Summer Special : पिकलेल्या आंब्यांपासून घरी बनवा फ्रेश आंबा पापड, फार सोपी आहे पद्धत

Aam Papad Recipe : तुम्हाला माहिती आहे का? बाजारात विकत मिळणारा आंबा पापड तुम्ही घरी देखील अगदी सहज आणि सोप्या पद्धतीमध्ये तयार करु शकता. यासाठी फक्त ४ साहित्यांची गरज लागते.

(फोटो सौजन्य: Pinterest)

Follow Us:

Follow Us:

• आंबा पापड एक लोकप्रिय स्नॅक्सचा प्रकार आहे.
• लहानांपासून मोठ्यांपर्यंत सर्वांनाच याची चव फार आवडते.
• तुम्ही ही टेस्टी पदार्थ घरी देखील बनवू शकता.

Sunday Special : घरी बनवा टेस्टी, मसालेदार ‘रावस फ्राय’, काही मिनिटांत तयार होते रेसिपी

घरच्या घरी तयार केलेला आम पापड चवीला मऊ, हलका चिवट आणि नैसर्गिक गोडवा असलेला असतो. उन्हाळ्यात आंबे भरपूर मिळत असताना हा पदार्थ करून ठेवला तर वर्षभर त्याचा आनंद घेता येतो. चला तर मग, पारंपरिक पद्धतीने स्वादिष्ट आम पापड कसा बनवायचा याची रेसिपी जाणून घेऊया.

साहित्य

• ४ ते ५ पिकलेले गोड आंबे
• अर्धा कप साखर
• १ चमचा तूप
• चिमूटभर वेलची पूड

कृती

• सर्वप्रथम आंबे स्वच्छ धुवून त्याची साल काढा आणि गर वेगळा करा. मिक्सरमध्ये हा गर गुळगुळीत पेस्ट होईपर्यंत फिरवून घ्या.
• एका जाड बुडाच्या पॅनमध्ये आंब्याची पेस्ट घाला. त्यात साखर मिसळून मंद आचेवर शिजवायला ठेवा.
• मिश्रण सतत हलवत राहा, जेणेकरून ते पॅनला चिकटणार नाही. मिश्रण थोडं घट्ट होऊ लागलं की त्यात वेलची पूड घाला.
• एका मोठ्या ताटाला किंवा ट्रेला हलकं तूप लावून ग्रीस करा. तयार मिश्रण त्यावर पातळ थरात पसरवा.
• हे ताट कडक उन्हात सुकण्यासाठी ठेवा. साधारण १ ते २ दिवसांत वरचा भाग कोरडा होईल.
• पहिला थर सुकल्यानंतर त्यावर पुन्हा थोडं मिश्रण पसरू शकता. त्यामुळे आम पापड अधिक जाड आणि चविष्ट होतो.
• पूर्णपणे सुकल्यावर आंबा पापडाचे तुकडे कापा आणि हवाबंद डब्यात साठवून ठेवा.
• आम पापड मुलांच्या डब्यात, प्रवासात किंवा हलक्या गोड स्नॅकसाठी उत्तम पर्याय ठरतो. त्यावर थोडं काळं मीठ भुरभुरवलं तर चव आणखी खुलते.

Web Title: Summer special make fresh market style aam papad at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com