Recipe : गॅस, ॲसिडिटी, अपचनाचा होतोय त्रास? पोटाच्या समस्यांपासून मिळेल अराम; घरी बनवा चटकदार ‘आवळा पुदिन्याची चटणी’

Aamla Pudina Chutney Recipe : आवळा रोगप्रतिकारकशक्ती वाढवतो तर पुदिना शरीराला थंड ठेवतो. उन्हाळ्याच्या दिवसांत तुम्ही याची चटकदार चटणी बनवून खाऊ शकता.

(फोटो सौजन्य: Pinterest)

Follow Us:

Follow Us:

• चुकीच्या खाण्यापिण्यामुळे पोटाच्या समस्या जाणवू लागतात.
• पोटाच्या समस्या या घरगुती उपायानेही दूर करता येतात.
• उन्हाळ्यात पोटाला आराम मिळवून देण्यासाठी तुम्ही घरी आवळा-पुदिन्याची चटणी बनवू शकता.

Recipe : ना मैदा ना गव्हाचं पीठ, एकदा घरी बनवून पहा कुरकुरीत ‘रवा पुरी’

आवळा हा नैसर्गिकरित्या व्हिटॅमिन सीने समृद्ध असून तो शरीराची रोगप्रतिकारक शक्ती वाढवतो, त्वचा आणि केसांसाठी फायदेशीर ठरतो. पुदिना हा थंड गुणधर्म असलेला असून तो पचनक्रिया सुधारतो आणि शरीरातील उष्णता कमी करतो. ही चटणी नियमित आहारात घेतल्यास गॅस, ॲसिडिटी, अपचन यांसारख्या समस्या कमी होऊ शकतात. भात, पोळी, पराठा किंवा पुलाव यांसोबत ही चटणी अतिशय रुचकर लागते. मिक्सरमध्ये पटकन तयार करता येते, मात्र पारंपरिक पद्धतीने खलबत्त्यात कुटून बनवलेली चटणी अधिक सुगंधी आणि चविष्ट लागते. चला रेसिपी जाणून घेऊया.

साहित्य:

• 2 आवळे (बी काढून स्वच्छ धुतलेले)
• 1 कप पुदिन्याची पाने (नरम)
• 1 ते 2 हिरव्या मिरच्या
• 2 लसूण पाकळ्या
• अर्धा चमचा जिरे
• चवीनुसार मीठ
• आवश्यकतेनुसार थोडे पाणी

कृती:

• सर्वप्रथम आवळे स्वच्छ धुऊन त्यातील बी काढा. पुदिन्याची पाने निवडून स्वच्छ करा.
• दुसरकडे हिरव्या मिरच्या, लसूण आणि जिरे तयार ठेवा.
• सर्व साहित्य बारीक चिरून घ्या. आता हे मिश्रण खलबत्त्यात टाकून हळूहळू कुटा.
• काही वेळात दरदरीत, सुगंधी चटणी तयार होईल.
• जर मिक्सर वापरायचा असेल, तर सर्व साहित्य एकत्र करून थोडे पाणी घालून बारीक वाटून घ्या.
• ही चटणी 1 ते 2 दिवस चांगली टिकते.

Web Title: Suffering from gas acidity or indigestion then make make a tasty amla mint chutney at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com