Raksha Bandhan 2025 : मलईदार दुधापासून अवघ्या काही मिनिटांतच घरी बनवा गोडसर अन् चवदार Milk peda

घरच्या घरी बनवा शुद्ध, चविष्ट आणि सुंदर पेढे – तेही अगदी सहज आणि झटपट! यंदाच्या रक्षाबंधनाला घरी काही गोड बनवण्याचा विचार असेल तर मिल्क पेढे तुमच्यासाठी एक चांगला पर्याय ठरेल. हे फार सहज आणि सोप्या पद्धतीने घरी बनवता येत

भारतीय मिठाईमध्ये पेढा हा पदार्थ फार प्रचंड लोकप्रिय! मऊ आणि गोड चवीचा पेढा अनेक सणसमारंभी किंवा कोणत्या खास प्रसंगी घरी आणला जातो. बहुतेक लोक हा पेढा मिठाईच्या दुकानातून खरेदी करू पाहतात पण आम्ही तुम्हाला सांगतो की नेहमीच दुकानातील हे पदार्थ ताजे असतीलच याची काही शाश्वती नाही अशात घरीच तुम्ही फ्रेश आणि झटपट तयार होणारा मिल्क पेढा तयार करू शकता. सध्या रक्षाबंधनाचा सण फारच जवळ येऊन ठेपला आहे. सणानिमित्त घरी तुम्ही मिल्क पेढ्याची ही चविष्ट आणि सोपी अशी रेसिपी ट्राय करू शकता.

सकाळच्या नाश्त्यासाठी १० मिनिटांमध्ये बनवा चविष्ट मुगाच्या डाळीचा चिल्ला,चवीसोबत आरोग्यासाठी ठरेल पौष्टिक

मिल्क पेढा हा दूध, साखर आणि काही स्वादिष्ट घटकांनी तयार होणारी मिठाई आहे. तुम्ही घरच्या घरी याला अगदी सहज बनवू शकता आणि तो लहानांपासून मोठ्यांपर्यंत सर्वांनाच खायला फार आवडेल. बाजारातील पेढ्यांपेक्षा घरी बनवलेला पेढा अधिक शुद्ध, स्वादिष्ट आणि पौष्टिक असतो. तर मग वाट कसली पाहताय लगेच नोट करा यासाठी लागणारे साहित्य आणि कृती.

साहित्य

• २ कप दूध पावडर
• १ कप साखर
• १/२ कप दूध
• २ चमचे तूप
• १/४ चमचा वेलदोडा पावडर
• सजावटीसाठी बदाम/पिस्ता चिरलेले

लहान मुलांच्या आवडीचे गोड अन् मऊसर Donut घरी कसे तयार करायचे? पार्टीसाठी परफेक्ट रेसिपी!

कृती

• मिल्क पेढा तयार करण्यासाठी सर्वप्रथम सर्व साहित्य एकत्र करून बाजूला ठेवा
• यांनतर दूध आणि साखर एकत्र करून हलके गरम करून घ्या.
• एका जाड बुडाच्या पॅनमध्ये तूप गरम करा आणि त्यात दूध पावडर टाका.
• नंतर त्यात गरम केलेले दूध-साखर मिश्रण घाला आणि नीट मिसळा.
• मिश्रण एकजीव होत येईपर्यंत मध्यम आचेवर सतत हलवत रहा. ते घट्ट होईपर्यंत परतत राहा.
• मिश्रण चांगले घट्ट झाले की त्यात वेलदोडा पावडर घालून नीट मिक्स करा.
• गॅस बंद करा आणि मिश्रण थोडं थंड होऊ द्या. कोमट असताना छोटे छोटे गोळे वळा आणि पेढ्याचा आकार द्या.
• वरून चिरलेले बदाम/पिस्ता लावा आणि थंड झाल्यावर सर्व्ह करा.
• जास्त वेळ शिजवल्यास मिश्रण कोरडं होऊ शकतं, त्यामुळे मोजूनच शिजवा.
• हवे असल्यास केशर मिसळून केशर पेढाही तयार करू शकता.

FAQs (संबंधित प्रश्न)

पेढे किती प्रकरचे असतात?
मिल्क पेढा, केसर पेडा, दूध पेडा, धारवाड पेढा, मथुरा पेडा, मलाई पेडा, चॉकलेट पेडा, कंदी पेडा, इलायची पेडा.

दुधाचे पेडे रेफ्रिजरेटरमध्ये ठेवण्याची गरज आहे का?
ते सहसा रेफ्रिजरेशनशिवाय ३ दिवस टिकतात.