एकाच महिन्यात दोन वेळा मासिक पाळी येते? महिलांच्या शरीरात होणाऱ्या ‘या’ बदलांमुळे बिघडते आरोग्य

महिन्यातून दोन वेळा मासिक पाळी येत असेल तर दुर्लक्ष न करता वेळीच डॉक्टरांच्या सल्ल्याने उपचार करावेत. कारण शरीरसंबंधित निर्माण झालेल्या समस्यांमुळे मासिक पाळीच्या चक्रात बदल होतो.

महिन्यातून दोनदा मासिक पाळी का येते?
मासिक पाळीच्या दिवसांमध्ये उद्भवणाऱ्या समस्या?
मासिक पाळीच्या चक्रात कशामुळे बिघाड होतो?

सर्वच महिलांना प्रत्येक महिन्यात मासिक पाळी येते. मासिक पाळी येणे हे अतिशय सामान्य आहे. कारण ही शरीरातील नैसर्गिक प्रक्रिया आहे. ज्यामुळे महिन्यातील चार किंवा पाच दिवस मासिक पाळी येते. पाळी येण्याच्या आधी आणि पाळी आल्यानंतर शरीरसंबंधित बऱ्याच समस्या उद्भवू लागतात. अशक्तपणा, कंबर दुखणे, चक्कर येणे, उलट्या, मळमळ इत्यादी लक्षणे दिसू लागतात. पण धावपळीची जीवनशैली, कामाचा वाढलेला तणाव आणि कौटुंबिक जबाबदाऱ्यांमुळे महिला स्वतःच्या आरोग्याकडे व्यवस्थित लक्ष देत नाही. त्यामुळे मासिक पाळी येऊन गेल्यानंतर पुन्हा त्याच महिन्यात दुसऱ्यांदा मासिक पाळी येणे, हे शरीरसंबंधित गंभीर आजाराचे संकेत आहेत. त्यामुळे प्रत्येक महिन्यात तुम्हाला जर दोनदा मासिक पाळी येत असेल तर दुर्लक्ष न करता वेळीच डॉक्टरांच्या सल्ल्याने उपचार करावेत. चला तर जाणून घेऊया महिन्यातून दोनदा मासिक पाळी का येते आणि त्यामागील सविस्तर कारण.(फोटो सौजन्य – istock)

ओल्या कचऱ्याच्या घाणेरड्या दुर्गंधीमुळे शरीराला होईल ‘या’ संसर्गजन्य आजारांची लागण, दुर्गंधी ठरेल जीवघेणी

हार्मोन असंतुलन:

महिलांच्या शरीरात सतत हार्मोनल बदल होत असतात. या बदलांचा परिणाम महिलांच्या आरोग्यावर लगेच दिसून येतो. अ‍ॅस्ट्रोजन आणि प्रोजेस्टेरॉनसारखे हार्मोन्स मासिक पाळीवर परिणाम करतात. यामुळे अनियमित मासिक पाळी तर काही वेळा महिन्यातून दोनदा सुद्धा मासिक पाळी येण्याची शक्यता असते. हार्मोनल बदलांचा परिणाम मासिक पाळीच्या चक्रावर लगेच दिसून येतो. याशिवाय वाढलेला मानसिक तणाव, जीवनशैलीत होणारे बदल शरीरातील हार्मोन्सचे संतुलन बिघडून टाकतात.

गर्भाशय फायब्रॉएड:

वय वाढल्यानंतर किंवा तरुण वयात शरीरात दिसून येणाऱ्या लक्षणांकडे कायमच दुर्लक्ष केले जाते. पण कालातंराने या समस्या आणखीनच तीव्र होतात आणि शरीराला धोका निर्माण करतात. Uterine Fibroids हे गर्भाशयाच्या आतमध्ये तयार होणाऱ्या छोट्या छोट्या गाठी आहेत. गर्भाशयात तयार झालेल्या गाठीच्या आकारावर मासिक पाळीमध्ये कमी किंवा जास्त रक्तस्त्राव होणे अवलंबून असते. फायब्रॉएडच्या गाठी वाढू लागल्यानंतर काहीवेळा महिन्यातून दोनदा सुद्धा मासिक पाळी येते.

सकाळच्या नाश्त्यात नियमित चहा बिस्कीट खात असाल तर थांबा! आरोग्यावर होतील गंभीर परिणाम, वेळीच व्हा सावध

थायरॉइड:

महिलांमध्ये प्रामुख्याने दिसून येणारा गंभीर आजार म्हणजे थायरॉइड. हायपरथायरायडिज्म किंवा हायपोथायरायडिज्म असे थायरॉइडचे दोन प्रकार आहेत. या दोन्ही आजारांमध्ये वेगवेगळी लक्षणे महिलांच्या शरीरात दिसून येतात. थायरॉइडचा मासिक पाळीच्या चक्रावर लगेच परिणाम होतो. काहीवेळा खूप जास्त रक्तस्त्राव तर कधी अतिशय रक्तस्त्राव होऊन महिलांचे आरोग्य बिघडते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.