सर्दी खोकल्यापासून आराम मिळवण्यासाठी सकाळच्या नाश्त्यासाठी बनवा टोमॅटो सूप, शरीर राहील उबदार

आज आम्ही तुम्हाला टोमॅटो सूप बनवण्याची सोपी रेसिपी सांगणार आहोत. हा पदार्थ सर्वच ऋतूंमध्ये बनवला जातो. घशात वाढलेल्या वेदना, खोकला आणि सर्दीपासून आराम मिळवण्यासाठी टोमॅटो सूप प्यावे.

वातावरणात होणाऱ्या बदलांचा परिणाम आरोग्यावर लगेच दिसून येतो. राज्यासह संपूर्ण देशभरात सगळीकडे मुसळधार पाऊस पडत आहे. सतत पडणाऱ्या पावसामुळे सगळीकडे साथीच्या आजार वाढू लागले आहेत. साथीचे आजार वाढू लागल्यानंतर सर्दी, खोकला, अशक्तपणा किंवा थकवा जाणवतो. याशिवाय जुलाब, डेंग्यू, मलेरिया इत्यादी आजारांची लागण झाल्यानंतर आरोग्य पूर्णपणे बिघडून जाते. त्यामुळे पावसाळ्याच्या दिवसांमध्ये आरोग्याची जास्त काळजी घेणे आवश्यक आहे. म्हणूनच आज आम्ही तुम्हाला शरीराची रोगप्रतिकारशक्ती सुधारण्यासाठी टोमॅटो सूप बनवण्याची सोपी रेसिपी सांगणार आहोत. गरमागरम टोमॅटो सूपचे सेवन केल्यामुळे शरीरात उष्णता वाढते आणि आरोग्य सुधारण्यास मदत होते. टोमॅटोमध्ये असलेले आंबटपणा जिभेची चव वाढवतो. चला तर जाणून घेऊया टोमॅटो सूप बनवण्याची सोपी रेसिपी.(फोटो सौजन्य – istock)

Healthy Idli Recipe: १० मिनिटांमध्ये सकाळच्या नाश्त्यासाठी बनवा पालक इडली, हिरव्या चटणीसोबत लागेल चविष्ट

साहित्य:

• टोमॅटो
• मीठ
• काळीमिरी पावडर
• कांदा लसूण
• आलं
• जिरं
• कोथिंबीर

साऊथ इंडियन पद्धतीने घरी बनवा स्वादिष्ट टेस्टी मूगडाळ पायसम, नैसर्गिक गोडवा वाढवणारा पौष्टिक पदार्थ

कृती:

• टोमॅटो सूप बनवण्यासाठी सर्वप्रथम, टोमॅटो, कांदा, गाजर, लसूण आणि आलं स्वच्छ धुवून बारीक करून घ्या.
• कढईमध्ये तेल गरम करून त्यात जिरं घाला. वरून टोमॅटो, कांदा, गाजर, लसूण आणि बारीक चिरून घेतलेलं आलं टाकून व्यवस्थित मिक्स करा.
• सर्व भाज्या व्यवस्थित शिजल्यानंतर थंड होण्यासाठी ठेवा. मिक्सरच्या भांड्यात थंड झालेले पदार्थ टाकून बारीक पेस्ट तयार करून घ्या.
• तयार केलेली भाज्यांची पेस्ट चाळणीच्या सहाय्याने गाळून घ्या. मोठ्या टोपात तयार केलेली पेस्ट ओतून गॅसवर ठेवा.
• त्यात आवश्यकतेनुसार पाणी घालून व्यवस्थित मिक्स करून एक उकळी काढा. त्यानंतर त्यात चवीनुसार मीठ आणि काळीमिरी पावडर टाकून मिक्स करून घ्या.
• तयार आहे सोप्या पद्धतीमध्ये बनवलेला टोमॅटो सूप. हा पदार्थ लहान मुलांपासून मोठ्यांपर्यंत सगळ्यांचं खूप जास्त आवडेल.