Skin Care Tips: पिंपल्स सुरकुत्या कायमच्या होतील गायब! कच्च्या दुधात मिक्स करा ‘हा’ पदार्थ, दिवाळीआधी त्वचा दिसेल देखणी

Skin Care Tips: त्वचेची काळजी घेताना कायमच महागड्या स्किन केअरचा वापर करण्याऐवजी घरगुती उपाय करावेत. कच्च्या दुधात केशर मिक्स करून लावल्यास महिनाभरात चेहऱ्यावरील काळे डाग कमी होण्यास मदत होईल आणि चेहरा उजळदार दिसेल.

Skin Care Tips: दिवाळी सणाला अवघे काही दिवस शिल्लक राहिले आहेत. दिवाळीच्या आधी चेहऱ्यावरील ग्लो वाढवण्यासाठी पार्लरमध्ये जाऊन फेशिअल, क्लीनअप तर महागडे फेस सीरम, फेसपॅक त्वचेवर लावले जातात. यामुळे त्वचा काही काळापुरती अतिशय सुंदर आणि चमकदार दिसते. पण काही दिवसांमध्ये पुन्हा एकदा त्वचा होती तशीच होऊन जाते. वातावरणात होणारे बदल, कामाचा वाढलेला तणाव, पोषक घटकांची कमतरता आणि सूर्याच्या अतिनील किरणांमुळे त्वचेची गुणवत्ता खराब होऊन जाते. याशिवाय वारंवार केमिकल प्रॉडक्टचा वापर केल्यामुळे त्वचा सैल पडते आणि त्वचेच्या समस्या वाढू लागतात. चेहऱ्यावर पिंपल्स, बारीक रेषा दिसू लागल्यानंतर महागड्या अँटी- एजिंग क्रीम्सचा वापर करण्यावर हजारो रुपये खर्च केले जातात. पण त्याऐवजी स्वयंपाक घरात उपलब्ध असलेले पदार्थ त्वचेसाठी वापरावेत.(फोटो सौजन्य – istock)

Skin Infection: त्वचेवर लालसरपणा आणि सूज दिसल्यास व्हा सावध! जाणून घ्या संसर्गाची गंभीर लक्षणे

साहित्य:

• कच्चे दूध
• केशर
• कापूस

कृती:

वाटीमध्ये कच्चे दूध घेऊन त्यात केशर काड्या घाला आणि १० ते १५ मिनिटं तसेच ठेवून द्या. केशराचा रंग दुधात उतरल्यानंतर कापूस किंवा ब्रशच्या मदतीने चेहऱ्यावर लावून घ्या. त्यानंतर २० मिनिटं चेहऱ्यावर तसेच ठेवून द्या. यामुळे त्वचेची खराब झालेली गुणवत्ता सुधारण्यास मदत होईल. आठवड्यातून तीनदा किंवा चारदा केशर आणि दुधाचे मिश्रण त्वचेवर लावल्यास त्वचा आतून स्वच्छ होण्यास मदत होईल. तरुण, सुंदर आणि डागविरहित त्वचेसाठी घरगुती पदार्थ सुद्धा प्रभावी ठरतात कच्च्या दुधात केशर मिक्स करून लावल्यास चेहऱ्यावर चमकदार ग्लो येईल आणि त्वचेवरील डाग कमी होण्यास मदत होईल.केशर आणि दुधाचे मिश्रण लावल्यानंतर हलक्या हाताने त्वचेवर मसाज करा. यामुळे रक्तप्रवाह सुधारण्यास मदत होईल.

महागड्या Makeup Remover चा वापर करण्याऐवजी ‘हे’ पदार्थ वापरून काढा चेहऱ्यावरील मेकअप, त्वचा होईल स्वच्छ

केशर आणि कच्चे दूध त्वचेसाठी खूप जास्त प्रभावी ठरते. कच्च्या दुधात असलेल्या लॅटिक ऍसिडमुळे चेहऱ्यावर आलेले काळे डाग नष्ट होण्यास मदत होतात. त्वचेसाठी वारंवार महागड्या स्किन केअरचा वापर करण्याऐवजी घरगुती उपाय करावे. घरगुती उपाय केल्यानंतर लगेच फरक दिसून येत नाही. पण नियमित वापर केल्यास महिनाभरात त्वचा चमकदार होते. त्वचेची काळजी घेताना केवळ वरून स्किन केअर न करता आहारात फायबरचे सेवन, भरपूर पाणी आणि शारीरिक हालचाली करणे सुद्धा आवश्यक आहे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.