विना गॅस आणि विना तेल तयार करा ‘हे’ झटपट स्नॅक! चवीशी अजिबात तडजोड नाही; शेजारीही नक्कीच विचारतील रेसिपी

No Gas, No Oil Food : तुम्हाला माहिती आहे का? गॅस आणि तेलाच्या एका थेंबाचाही वापर न करता तुम्ही टेस्टी आणि हेल्दी स्नॅक्सचे पर्याय घरीच तयार करु शकता. चला पदार्थांची रेसिपी जाणून घेऊया.

• गॅस-तेलाशिवाय झटपट तयार करा टेस्टी दही ब्रेड चाट
• काकडी आणि पनीरपासून बनवा हेल्दी आणि चविष्ट बाईट्स
• सँडविच लव्हर्ससाठी ट्राय करा नो-ऑईल कोल्ड सँडविच

वाढता लठ्ठपणा पाहता आजकाल अनेकजण नो ऑईल कुकिंगकडे वळू लागले आहेत. याचाच अर्थ टेस्टी जेवण बनवणे पण तेलाशिवाय… आता तुम्हाला वाटेल की, तेलाशिवाय पदार्थ कसे बरे तयार करता येतील. तर तुमच्या माहितीसाठी आम्ही सांगतो की, काही पदार्थ हे असे असतात ज्यांना तेलाच्या आणि गॅसच्या वापराशिवाय तयार केले जाऊ शकते. यामुळे तुमचा गॅसही वाचेल आणि तेलाचा वापर नसल्याने पदार्थ आरोग्यासाठी हेल्दी देखील ठरेल. आज या लेखात आपण असेच काही भन्नाट स्नॅक्सचे पदार्थ पाहणार आहोत जे गॅस आणि तेलाच्या वापराशिवाय तयार केले जातात. आपल्या रोजच्या डाएट रुटीनमध्ये तुम्ही या पदार्थाचा समावेश करु शकता. चला तर मग सविस्तर जाणून घेऊया.

Food Recipe: नेहमीचं सॅलड खाऊन कंटाळा आला आहे?मग ट्राय करा कुरकुरीत बटाटा चिप्स सॅलड, नोट करा रेसिपी

दही ब्रेड चाट

संध्याकाळच्या हलक्या भूकेला शमवण्यासाठी तुम्ही दही ब्रेड चाट ही टेस्टी पदार्थ तयार करु शकता. यासाठी ब्रेडला लहान तुकड्यांमध्ये कापून घ्या. आता एका बाऊलमध्ये घट्टसर दही, मीठ, भाजलेल्या जिऱ्याची पूड आणि चाट मसाला मिसळून सर्व साहित्य एकत्र करा. आता ब्रेडच्या तुकड्यांवर हे तयार मिश्रण पसरवा. मग यावर चिरलेला कांदा, टोमॅटो आणि हिरवी कोथिंबीर घाला. यानंतर आपल्या टेस्टनुसार यावर हिरवी चटणी, गोड चटणी आणि बारीक शेव घालून पदार्थाला छान सजवा. तुमची दही ब्रेड चाट खाण्यासाठी तयार आहे.

काकडी-पनीर बाईट्स

काकडी आणि पनीर दोन्हीही आपल्या आरोग्यासाठी खूप महत्त्वाचे पदार्थ ठरत असतात. यापासून तुम्ही एक टेस्टी आणि हेल्दी असा स्नॅक्सचा पदार्थ तयार करु शकता. यासाठी प्रथम काकडीचे गोल तुकडे करा आणि मग पनीरचे क्यूबमध्ये तुकडे करा. आता काकडीच्या गोल कापांवर हे पनीरचे क्यूब्स ठेवा. यावर काळे मीठ, भाजलेले जिरे आणि चाट मसाला शिंपडा. तुम्हाला हवं असल्यास तुम्ही यावर हिरवी चटणी देखील घालू शकता. हलक्या नाश्त्यासाठी हा पदार्थ चांगला पर्याय ठरेल.

Recipe : टी-टाईम स्नॅक्ससाठी आहे परफेक्ट, झटपट घरी बनवा टेस्टी चाॅकलेट बिस्कीट

कोल्ड सँडविच

सँडविच लव्हर्ससाठी खास तुम्ही तेल आणि गॅसशिवाय व्हेज कोल्ड सँडविच तयार करु शकता. यासाठी प्रथम एका बाऊलमध्ये काकडी, टोमॅटो, कांदा आणि गाजराला बारीक चिरुन एकत्र करा. मग यात मेयॉनीज, काळी मिरी पूड आणि चवीनुसार मीठ घाला. एका ब्रेडच्या स्लाईसवर हे मिश्रण समान पसरवा आणि दुसरा ब्रेड स्लाईस यावर ठेवून हलका दाब द्या. चाकूने सँडविचचे दोन तुकडे करा आणि कोल्ड सँडविच खाण्यासाठी सर्व्ह करा.