Recipe : उपावासासाठी खास, विकतची नको; आता घरीच बनवा गोड आणि स्वादिष्ट ‘राजगिरा चिक्की’

Rajgira Chikki Recipe : उपवास आहे आणि हलकी भूक लागतेय? मग घरी बनवून ठेवा टेस्टी राजगिरा चिक्की. ही चिक्की घरी बनवणे फार सोपे आहे आणि निवडक साहित्यापासून ती तयार होते.

• उपवास म्हटलं की फक्त काही निवडक पदार्थच खाता येतात.
• यात राजगिऱ्याचा प्रामुख्याने समावेश होतो.
• तुम्ही राजगिऱ्यापासून चिक्की तयार करु शकता.

उपवासाच्या दिवसांत हलकं पण पौष्टिक काहीतरी खावंसं वाटत असेल, तर राजगिरा चिक्की हा एक उत्तम पर्याय ठरतो. राजगिरा म्हणजेच अमरंथ हे धान्य प्रथिने, कॅल्शियम, आयर्न आणि फायबरने भरलेले असते. त्यामुळे शरीराला ऊर्जा मिळण्यास मदत होते आणि बराच वेळ पोट भरल्यासारखेही वाटते. गुळाच्या गोड चवीसोबत तयार होणारी ही कुरकुरीत चिक्की लहानांपासून मोठ्यांपर्यंत सगळ्यांनाच आवडते.

Summer Special : तेच तेच पदार्थ नको, यंदा आंब्यांपासून बनवा ‘मँगो बर्फी’, खास क्षणांचा गोडवा करेल द्विगुणित

घरच्या घरी तयार केलेली राजगिरा चिक्की बाजारातील पदार्थांपेक्षा अधिक शुद्ध आणि चविष्ट लागते. फक्त काही मोजक्या साहित्यामध्ये तयार होणारी ही रेसिपी उपवासासाठीच नाही तर रोजच्या हेल्दी स्नॅकसाठीही उत्तम आहे. चहासोबत, मुलांच्या डब्यात किंवा प्रवासात झटपट ऊर्जा देणारा पदार्थ म्हणूनही ही चिक्की उपयोगी पडते.

साहित्य

• 2 कप राजगिरा लाह्या
• 1 कप गूळ
• 2 चमचे तूप
• 2 चमचे पाणी
• थोडंसं वेलची पूड (ऑप्शनल)

काही हटके खायचंय? मग घरी बनवा गुजराती स्टाईल ‘बाजरी वडा’, चवीलाच भारी नाही तर आरोग्यासाठीही ठरते फायदेशीर

कृती

• सर्वप्रथम कढई गरम करून त्यात राजगिरा लाह्या हलक्या भाजून घ्या. त्यामुळे त्यांचा स्वाद अधिक छान लागतो.
• एका जाड बुडाच्या पातेल्यात गूळ, पाणी आणि तूप घालून मंद आचेवर वितळू द्या.
• गुळाचा पाक थोडा घट्ट झाला की त्यात वेलची पूड घाला. पाक योग्य झाला आहे का हे पाहण्यासाठी थोडा पाक
• पाण्यात टाका. तो घट्ट गोळा झाला तर पाक तयार आहे.
• आता लगेच त्यात भाजलेल्या राजगिरा लाह्या घालून पटकन एकजीव करून घ्या.
• तूप लावलेल्या पोळपाटावर किंवा ट्रेमध्ये हे मिश्रण ओता.
• लाटण्याला तूप लावून मिश्रण गरम असतानाच समान जाडीमध्ये लाटा.
• थोडं कोमट असतानाच सुरीने चौकोनी किंवा लांबट तुकडे कापा आणि पूर्ण थंड झाल्यावर चिक्की वेगळी करा.
• कुरकुरीत आणि पौष्टिक राजगिरा चिक्की तयार आहे. हवाबंद डब्यात भरून ठेवल्यास ती अनेक दिवस चांगली टिकते.