Baba Ramdev ने सांगितला रक्त वाढविण्याचा देशी जुगाड, बुलेट स्पीडने 7 दिवसात 7 पासून 14 पर्यंत जाईल Hemoglobin

बाबा रामदेव यांनी सांगितलेल्या उपायांनी आठवड्यातून हिमोग्लोबिनची पातळी ७ वरून १४ पर्यंत कशी वाढवता येते. बाबा रामदेवांनी दिलेल्या घरगुती उपायांनी तुम्ही हिमोग्लोबिन शरीरात वाढवू शकता

• हिमोग्लोबिन का कमी होते
• हिमोग्लोबिन कसे वाढवावे
• बाबा रामदेव घरगुती उपाय

हिमोग्लोबिन हा आपल्या शरीरातील रक्तातील सर्वात महत्वाचा भाग आहे, जो संपूर्ण शरीरात ऑक्सिजन पोहोचवतो. जर हिमोग्लोबिन कमी झाले तर थकवा, चक्कर येणे, श्वास लागणे आणि अशक्तपणा यासारख्या समस्या उद्भवू लागतात. भारतातील बहुतेक लोक लोहाच्या कमतरतेमुळे अशक्तपणाने ग्रस्त असतात.

बऱ्याच जणांचे हिमोग्लोबिन अत्यंत कमी असते आणि त्यामुळे अनेकांना वेगवेगळे आजारही होऊ शकतात. पण हिमोग्लोबिन वाढविण्यासाठी नक्की काय करायला हवे याबाबत योगगुरू बाबा रामदेव यांनी काही सोपे उपाय सांगितले आहेत. सतत डॉक्टरांची औषधं खाण्यापेक्षा आपल्या रोजच्या आयुष्यातील काही महत्त्वाचे बदलच तुमच्या शरीरातील हिमोग्लोबिन वाढविण्यास मदत करतात. जाणून घेऊया काय आहेत महत्त्वाच्या टिप्स (फोटो सौजन्य – इन्स्टाग्राम/iStock)

हिमोग्लोबिन वाढवण्यासाठी स्मृती इराणींच्या घरी तयार केले जाते ‘हे’ स्पेशल सूप, रक्त वाढवण्यासोबत थकवा होईल कमी

कमी हिमोग्लोबिनची कारणे

• लोहाची कमतरता असलेला आहार: बरेचदा आपल्या जेवणामध्ये अनेक पदार्थ असे असतात जे शरीराला लोह मिळवून देतच नाहीत. केवळ पोट भरण्यासाठी पदार्थ खाल्ले जातात 
• जास्त रक्तस्त्रावः मासिक पाळी किंवा दुखापतीमुळे जर शरीरातून जास्त रक्तस्राव होत असेल तर हिमोग्लोबिनचे प्रमाण कमी होते 
• हाडांची समस्याः एका ठराविक वयानंतर हाडं ठिसूळ होऊ लागतात आणि हिमोग्लोबिन कमी होण्याचे हे कारणदेखील ठरते 
• पचन खराब होणे आणि पोषणाचा अभाव
• सतत ताण आणि अस्वस्थ जीवनशैली हेदेखील महत्त्वाचे कारण ठरते 

बाबा रामदेव यांचे नैसर्गिक उपाय 

योगगुरू बाबा रामदेव यांच्या मते, जर दैनंदिन आहारात काही विशेष गोष्टींचा समावेश केला तर हिमोग्लोबिनची पातळी सहजपणे १५-१६ पर्यंत पोहोचू शकते. 

• हिंगाचा रस आणि आल्याचा रस: पचनशक्ती मजबूत करून रक्त स्वच्छ करण्यासाठी तुम्ही या कॉम्बिनेशनचा विचार करू शकता. नियमित आल्याच्या रसासह हिंग मिक्स करून पिण्याने तुमच्या शरीरातील हिमोग्लोबिन वाढण्यास मदत मिळते
• कोरफड आणि आवळा रस: शरीराला लोह आणि व्हिटॅमिन सी प्रदान करतात, ज्यामुळे लोहाचे शोषण सुधारते. आवळ्यात नैसर्गिकरित्या चांगले घटक असल्याने शरीराला लोह मिळण्यास मदत मिळते 
• गाजर आणि गाजराचा रस: बीटा कॅरोटीन आणि लोहाने समृद्ध असल्यामुळे रक्ताचे आरोग्य सुधारते. गाजरामध्ये विटामिन ए सह लोहदेखील आढळते आणि नियमित रोज सकाळी याचे सेवन केल्याने तुम्हाला कधीही हिमोग्लोबिनची पातळी कमी होण्याचा त्रास होणार नाही 
• मनुका, अंजीर आणि खजूर: लोह, फॉलिक अ‍ॅसिड आणि खनिजांसह नैसर्गिकरित्या हिमोग्लोबिन वाढवतात. रोज रात्री तुम्ही मनुका, अंजीर आणि खजूर पाण्यात भिजवा आणि सकाळी उपाशीपोटी उठल्यावर खाल्ल्याने तुमच्या शरीरातील हिमोग्लोबिन वाढण्यास मदत मिळते
• बीट अथवा बीटाचा रसः रोज सकाळी तुम्ही किमान एक ग्लास बिटाचा रस पित असाल तर तुमच्या हिमोग्लोबिनची पातळी कधीही कमी होणार नाही. 

शरीरात वाढेल त्वरीत हिमोग्लोबिन, 7 फळं ठरतील वरदान

हिमोग्लोबिन वाढविण्यासाठी आहार

रोज ३० मिनिटे योगासने आणि प्राणायाम करा. जंक फूड, चहा-कॉफी आणि जास्त तेल आणि मसाल्यांपासून दूर रहा. हिरव्या पालेभाज्या, डाळिंब आणि बीटरूट यांना आहाराचा भाग बनवा. वेळेवर झोपणे आणि ताण कमी करणेदेखील महत्त्वाचे आहे.

हिमोग्लोबिन वाढवण्यासाठी औषध नाही तर योग्य आहार आणि योग पुरेसे आहेत. बाबा रामदेव यांच्या या सोप्या टिप्सचा अवलंब करून प्रत्येकजण निरोगी आणि उत्साही राहू शकतो.

रामदेव बाबांचा सल्ला

See more