पार्टी स्नॅक्ससाठी परफेक्ट! कमी वेळेत तयार होणारे हाय प्रोटीन ‘सोया पकोडे’ एकदा घरी नक्की बनवून पहा

Soya Pakoda Recipe : या रेसिपीने तयार झालेले सोया पकोडे केवळ चविष्टच नाहीत, तर पौष्टिक देखील आहेत. पुढच्या वेळी पावसाळी संध्याकाळी काहीतरी वेगळं आणि हेल्दी खायचं ठरवलंत तर ही रेसिपी नक्की करून बघा.

(फोटो सौजन्य: Pinterest)

Follow Us:

Follow Us:

• सोयाबीनमध्ये अनेक पोषक घटक आढळून येतात जे आरोग्यासाठी फायदेशीर ठरतात
• अनेकांना सोयाबीनची भाजी खायला आवडत नाही अशात तुम्ही यापासून काही नवीन तयार करू शकता
• सोयाबीनचे कुरकुरीत भजी संध्याकाळच्या स्नॅक्ससाठी किंवा पार्टी स्नॅक्ससाठी परफेक्ट ठरतात

Winter Special : घरी बनवा चटाकेदर मुळ्याचं लोणचं; चटपटीत चव जिने दोन घास जास्तीचे खाल

साहित्य:

• सोया चंक्स (नगेट्स) – 1 कप
• बेसन (हरभरा पीठ) – 1 कप
• तांदळाचं पीठ – 2 टेबलस्पून
• कांदा – 1 मध्यम (बारीक चिरलेला)
• हिरवी मिरची – 2 (बारीक चिरलेल्या)
• आले-लसूण पेस्ट – 1 टीस्पून
• लाल तिखट – 1 टीस्पून
• हळद – 1/4 टीस्पून
• गरम मसाला – 1/2 टीस्पूनm
• कोथिंबीर – 2 टेबलस्पून (बारीक चिरलेली)
• मीठ – चवीनुसार
• पाणी – आवश्यकतेनुसार
• तेल – तळण्यासाठी

कृती:

• यासाठी सर्वप्रथम एका भांड्यात पाणी उकळवा आणि त्यात सोया चंक्स घाला. 10 मिनिटे भिजू द्या. नंतर ते पाणी काढून चंक्स चांगले पिळून घ्या जेणेकरून अतिरिक्त पाणी निघून जाईल.
• एका मोठ्या बाऊलमध्ये बेसन, तांदळाचं पीठ, हळद, लाल तिखट, गरम मसाला आणि मीठ घाला. त्यात थोडं-थोडं पाणी घालत घट्ट आणि गुळगुळीत पिठाचं मिश्रण तयार करा.
• आता त्यात आले-लसूण पेस्ट, चिरलेला कांदा, हिरवी मिरची आणि कोथिंबीर घालून चांगलं मिसळा.
  भिजवलेले आणि पिळलेले सोया चंक्स या मिश्रणात टाका आणि नीट हलवा, जेणेकरून प्रत्येक चंक्सवर बेसनाचं कोटिंग बसेल.
• कढईत तेल तापवा. तेल मध्यम आचेवर गरम असावं, जास्त गरम नको, नाहीतर पकोडे बाहेरून जळतील आणि आतून कच्चे राहतील.
• आता मिश्रणातील सोया चंक्स एकेक करून तेलात सोडा आणि सोनेरी रंग येईपर्यंत दोन्ही बाजूंनी तळा.
• तळलेले पकोडे टिश्यू पेपरवर काढून त्यातील अतिरिक्त तेल शोषून घ्या. नंतर गरमागरम सोया पकोडे हिरव्या चटणी किंवा टोमॅटो सॉसबरोबर सर्व्ह करा.
• हवे असल्यास पकोड्यांच्या मिश्रणात थोडं लिंबाचा रस टाका, त्यामुळे चव आणखी तिखटसर आणि चटपटीत लागते.
  डायट करणाऱ्यांसाठी हे पकोडे एअरफ्रायरमध्येही बनवता येतात.

Web Title: Perfect for evening snack or party snack know how to make soya pakoda at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com