Quick Weight Loss: डाएटमध्ये लहानसा बदल करत Orry ने केलं 23 किलो वजन कमी, तुमच्यासाठीही होईल सोपे

Weight Loss Tips: सर्व सेलिब्रिटींचा आवडता असणारा ओरी अर्थात ओरहान अवतरमानीने 23 किलो वजन कमी केले. त्याने अरहान खानच्या पॉडकास्टमध्ये याचा खुलासा करत वेट लॉस डाएट सांगितले

ओरी म्हणून प्रसिद्ध असलेल्या ओरहान अवतरमानीने अलीकडेच अरहान खानच्या पॉडकास्टमध्ये वजन कमी करण्याच्या त्याच्या प्रवासाबद्दल सांगितले. झिरो-शुगर डाएट फॉलो केल्याने त्याचे वजन २३ किलोने कमी झाल्याचा खुलासा त्याने यावेळी केला. ओरीने यावेळी असा विश्वास व्यक्त केला की आहारातून साखर पूर्णपणे काढून टाकल्याने केवळ वजन कमी होत नाही तर रक्तातील साखर नियंत्रित होते. आता ओरीचे वजन 50 किलो असून त्याला अत्यंत हलके वाटत असल्याचेही त्याने यावेळी सांगितले आहे. 

ओरीने अरहान खानच्या प्रसिद्ध पॉडकास्ट, Dumb Biryani मध्ये वजन कमी करण्याच्या प्रवासाबद्दल खुलेपणाने सांगितले आणि या काळात त्याला जाणवलेल्या आव्हानांबद्दलही सांगितले आहे. ओरीने आपली सकाळ नक्की कशी सुरू होते आणि काय खातो याबाबत संपूर्ण माहिती दिली आहे. तुम्हालाही वजन कमी करायचे असेल तर ओरीकडून नक्कीच तुम्ही टिप्स घेऊ शकता. (फोटो सौजन्य – Instagram/iStock)

ओरीचे वेट लॉस सिक्रेट 

ओरीने यावेळी सांगितले की, तो दिवसा बरेचदा पूर्ण जेवण खाणे टाळतो आणि रात्री क्वचितच जेवतो. त्याने या काळात झिरो-शुगर डाएट फॉलो करण्यावर भर दिल्याचे आवर्जून सांगितले. त्याला त्याच्या टार्गेटनुसार अजून 2-3 किलो वजन कमी करायचे आहे. ओरी पुढे म्हणाला की, शरीरात चरबी साठवून ठेवण्यात साखरेचा मोठा वाटा आहे. यामुळेच आहारतज्ज्ञ वजन कमी करण्यासाठी आहारातून साखर वगळण्याचा सल्ला देतात. 

हेदेखील वाचा – तांदळामुळे ढेरी वाढत चालली आहे? जाणून घ्या वेट लॉस करण्यासाठी कोणता तांदूळ आहे उत्तम

डाएटमधील साखरेची भूमिका 

साखरेमध्ये कॅलरीजचे प्रमाण जास्त असतेच पण त्यात पोषकतत्त्वेही खूप कमी असतात. ते जास्त प्रमाणात घेतल्याने वजन झपाट्याने वाढते आणि वजन कमी करण्याचा प्रवासही बिघडू शकतो. जेव्हा तुम्ही जास्त साखरेचे पदार्थ खातात तेव्हा त्यामुळे रक्तातील साखरेची पातळी झपाट्याने वाढते, ज्यामुळे थेट इन्सुलिन सोडण्यास चालना मिळते. अशा परिस्थितीत शरीरात चरबी साठू लागते आणि विशेषतः पोटावरील चरबी नियंत्रणाबाहेर जाते आणि तुमची जाडी वाढते. 

साखर सोडण्याची उत्तम पद्धत

जर तुम्हाला साखर कमी करायची असेल पण ते कसे करावे हे माहित नसेल तर काळजी करू नका, आम्ही काही मुद्यांच्या मदतीने तुमचे काम सोपे करण्याचा प्रयत्न केला आहे.

• हळूहळू बदल करा: साखर एकाच वेळी सोडण्याचा प्रयत्न करू नका. हळूहळू साखर कमी करा
• प्रक्रिया केलेले पदार्थ कमी खा: बिस्किटे, चॉकलेट, कोल्ड्रिंक्स इत्यादी पॅकबंद खाद्यपदार्थांमध्ये भरपूर साखर असते. अशा परिस्थितीत या गोष्टींपासून शक्य तितके अंतर ठेवा
• फळे आणि भाज्या खा: फळे आणि भाज्यांमध्येही नैसर्गिक साखर असते, परंतु ती तुमच्या शरीरासाठी चांगली मानली जाते
• नाश्त्यात प्रोटीन खावे: अंडी, दही, चीज यांसारखे प्रथिनेयुक्त पदार्थ जास्त काळ पोटभर राहतील, जे जास्त खाणे टाळण्यास मदत करेल
• लेबल वाचा: तुम्ही कोणताही खाद्यपदार्थ खरेदी करता तेव्हा त्याचे लेबल वाचा. काहीवेळा साखर वेगवेगळ्या नावांनीही लिहिली जाते, त्यामुळे तुमची फसवणूक होऊ शकते 

हेदेखील वाचा – ‘2-2-2 वेट लॉस मेथड’ नक्की काय आहे? सर्रकन येईल वजनाचा काटा खाली

साखर कमी केल्याने काय होईल?

• साखर कमी केल्याने तुमचे वजन कमी होऊ शकते
• साखर कमी केल्याने तुमचे एकंदर आरोग्य सुधारेल
• साखर कमी केल्याने तुम्हाला अधिक उत्साही वाटेल आणि सतत थकवाही जाणवणार नाही
• साखर न खाल्ल्यास तुम्हाला हलके वाटेल आणि आळशीपणा जाणवणार नाही 
• साखरेशिवाय शरीरात अधिक उर्जा राहील आणि वजन न वाढण्यास मदत होईल 

काय लक्षात ठेवावे?

• खूप आरोग्यदायी अन्नपदार्थ खाल्ल्याने तुमचे वजन झपाट्याने वाढू शकते
• आहारात अचानक बदल करण्याऐवजी हळूहळू निरोगी खाण्याच्या सवयी अंगीकारता येतील
• जर तुम्हाला वजन कमी करण्यात काही अडचण येत असेल तर डॉक्टर किंवा आहारतज्ञांचा सल्ला घ्या

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.