चमचमीत खायची इच्छा होतेय? मग घरी बनवा सर्वांच्या आवडीच्या Tandoori Momo चा बेत; नोट करा रेसिपी

मोमो हे सर्वांच्या आवडीचे स्ट्रीट फूड! अशात यंदा घरीच चमचमीत तंदूरी मोमो रेसिपी बनवून पहा आणि तुमच्या मित्रमैत्रिणींना आणि कुटुंबाला खुश करा! हे मोमो तुम्ही अगदी झटपट तयार करू शकता.

मोमो हा पदार्थ मूळचा भारतीय नसला तरी मोमो लव्हर्स भारतात काही कमी नाही. लहानांपासून मोठ्यांपर्यंत सर्वांनाच याची चव फार आवडते. हेच कारण आहे की आज आपल्याला जागोजागी याचे अनेक स्टॉल्स पाहायला मिळतात. आता मोमोमध्येही अनेक प्रकार निघाले आहेत, लोक आपल्या आवडीनुसार आपल्याला हवे ते मोमो ऑर्डर करतात अशातच आज आम्ही तुमच्यासाठी तंदुरी मोमोची रेसिपी घेऊन आलो आहोत. आमच्यावर विश्वास ठेवा, या पावसाळी वातावरणात तंदुरी मोमोचा बेत एक चांगला पर्याय ठरेल.

लहान मुलांना खाऊच्या डब्यासाठी झटपट बनवून द्या क्रिमी चॉकलेट सँडविच, नोट करून घ्या पदार्थ

तंदूरी मोमो ही एक इंडो-चायनीज आणि पंजाबी फ्यूजन डिश आहे, जी सध्या स्ट्रीट फूडमध्ये खूपच प्रसिद्ध झाली आहे. पारंपरिक स्टीम मोमोजना खास तंदूरी मसाल्यात मॅरिनेट करून कोळश्यावर, ओव्हनमध्ये किंवा तव्यावर भाजून दिले जाते. यामुळे त्याला एक खास धुरकट, मसालेदार चव येते. ही रेसिपी पार्टीसाठी, संध्याकाळच्या खाण्यासाठी किंवा पाहुण्यांना स्नॅक्स सर्व्ह करण्यासाठी एक उत्तम पर्याय आहे. चला जाणून घेऊया यासाठी लागणारे साहित्य आणि कृती.

साहित्य

मोमोजसाठी:

• मैदा – १ कप
• पाणी – पीठ मळण्यासाठी
• किसलेला गाजर – १/२ कप
• चिरलेला कोबी – १/२ कप
• बारीक चिरलेला कांदा – १
• आले-लसूण पेस्ट – १ टीस्पून
• सोया सॉस – १ टीस्पून
• मिरी पावडर – १/२ टीस्पून
• मीठ – चवीनुसार
• तेल – १ टेबलस्पून

मॅरिनेशनसाठी:

• दही – १/२ कप (गाळलेले)
• तंदूरी मसाला – १ टेबलस्पून
• लाल तिखट – १ टीस्पून
• हळद – १/४ टीस्पून
• कसूरी मेथी – १/२ टीस्पून
• लिंबाचा रस – १ टीस्पून
• आले-लसूण पेस्ट – १ टीस्पून
• मीठ – चवीनुसार
• तेल – १ टेबलस्पून

Corn Chila कधी खाल्ला आहे का? यंदाच्या पावसाळ्यात हा हेल्दी आणि टेस्टी नाश्ता एकदा नक्की बनवून पहा

कृती:

• घरीच तंदुरी मोमो तयार करण्यासाठी सर्वप्रथम मैदा, मीठ आणि थोडं पाणी घालून मऊसर पीठ मळून झाकून ठेवा.
• यानंतर कढईत तेल गरम करून त्यात आले-लसूण पेस्ट, कांदा, गाजर आणि कोबी परतवा. नंतर सोया सॉस, मिरी
• पावडर आणि मीठ घालून मिक्स करा. थंड होऊ द्या.
• आता तयार पीठाचे छोटे गोळे करून त्याची पुरी लाटा आणि त्यात स्टफिंग भरा
• स्टफिंग भरून याला मोमोचा आकार द्या
  यानंतर एका बाउलमध्ये मॅरिनेशनचे सर्व साहित्य एकत्र करा. त्यात स्टीम केलेले मोमोज घालून १५–२० मिनिटे मॅरिनेट होऊ द्या.
• ओव्हनमध्ये १८०°C वर १०–१५ मिनिटे बेक करा किंवा तव्यावर थोडं तेल घालून दोन्ही बाजूंनी खरपूस भाजून घ्या. कोळश्यावर शेकल्यास अजून जास्त तंदूरी फ्लेवर येतो.
• गरमागरम तंदूरी मोमोज वर थोडा चाट मसाला पावडर शिंपडा आणि मेयो-चटणी किंवा स्पायसी चटणीसह मोमो खाण्यासाठी सर्व्ह करा.