पाहूनच तोंडाला पाणी सुटेल! घरी बनवा हिरव्या मसाल्यातील कुरकुरीत ‘पापलेट फ्राय’; चविष्ट आणि झटपट रेसिपी

Paplet Fry In Green Masala : हिरव्या मसाल्यात फ्राय केलेला कुरकुरीत पापलेट जेव्हा लिंबाच्या फोडीसह सर्व्ह केला जातो तेव्हा तोंडात पाणी आल्याशिवाय राहत नाही. आजच नोट करा याची चवदार रेसिपी.

• मासेप्रेमींसाठी आजची रेसिपी खास ठरणार आहे.
• आज आपण जाणून घेणार आहोत पापलेट फ्रायची रेसिपी.
• विकेंडसाठी ही डिश एक परफेक्ट पर्याय आहे.

समुद्रकिनारी मिळणाऱ्या ताज्या माशाचा सुगंध आणि चव ही खरंच वेगळीच असते. महाराष्ट्राच्या किनारपट्टी भागात पापलेट हा मासा विशेष लोकप्रिय आहे. त्याच मऊ, रसाळ मांस आणि सौम्य चव यामुळे ती विविध पद्धतींनी बनवली जाते. हिरव्या मसाल्यातील पापलेट फ्राय ही  एक चविष्ट आणि थोडी वेगळी रेसिपी आहे.

Recipe : कुरकुरीत आणि मजेदार… पार्टी स्नॅक्ससाठी एक टेस्टी पर्याय; घरी बनवा हाॅटेल स्टाईल ‘ओनियन रिंग्स’

कोथिंबीर, पुदिना, हिरव्या मिरच्या आणि लसूण यांचा ताजातवाना मसाला पापलेटला छान झणझणीत आणि सुगंधी बनवतो. या रेसिपीमध्ये मसाल्याची चव आणि मासळीची नैसर्गिक गोडी यांचा सुंदर समतोल साधला जातो. जेवणात काहीतरी खास बनवायचं असेल किंवा पाहुण्यांसाठी आकर्षक डिश हवी असेल, तर हा पापलेट फ्राय नक्की करून पाहावा.

साहित्य:

• 2 मध्यम आकाराचे पापलेट (स्वच्छ करून काप केलेले)
• 1 कप कोथिंबीर
• 1/2 कप पुदिन्याची पाने
• 3-4 हिरव्या मिरच्या
• 5-6 लसूण पाकळ्या
• 1 इंच आले
• 1 चमचा लिंबाचा रस
• 1/2 चमचा हळद
• 1 चमचा लाल तिखट (ऑप्शनल)
• मीठ चवीनुसार
• 2-3 चमचे तांदळाचे पीठ किंवा रवा (कोटिंगसाठी)
• तेल तळण्यासाठी

जेवणात चार घास जातील जास्त! दुपारच्या जेवणात बनवा झणझणीत Stuffed Tomato, नोट करून घ्या रेसिपी

कृती:

• सर्वप्रथम पापलेट स्वच्छ धुवून त्यावर हलके चिरे द्या, जेणेकरून मसाला आतपर्यंत मुरेल.
• कोथिंबीर, पुदिना, हिरव्या मिरच्या, लसूण, आले आणि थोडंसं पाणी घालून बारीक हिरवा मसाला वाटून घ्या.
• तयार मसाल्यात हळद, मीठ, लिंबाचा रस आणि लाल तिखट घालून नीट मिसळा.
• हा मसाला पापलेटच्या दोन्ही बाजूंना आणि चिरांमध्ये चांगला लावा.
• मासा किमान 20-30 मिनिटं मुरायला ठेवा, त्यामुळे चव अधिक खुलते.
• मुरलेले पापलेट  तांदळाच्या पीठात किंवा रव्यामध्ये हलकेच घोळवून घ्या.
• कढईत तेल गरम करून पापलेट दोन्ही बाजूंनी सोनेरी आणि खमंग होईपर्यंत तळून घ्या.
• गरमागरम हिरव्या मसाल्यातील पापलेट फ्राय लिंबाच्या फोडीसोबत आणि कांद्याच्या कापांसह सर्व्ह करा. हा
• पदार्थ साध्या भात-आमटीसोबत किंवा चपातीसोबतही अतिशय छान लागतो.