Asha Bhosle Passes Away: जेष्ठ गायिका आशा भोसले काळाच्या पडद्याआड, शरीरसंबंधित 'या' गंभीर आजाराने होत्या त्रस्त
प्रसिद्ध बॉलिवूड गायिका आशा भोसले यांना 11 एप्रिल रोजी मुंबईतल्या ब्रीच कँडी रुग्णालयात उपचारासाठी दाखल करण्यात आले होते. त्यांच्यावर आपत्कालीन वैद्यकीय सेवा विभागात उपचार चालू होते. मात्र आज दुपारी 12 एप्रिल रोजी त्यांची प्राणज्योत मालवली. त्यांनी वयाच्या ९२ व्या वर्षी जगाचा निरोप घेतला. त्यांच्या अचानक जाण्यामुळे संपूर्ण चित्रपटसृष्टीवर शोककळा पसरली आहे. मागील सात दशकांपासून आशा भोसले गायन करत होत्या. त्यांनी विविध भाषेंमधून तब्बल 12 हजार गाणी गायली होती. आशा ताईंनी केवळ मराठीच नाहीतर बॉलिवूड आणि संपूर्ण संगीत क्षेत्रात आपल्या नावाचा ठसा उमटला होता. मराठी, बंगाली, गुजराती, तमिळ, तेलुगू इत्यादी वेगवेगळ्या भाषेंमध्ये त्यांनी गाणी गायली होती. चला तर जाणून घेऊया जेष्ठ गायिका आशा भोसले कोणत्या आजाराने त्रस्त होत्या.(फोटो सौजन्य – pinterest)
Asha Bhosle फक्त गायिका नाही तर बिझनेसवुमन; दुबई अन् लंडनमध्ये व्यवसाय, तर कोट्यवधींची संपत्ती
आशा भोसले यांना छातीच्या संसर्गामुळे रुग्णालयात दाखल करण्यात आले होते. आशाताईंची नातं जनाई भोसले हिने याबद्दल सोशल मीडियावर ट्विट करत माहिती दिली होती. आशा भोसले यांना छातीचा संसर्ग झाल्यामुळे रुग्णालयात दाखल करण्यात आले होते. त्यांच्या शरीरात प्रचंड थकवा वाढला होता. छातीचा संसर्ग झाल्यामुळे त्यांना श्वास घेण्यास अडचण निर्माण होत होती. त्यामुळे उपचारासाठी आशाताईंना रुग्णालयात दाखल करण्यात आले.पंरतु त्यांचे अवयव निकामी झाल्यामुळे डॉक्टरांना वाचवण्यात यश आले नाही.
आशा भोसले या २०२२ मध्ये निधन पावलेल्या दिवंगत गायिका लता मंगेशकर यांच्या धाकट्या बहीण होत्या. भोसले यांनी २०१३ मध्ये ‘माई’ या चित्रपटातून अभिनयात पदार्पण केले, ज्यात त्यांनी अल्झायमर आजाराने ग्रस्त असलेल्या आईची भूमिका साकारली होती. त्यांच्या गायनासोबतच अभिनयाचा सुद्धा मोठा चाहता वर्ग होता. दम मारो दम, पिया तू अब तो आजा, ये मेरा दिल, हंगामा हो गया आणि जवानी जान-ए-मन यांसारख्या गाण्यांमध्ये संगीतकार आरडी बर्मन यांच्यासोबत त्यांनी काम केले. त्यांच्या नावाची गिनीज बुक ऑफ वर्ल्ड रेकॉर्ड्समध्ये नोंद करण्यात आली आहे.त्यांच्या अचानक जाण्यामुळे संपूर्ण देशभरात हळहळ व्यक्त केली जात आहे.
.png "Videos"){kind=small}
