डायबिटीसचा सर्वात स्वस्त उपाय सापडला, 10 रूपयांच्या भाजीचा कुटून काढा रस, 50% होईल शुगर कमी

कांद्याचा अर्क रक्तातील साखरेची पातळी मोठ्या प्रमाणात नियंत्रित करू शकतो हे अनेक संशोधनांमध्ये समोर आले आहे. अनेक शास्त्रज्ञांनी तर कांद्याला मधुमेहावरील सर्वात स्वस्त उपचार म्हणून वर्णन केले आहे

मधुमेहाचा आजार जगभर एका साथीच्या आजारासारखा पसरत आहे. भारतात, १० कोटींहून अधिक लोक मधुमेहाचे रुग्ण आढळून आले आहेत, तर १५ कोटी लोक मधुमेहाच्या उंबरठ्यावर आहेत आणि त्यांना प्रीडायबिटीजचा त्रास आहे. येत्या काही दशकांमध्ये हीच परिस्थिती अधिक गंभीर होऊ शकते. 

मधुमेह हा असाध्य आजार मानला जातो कारण तो उपचारांनी कायमचा बरा होऊ शकत नाही. तथापि, औषध, इन्सुलिन आणि निरोगी आहाराने हा आजार नियंत्रित केला जाऊ शकतो. मधुमेहाच्या रुग्णांना त्यांच्या साखरेची पातळी नियंत्रित करण्यासाठी आयुष्यभर औषधे किंवा इन्सुलिन घ्यावे लागते. आयुर्वेदिक डॉक्टर माधव भागवत यांनी याबाबत अधिक माहिती दिली आहे. तर अनेक शास्त्रज्ञांनीही याबाबत दावे केले आहेत. 

Myths Vs Facts: डायबिटीस रूग्णांसाठी रोज अंडे खाणे योग्य आहे का? काय आहे तथ्य

काय आहे शास्त्रज्ञांचा दावा 

मधुमेह नियंत्रित करण्यासाठी, लोक अनेक घरगुती उपाय देखील वापरतात, ज्याचा साखरेच्या पातळीवर काही प्रमाणात परिणाम होतो. सुमारे २ वर्षांपूर्वी शास्त्रज्ञांच्या एका गटाने असा दावा केला होता की कांद्याच्या माध्यमातून मधुमेह नियंत्रित केला जाऊ शकतो. संशोधनातून त्यांनी सांगितले होते की कांद्याच्या अर्काचे सेवन केल्याने रक्तातील साखरेची पातळी ५०% कमी होऊ शकते. उंदरांवर केलेल्या अभ्यासाच्या आधारे शास्त्रज्ञांनी हा दावा केला आहे. शास्त्रज्ञांनी तर कांदा हा मधुमेहावरील सर्वात स्वस्त आणि सहज उपलब्ध उपचार म्हणून घोषित केला आहे. कांद्याचा अर्क आरोग्यासाठी उत्तम असू शकतो.

शुगरवर नियंत्रण आणण्यासाठी कांदा 

ब्रिटीश वेबसाइट एक्सप्रेसच्या वृत्तानुसार, रक्तातील साखर नियंत्रित करण्यासाठी कांद्याचे सेवन हा सर्वात स्वस्त आणि प्रभावी मार्ग असू शकतो. या संशोधनानुसार, कांद्याच्या अर्काला एलियम सेपा म्हणून ओळखले जाते. मेटफॉर्मिन सारख्या औषधांसोबत घेतल्यास ते मधुमेहावर मोठ्या प्रमाणात नियंत्रण ठेवू शकते. मेटफॉर्मिन हे एक सामान्य औषध आहे जे मधुमेह नियंत्रित करण्यासाठी सर्वात जास्त वापरले जाते. या संशोधनाच्या प्रमुख संशोधकाने सांगितले की, मधुमेह नियंत्रित करण्यासाठी कांदा हा स्वस्त आणि सहज उपलब्ध होणारा उपाय आहे.

Blood Sugar Spike पासून वाचण्यासाठी डायबिटीसच्या रूग्णांनी 4 चुका करणं टाळा

2022 मध्येही झाले होते संशोधन 

२०२२ मध्ये सादर केलेल्या या संशोधनात, संशोधकांनी सांगितले होते की प्रयोगादरम्यान, मधुमेही उंदरांना ४०० मिलीग्राम आणि ६०० मिलीग्राम कांद्याचा अर्क देण्यात आला. यामुळे उंदरांच्या रक्तातील साखरेची पातळी अनुक्रमे ५०% आणि ३५% कमी झाली. याशिवाय कांद्याच्या सेवनाने उच्च कोलेस्ट्रॉल देखील कमी झाला. संशोधकांचे म्हणणे आहे की भविष्यात कांद्याचा अर्क मधुमेह नियंत्रित करण्यास मदत करू शकतो. कांद्याचा अर्क औषधी गुणधर्मांनी समृद्ध आहे आणि त्यात अनेक आरोग्य समस्यांपासून आराम देण्याची क्षमता आहे.

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.