बाहेरचं कशाला घरीच बनवा टेस्टी आणि सर्वांच्या आवडीचा Chicken Pizza; नाइट क्रेव्हिंग्ससाठी परफेक्ट

पिझ्झा ही एक अशी डिश आहे लहानांपासून मोठ्यांपर्यंत सर्वांनाच खायला फार आवडते. अशात आज आम्ही तुमच्यासाठी चिकन पिझ्झाची एक चविष्ट आणि सोपी अशी रेसिपी घेऊन आलो आहोत. ही रेसिपी तुमच्या विकेंड प्लॅनसाठी परफेक्ट आहे.

चिकन पिझ्झा हा एक लोकप्रिय इटालियन पदार्थ आहे जो आज जगभरातील खाद्यप्रेमींच्या मनात स्थान मिळवून आहे. खमंग बेस, चवदार चिकन, झणझणीत सॉस आणि वरून भरपूर चीज यामुळे हा पिझ्झा घरात बनवताना एक वेगळी मजा येते. खास करून मुलांना हा प्रकार खूप आवडतो. तुम्ही जर पहिल्यांदाच घरी पिझ्झा बनवत असाल, तर ही रेसिपी तुमच्यासाठी एक परफेक्ट रेसिपी आहे.

कारलं खायला आवडत नाही? मग सोप्या पद्धतीमध्ये घरी बनवा झणझणीत कारल्याचं भरीत, लहान मुलंसुद्धा आवडीने खातील

पिझ्झा अनेक प्रकारे बनवला जातो मात्र आज आम्ही तुमच्यासाठी चिकन पिझ्झाची एक चविष्ट आणि स्वादिष्ट अशी रेसिपी घेऊन आलो आहोत. अनेकांना आपल्या पिझ्झामध्ये फारशा भाज्या आवडत नाहीत अशात तुम्ही चिकन पिझ्झा तयार करू शकता. पिझ्झाची ही रेसिपी वाटते तितकी अवघड नसून फार साधी, सोपी आणि झटपट तयार होणारी आहे. घरी आलेल्या पाहुण्यांसाठी अथवा पार्टीजसाठी हा पदार्थ एक चांगला पर्याय ठरेल. चला जाणून घेऊया यासाठी लागणारे साहित्य आणि कृती.

साहित्य

पिझ्झा बेससाठी (किंवा रेडीमेड वापरू शकता):

• मैदा – २ कप
• यीस्ट – १ चमचा
• साखर – १ चमचा
• कोमट पाणी – अर्धा कप
• मीठ – चवीनुसार
• ऑलिव ऑइल – २ चमचे

टॉपिंगसाठी:

• उकडलेले किंवा भाजलेले चिकन तुकडे – १ कप
• मोझरेला चीज – १ कप (किसलेले)
• पिझ्झा सॉस – अर्धा कप
• कांदा – १ मध्यम (पातळ चिरलेला)
• सिमला मिरची – १ (चिरलेली)
• मिरेपूड – ½ चमचा
• मिक्स हर्ब्स (ऑरिगेनो, चिली फ्लेक्स) – १ चमचा
• मीठ – चवीनुसार

कोळंबीचे थालीपीठ कधी खाल्ले आहेत का? नॉनव्हेज लव्हर्स झटपट फॉलो करा रेसिपी

कृती

• चिकन पिझ्झा बनवण्यासाठी आपल्याला सर्वप्रथम याचा बेस तयार करावा लागेल ज्यासाठी एका वाडग्यात
• कोमट पाण्यात यीस्ट व साखर घालून १० मिनिटं फुलवून घ्या
• मग त्यात मैदा, मीठ व ऑलिव ऑइल घालून मऊ पीठ मळून घ्या. हे पीठ झाकून १ तास झाकून ठेवा.
• ओव्हन १८० डिग्री सेल्सियसवर १० मिनिटं प्रिहीट करा.
• पीठ फुलल्यावर त्याचा गोळा करून गोलसर बेस लाटून घ्या. शेल्फ किंवा ट्रेमध्ये ठेवून काट्याने छिद्र करा.
• पिझ्झा बेसवर पिझ्झा सॉस चांगल्या प्रकारे पसरवा.
• त्यावर चिकनचे तुकडे, कांदा, सिमला मिरची पसरवा. वरून किसलेले चीज, मिरेपूड व हर्ब्स शिंपडा.
• पिझ्झा ओव्हनमध्ये १५-२० मिनिटं किंवा चीज वितळेपर्यंत आणि बेस खमंग होईपर्यंत बेक करा.
• तयार चिकन पिझ्झा गरम गरम तुकडे करून टोमॅटो सॉस किंवा चिली फ्लेक्ससोबत सर्व्ह करा.
• तुमच्याकडे ओव्हन नसल्यास तुम्ही जा पिझ्झा तव्यावर देखील तयार करू शकता, यासाठी गॅसवर कढई ठेवून त्यात एक स्टँड ठेवा
• या स्टँडवर एक प्लेट ठेवून त्यात तयार पिझ्झा टाका आणि झाकण ठेवून मंद आचेवर पिझ्झा 15-20 मिनिटे शिजवून घ्या