सणासुदीसाठी बनवा चविष्ट मखाना खीर, अशी रेसिपी की बोटंही चाटत रहाल

Makhana Kheer Recipe: सणासुदीला वेगळं असं गोड काय बनवायचं असा प्रश्न असेल आणि सतत श्रीखंड, गुलाबजाम अथवा बंगाली स्वीट्स खाऊन कंटाळा आला असेल तर हेल्दी आणि चविष्ट अशी मखाणा खीर तुम्ही नक्कीच घरी बनवू शकता.

दिवाळीचा सण लवकरच येणार आहे. दिवाळीमध्ये मोतीचूर लाडू, चकली, चिवडा, शंकरपाळे यासह घरात रोज काही ना काहीतरी गोडधोड पदार्थ हवे असतात. पेढा, बर्फी, श्रीखंड आणि गुलाबजाम याशिवाय काही विशिष्ट बंगाली मिठाई आपल्या घरात दिवाळीला दिसून येतेच. पण यावेळी दिवाळीला काहीतरी वेगळं बनवायचा विचार असेल आणि पौष्टिक पदार्थ हवा असेल तर तुम्ही मखाणा खीर हा उत्तम पर्याय निवडू शकता. 

अगदी चविष्ट आणि वेगळा स्वाद असणारी ही खीर बोटं चाटत राहण्याइतकी चविष्ट बनवता येते, यासाठी शेफ दीपक गोरे, टाटा संपन्न इन हाऊस कलिनरी शेफ यांनी अगदी सोपी पद्धत आपल्यासह शेअर केली आहे. तुम्हीही अगदी कमी वेळात ही मखाणा खीर रेसिपी करून घरातल्या पाहुण्यांचं मन नक्कीच जिंकू शकता (फोटो सौजन्य – iStock) 

हेदेखील वाचा – कोजागिरी पौर्णिमेला घरी बनवा गोड चविष्ट मखाणा बासुंदी, वाचा सोपी रेसिपी

मखाणा खीरसाठी लागणारे साहित्य

• 1 टीस्पून तूप
• 2 ½ कप फुल क्रीम दूध
• 1/3 कप (120 ग्रॅम) मिल्कमेड (कंडेन्स्ड मिल्क) किंवा 75 ग्रॅम साखर
• 3 कप टाटा संपन्न उच्च प्रथिने मखाना
• टाटा हिमालयन केशरच्या काही पट्ट्या
• 15 ग्रॅम टाटा संपन्न काजू
• 20 ग्रॅम टाटा संपन्न बदाम
• चिमूटभर हिरवी वेलची पावडर
• काजू, बदामाचे तुकडे आणि काळे /हिरवे रेजिन्स- गार्निशसाठी

हेदेखील वाचा – चिरोटे बनवताना पाकळ्या नीट येत नाहीत? मग ‘या’ सोप्या टिप्स वापरून बनवा खुसखुशीत चिरोटे

कशी बनवाल मखाणा खीर

• प्रीहीटेड पॅनमध्ये 1 टीस्पून तूप घालून टाटा संपन्न हाय प्रोटीन मखाना कुरकुरीत होईपर्यंत भाजून घ्या
• ते थंड करून त्याचे लहान तुकडे करा. पावडर बनवू नका
• बदाम 1 मिनिट पाण्यात ब्लँच करा, बदामाचे वरील कव्हर काढून घ्या आणि काजूबरोबर थोडे भाजून घ्या त्यानंतर जाडसर अशी पावडर बनवा
• 2 ½ कप फुल क्रीम दूध एका पॅनमध्ये उकळवा, त्यात मिल्क मेड किंवा साखर घाला आणि चांगले मिसळा
• तुटलेला मखाना, काजू आणि बदाम पावडर घालून चांगले मिसळा
• उकळायला ठेवा आणि त्यात केशर, चिमूटभर हिरवी वेलची पावडर घाला, चांगले मिसळा
• तुमच्या आवडीनुसार दूध आणि साखर घालून कन्सटनन्सी आणि गोडपणा यांचे समायोजन करा
• काजू, बेदाणे आणि कापलेल्या बदामांनी सजवा. मखाण्याची खीर तुम्ही गरम किंवा थंड दोन्ही पद्धतीने सर्व्ह करू शकता 

टीप – ही रेसिपी आम्ही शेफकडून घेतली असून तुम्ही तुम्हाला हव्या तशा पद्धतीनेही मखाणा खीर बनवू शकता. आपल्या निवडप्रमाणे आणि चवीनुसार साखर आणि अन्य साहित्याचा वापर तुम्हाला करता येऊ शकतो हे लक्षात घ्या. सर्वात महत्त्वाचे म्हणजे दिवाळी साजरी करताना मनसोक्त गोड पदार्थ खा पण आपल्या आरोग्याचीही काळजी घ्यायला विसरू नका हे मात्र नक्की!