Summer Special : तेच तेच पदार्थ नको, यंदा आंब्यांपासून बनवा ‘मँगो बर्फी’, खास क्षणांचा गोडवा करेल द्विगुणित

Mango Barfi Recipe : उन्हाळ्याची आवडती गोष्ट म्हणजे आंबा. हे एक असे फळ आहे, जे लहानांपासून मोठ्यांपर्यंत सर्वांच्याच आवडीचे. सीजन संपण्याआधी आंब्यांपासून बनवा गोड, रुचकर चवीची मँगो बर्फी.

(फोटो सौजन्य: Pinterest)

Follow Us:

Follow Us:

• आंबा हा फळांचा राजा मानला जातो.
• हा सीजनल फ्रुट असल्याने उन्हाळ्याच्या दिवसांत तो बाजारात उपलब्ध होतो.
• आंब्यापासून तेच बोरिंग पदार्थ नाही, तर गोड बर्फी बनवून पाहा.

काही हटके खायचंय? मग घरी बनवा गुजराती स्टाईल ‘बाजरा वडा’, चवीलाच भारी नाही तर आरोग्यासाठीही ठरते फायदेशीर

मँगो बर्फीची खासियत म्हणजे तिची मऊसर टेक्स्चर, हलकी गोड चव आणि आंब्याचा सुगंध. सण, वाढदिवस, पाहुणचार किंवा संध्याकाळच्या गोड खाण्याच्या इच्छेसाठी ही बर्फी उत्तम पर्याय ठरते. बाजारातील मिठाईपेक्षा घरच्या घरी बनवलेली बर्फी अधिक ताजी आणि चविष्ट लागते. विशेष म्हणजे ही रेसिपी कमी साहित्यामध्ये तयार होते आणि फार वेळही लागत नाही.

साहित्य

• 2 कप आंब्याचा गर
• 2 कप दूध पावडर
• 1 कप साखर
• 4 चमचे तूप
• 1/2 कप दूध
• वेलची पूड
• ड्रायफ्रूट्स सजावटीसाठी

कृती

• सर्वप्रथम एका जाड बुडाच्या पॅनमध्ये तूप गरम करून त्यात आंब्याचा गर घाला. मध्यम आचेवर काही मिनिटे परता.
• आता त्यात साखर घालून मिश्रण सतत हलवत राहा. साखर पूर्णपणे विरघळू द्या.
• दूध पावडर आणि दूध थोडं-थोडं घालत मिश्रण गाठी न राहता एकजीव करून घ्या.
• मिश्रण घट्ट होऊ लागल्यावर त्यात वेलची पूड घाला. मिश्रण पॅनच्या कडांपासून सुटू लागेपर्यंत हलवत राहा.
• एका तुप लावलेल्या ट्रेमध्ये हे मिश्रण समान पसरवा.
• वरून ड्रायफ्रूट्स टाकून हलक्या हाताने दाबा आणि मिश्रण पूर्ण थंड होऊ द्या.
• सेट झाल्यानंतर आवडीनुसार चौकोनी किंवा डायमंड आकारात कापा आणि सर्व्ह करा.

Web Title: Summer special make mango barfi at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com