
कामावर जाण्यासाठी घराबाहेर पडला, पण परतलाच नाही! वालोपेत टपरीमागे तरुणाचा रक्ताच्या थारोळ्यात मृतदेह
नवनाथ कांबळे असे हत्या झालेल्या तरुणाचे नाव आहे. तो मूळचा सांगली जिल्ह्यातील वांगी येथील रहिवासी होता. वालोपे येथे कोकण रेल्वेच्या रेल्वे सुरक्षा दलात (RPF) कार्यरत असलेल्या आपल्या नातेवाईकाकडे तो वास्तव्यास होता. लोटे एमआयडीसी परिसरातील एका खासगी कंपनीत तो नोकरी करत होता.
पिंपरी-चिंचवडकरांची प्रतीक्षा संपणार! मार्चपासून भामा-आसखेडचे 167 एमएलडी पाणी मिळणार
मिळालेल्या माहितीनुसार, सोमवारी रात्री नऊ वाजण्याच्या सुमारास नवनाथ कामावर जाण्यासाठी घरातून बाहेर पडला होता. मात्र, मंगळवारी पहाटे वालोपे रेल्वे स्टेशन नाका परिसरातील एका टपरीच्या मागे त्याचा मृतदेह आढळला. डोक्यात जांभा दगड घालून त्याची हत्या करण्यात आल्याची प्राथमिक माहिती पोलिसांनी दिली आहे.
घटनेची माहिती मिळताच चिपळूण पोलिसांनी तातडीने घटनास्थळी धाव घेतली. प्रभारी उपविभागीय पोलीस अधिकारी शैलेश सणस, पोलीस निरीक्षक आवारे, पोलीस उपनिरीक्षक निकम, पोलीस उपनिरीक्षक सावंत, सहाय्यक पोलीस उपनिरीक्षक अमोल यादव यांच्यासह पोलीस कर्मचाऱ्यांनी घटनास्थळी पाहणी केली. पोलिसांनी घटनास्थळाचा पंचनामा केला. त्यानंतर मृतदेह उत्तरीय तपासणीसाठी कामथे उपजिल्हा रुग्णालयात पाठविण्यात आला आहे.
नवनाथ कांबळे यांची हत्या नेमकी कोणत्या कारणातून करण्यात आली, याबाबत अद्याप स्पष्टता आलेली नाही. वैयक्तिक वादातून हत्या झाली की यामागे अन्य काही कारण आहे, याचा तपास पोलीस करत आहेत. आरोपींचा शोध घेण्यासाठीही पोलिसांकडून तपास सुरू आहे. दरम्यान, लोटे एमआयडीसीमध्ये काम करणाऱ्या तरुणाची अशा प्रकारे हत्या झाल्याने कामगार वर्गातही चिंता व्यक्त केली जात आहे. या प्रकरणातील आरोपी लवकरात लवकर जेरबंद होणार का आणि हत्येमागील नेमके कारण काय, हे पोलीस तपासानंतरच स्पष्ट होणार आहे.
Ans: नवनाथ कांबळे असे हत्या झालेल्या तरुणाचे नाव असून तो सांगली जिल्ह्यातील वांगी येथील रहिवासी होता.
Ans: डोक्यात जांभा दगड घालून त्यांची हत्या करण्यात आली. वालोपे रेल्वे स्टेशन नाका परिसरातील एका टपरीच्या मागे त्यांचा मृतदेह आढळला.
Ans: लोटे एमआयडीसी परिसरातील एका खासगी कंपनीत कार्यरत होते. ते वालोपे येथे आपल्या आरपीएफ कर्मचारी नातेवाईकाकडे राहत होते.