कोळंबीचे थालीपीठ कधी खाल्ले आहेत का? नॉनव्हेज लव्हर्स झटपट फॉलो करा रेसिपी

नॉनव्हेज लव्हर्ससाठी खास, आज आम्ही घेऊन आलो आहोत एक अनोखी रेसिपी जी तुम्ही आजवर क्वचितच कधी ट्राय केली असावी. कोळंबीपासून तयार केलेले खरपूस आणि खुसखुशीत थालीपीठ तुमची सकाळ आणखीन बहारदार बनवतील.

(फोटो सौजन्य: cookpad)

Follow Us:

Follow Us:

कोळंबी (झिंगा) हा समुद्रातील अत्यंत स्वादिष्ट मासा आहे. कोळंबीपासून अनेक चविष्ट पदार्थ तयार करता येतात. तुम्ही अनेकदा कोळंबीला फ्राय करून किंवा त्याची रसरशीत भाजी करून याचा आस्वाद घेतला असेल मात्र तुम्ही कधी कोळंबीचे थालीपीठ करून खाल्ले आहेत का? थालीपीठ महाराष्ट्राचा पारंपरिक पदार्थ आहे जो वेगवेगळे पीठ आणि मसाले एकत्र करून तयार केला जातो. हा एक व्हेज पदार्थ असला तरी याचे एक नॉन व्हर्जन देखील आहे जे चवीला तितकेच चांगले लागते.

सकाळच्या नाश्त्यात १० मिनिटांमध्ये झटपट बनवा खमंग कोथिंबीर पराठा, नाश्ता होईल पोटभर

कोळंबीचे हे थालिपीठ केवळ वेगळ्या चवीनं भरलेलं नसतं, तर प्रथिनंयुक्त आणि पचनासही हलकं असतं. सकाळच्या न्याहारीसाठी किंवा संध्याकाळच्या जेवणात काही हटके हवं असेल तर कोळंबीचे थालिपीठ हा उत्तम पर्याय आहे. तुम्ही विकेंडच्या दिवशी देखील हा अनोखा आणि रुचकर पदार्थ घरी ट्राय करू शकता. चला लगेच जाणून घेऊया यासाठी लागणारे साहित्य आणि कृती.

साहित्य

• कोळंबी (साफ केलेली आणि बारीक चिरलेली) – 1 कप
• तांदळाचे पीठ – 1/2 कप
• नाचणी पीठ – 1/4 कप
• हरभऱ्याचे पीठ – 1/4 कप
• कांदा – 1 मध्यम, बारीक चिरलेला
• लसूण – 4-5 पाकळ्या, ठेचून
• हिरवी मिरची – 2, बारीक चिरून
• कोथिंबीर – 2 टेबलस्पून, बारीक चिरून
• हळद – 1/4 टीस्पून
• लाल तिखट – 1/2 टीस्पून
• मीठ – चवीनुसार
• तेल – थालिपीठ भाजण्यासाठी
• पाणी – भिजवण्यासाठी

साबुदाणा खिचडी खायला आवडत नाही? मग यंदा घरी बनवा स्वादिष्ट साबुदाण्याचे थालीपीठ; अनोख्या चवीने सर्वच होतील खुश

कृती

• यासाठी सर्वप्रथम कोळंबी नीट स्वच्छ करून बारीक चिरून घ्या. जर हवी असेल, तर थोडीशी वाफवूनही वापरू शकता.
• एका मोठ्या बाउलमध्ये तांदूळ पीठ, नाचणी पीठ आणि हरभऱ्याचे पीठ घ्या.
• त्यात चिरलेला कांदा, लसूण, हिरवी मिरची, कोथिंबीर, हळद, तिखट, मीठ आणि चिरलेली कोळंबी घाला.
• थोडं थोडं पाणी घालत एकसंध आणि थोडं सैलसर थालिपीठासारखे पीठ मळून घ्या.
• एका प्लास्टिक शीटवर किंवा केळीच्या पानावर थोडं तेल लावून हाताने थालिपीठ थापा.
• गरम तव्यावर तेल घालून थालिपीठ टाका. झाकण ठेवून मध्यम आचेवर दोन्ही बाजूंनी खरपूस भाजा.
• कोळंबीचं थालिपीठ नारळाची चटणी किंवा दहीसोबत गरम गरम सर्व्ह करा.
• कोळंबी ताजी असेल तर स्वाद अजूनच चांगला येतो.
• लसूण आणि कोथिंबीर कमी जास्त करून चवीनुसार बदल करू शकता.
• कोळंबीचं थालिपीठ हे पारंपरिक आणि नवं काहीतरी ट्राय करायचं असेल तर एकदम परफेक्ट पर्याय आहे

Web Title: Have you ever try prawn thalipeeth at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com