Corn Chila कधी खाल्ला आहे का? यंदाच्या पावसाळ्यात हा हेल्दी आणि टेस्टी नाश्ता एकदा नक्की बनवून पहा

पावसाळ्यात बाजारात मोठ्या प्रमाणात मके येतात अशात तुम्ही नाश्त्यासाठी यापासून चवदार आणि आरोग्याला पौष्टिक ठरणारा मक्याचा चिला तयार करू शकता. हा चिला फार झटपट तयार होतो आणि चवीलाही फार छान लागतो.

(फोटो सौजन्य: Pinterest)

Follow Us:

Follow Us:

पावसाळा ऋतू सुरु झाला आहे, या ऋतूत बाजारात मोठ्या प्रमाणात मके विक्रीसाठी येत असतात. मक्याचे सेवन आरोग्यासाठी फायद्याचेही ठरते अशात तुम्ही यापासून वेगवगेळे असे पदार्थ बनवून याचे सेवन करू शकता. मक्याचे अनेक आरोग्यदायी फायदे आहेत. ते डोळ्यांसाठी, पचनक्रियेसाठी आणि रक्तातील साखरेची पातळी नियंत्रित ठेवण्यासाठी चांगले आहे. तसेच, ते वजन कमी करण्यास आणि त्वचेसाठी देखील फायदेशीर आहे.

शाळेच्या डब्यासाठी १० मिनिटांमध्ये बनवा हेल्दी टेस्टी नाचणीचा डोसा, लहान मुलं आवडीने खातील

नेहमीप्रमाणे मक्याला उकडून किंवा भाजून खाण्याऐवजी तुम्ही यापासून टेस्टी असा चिला तयार करू शकता. कॉर्न चिला ही एक झटपट आणि चविष्ट डिश आहे जी सकाळच्या न्याहारीसाठी किंवा संध्याकाळच्या स्नॅक्ससाठी एकदम परफेक्ट आहे. मक्याच्या दाण्यांची गोडसर चव, मसाल्यांसोबत मिळून एक स्वादिष्ट आणि पौष्टिक पर्याय बनतो. ही रेसिपी झटपट तयार होते आणि लहानांपासून मोठ्यांपर्यंत सगळ्यांना आवडते. चला जाणून घेऊया यासाठी लागणारे साहित्य आणि कृती.

साहित्य

• उकडलेले मका दाणे – १ कप
• बेसन (हरभऱ्याचं पीठ) – १/२ कप
• बारीक चिरलेला कांदा – १
• बारीक चिरलेली कोथिंबीर – २ टेबलस्पून
• बारीक चिरलेली हिरवी मिरची – १
• हळद – १/४ टीस्पून
• लाल तिखट – १/२ टीस्पून
• मीठ – चवीनुसार
• पाणी – आवश्यकतेनुसार
• तेल – चिलासाठी

संध्याकाळची छोटी मोठी भूक भागवण्यासाठी झटपट बनवा मखाणा रायता, आरोग्यासाठी ठरेल पौष्टिक पदार्थ

कृती

• मक्याचा चिला तयार करण्यासाठी सर्वप्रथम एका मिक्सरच्या भांड्यात उकडलेले मका दाणे घालून थोडे बारीक वाटून घ्या (पूर्ण पेस्ट करू नका, थोडी भरडच राहू द्या).
• यांनतर एका मोठ्या भांड्यात वाटलेले मका दाणे, बेसन, चिरलेला कांदा, हिरवी मिरची, कोथिंबीर, हळद, तिखट आणि मीठ घालून चांगले मिसळा.
• आता त्यात आवश्यकतेनुसार पाणी घालून डोश्याच्या पिठासारखे बॅटर तयार करा. ते फार घट्ट किंवा फार पातळ नसावे.
• नॉन-स्टिक तवा गरम करून त्यावर थोडेसे तेल घाला.
• आता एक पळी भर बॅटर तव्यावर ओता आणि हलक्या हाताने पसरवा. वरून थोडे तेल सोडा.
• एक बाजू चांगली खरपूस भाजली की पलटून दुसरी बाजू देखील भाजा.
• गरमागरम कॉर्न चिला टोमॅटो सॉस, हिरव्या चटणी किंवा दहीसोबत खाण्यासाठी सर्व्ह करा.
• तुम्ही यात किसलेले गाजर, ढोबळी मिरची, स्प्रिंग ऑनियन यांसारख्या भाज्याही घालू शकता.

Web Title: Know how to make corn chila at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com