर सोनेरी आणि कुरकुरीत होईपर्यंत तळून घ्या. नंतर पेपरवर काढून ठेवा.
• कचोरी अर्धी फोडून त्यावर दही, हिरवी चटणी आणि गोड चिंचेची चटणी घाला.
• वरून लाल तिखट, चाट मसाला, शेव, कोथिंबीर आणि डाळिंबाचे दाणे घालून सर्व्ह करा.
• दही नेहमी थंड आणि फेटलेलं वापरावं.
• कचोरी अगोदर तळून ठेवल्या असतील तर सर्व्ह करताना थोडी गरम करून दही टाका.
• हवं असल्यास वरून उकडलेले बटाटे, कांदा किंवा मोडही टाकू शकता.
• अशा पद्धतीने बनवलेली दही कचोरी केवळ चवदारच नाही तर बघायला देखील आकर्षक दिसते. एका घासात गोड, तिखट, आंबट आणि कुरकुरीतपणा – हे सगळं एकत्र अनुभवता येतं.