लहान मुलांना खाऊच्या डब्यासाठी झटपट बनवून द्या क्रिमी चॉकलेट सँडविच, नोट करून घ्या पदार्थ

लहान मुलांच्या खाऊ डब्यासाठी क्रिमी चॉकलेट सँडविच बनवून देऊ शकता. हा पदार्थ लहान मुलांपासून मोठ्यांपर्यंत सगळ्यांचं खूप जास्त आवडेल. चला तर जाणून घेऊया क्रिमी चॉकलेट सँडविच बनवण्याची रेसिपी.

लहान मुलांना खाऊच्या डब्यासाठी झटपट बनवून द्या क्रिमी चॉकलेट सँडविच

Follow Us:

Follow Us:

लहान मुलांपासून अगदी मोठ्यांपर्यंत सगळ्यांचं चॉकलेट खायला खूप आवडते. चॉकलेटचं नाव घेतल्यानंतर अनेकांच्या तोंडाला पाणी सुटते. याशिवाय चॉकलेट खाणे आरोग्यासाठी गुणकारी आहे. चॉकलेटमध्ये असलेले घटक शरीरात निरोगी पेशी तयार करतात. मात्र अतिप्रमाणात चॉकलेट खाल्यामुळे आरोग्याला हानी पोहचते. बऱ्याचदा लहान मुलांना डब्यात नेमकं काय खायला द्यावं? असे अनेक प्रश्न पालकांना सतत पडतात. अशावेळी तुम्ही मुलांसाठी क्रिमी चॉकलेट सँडविच बनवून देऊ शकता. कारण लहान मुलांचा वीकपॉइंट म्हणजे चॉकलेट. डब्यात मुलांना नेहमीच चपाती भाजी खाऊन कंटाळा आल्यानंतर मुलं काहींना काही नवीन पदार्थ खाण्यास मागतात. अशावेळी मुलांना चॉकलेट सँडविच बनवून देणे उत्तम पर्याय आहे. चला तर जाणून घेऊया क्रिमी चॉकलेट सँडविच बनवण्याची सोपी रेसिपी.(फोटो सौजन्य – istock)

पावसाळ्यातील थंडगार वातावरणात झटपट बनवा हिरव्या मुगाचं कढण, नोट करा पारंपरिक पदार्थ

साहित्य:

• गव्हाचं पीठ
• चॉकलेट
• कोको पावडर
• दूध
• दही
• तेल
• गुळाची पावडर
• बेकिंग सोडा
• बेकिंग पावडर
• बटर
• चॉकलेट स्प्रेड

संध्याकाळची छोटी मोठी भूक भागवण्यासाठी झटपट बनवा मखाणा रायता, आरोग्यासाठी ठरेल पौष्टिक पदार्थ

कृती:

• क्रिमी चॉकलेट सँडविच बनवण्यासाठी सर्वप्रथम, मोठ्या वाटीमध्ये गव्हाचे पीठ, कोको पावडर, दूध, दही घेऊन व्यवस्थित मिक्स करा.
• तयार केलेल्या मिश्रणात तेल, गुळाची पावडर, बेकिंग पावडर व बेकिंग सोडा घालून व्यवस्थित मिक्स करा. यामध्ये अजिबात गुठळ्या ठेवू नये.
• त्यानंतर टोस्टर गरम करून त्यात तयार केलेले मिश्रण व्यवस्थित पसरवून घ्या. मंद आचेवर टोस्ट व्यवस्थित दोन्ही बाजूने भाजून घ्या.
• भाजून घेतलेला ब्रेड स्लाइस मधोमध कापून घ्या. त्यानंतर त्यात चॉकलेट सिरप किंवा चॉकलेट स्प्रेड भरून लहान मुलांना खाण्यासाठी द्या.
• तयार आहे सोप्या पद्धतीमध्ये बनवलेले क्रिमी चॉकलेट सँडविच. हा पदार्थ लहान मुलांसह मोठेसुद्धा आवडीने खातील.

Web Title: How to make creamy chocolate sandwich at home no bread chocolate sandwich recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com