Summer Special : सीजनच्या कैऱ्या आल्या बाजारात, वेळ कसली पाहता आजच घरी बनवा आंबट-गोड चवीचा ‘मुरांबा’

Muramba Recipe : कच्या करीपासून बनवला जाणारा मुरांबा चवीला मजेदार लागतो आणि झटपट तयारही होतो. ही एक सिजनल डिश आहे ज्यामुळे उन्हाळ्यात एकदा तरी नक्की बनवून खा.

(फोटो सौजन्य: Pinterest)

Follow Us:

Follow Us:

• उन्हाळा म्हटलं की आंब्याची उत्सुकता लागणारच.
• कच्या आंब्यापासून गोड आणि आंबट चवीचा मुरंबा तयार केला जातो.
• उन्हाळ्यात एकदा तरी घरी ही सिजनल डिश नक्की बनवून खा.

खास प्रसंगी बाहेरून कशाला, घरीच बनवा हलवाई स्टाईल ताजी, गोड आणि मलईदार ‘रबडी’

घरच्या घरी बनवलेला कैरीचा मुरांबा केवळ चविष्टच नसतो, तर तो स्वच्छ आणि नैसर्गिकही असतो. त्यामुळे बाजारातील तयार पदार्थांपेक्षा घरचा मुरांबा अधिक पौष्टिक आणि सुरक्षित मानला जातो. महाराष्ट्रात ही रेसिपी फार लोकप्रिय आहे. तुम्ही आजवर कधी मुरांबा चाखला नसेल तर हिच ती वेळ आहे, खाली दिलेली रेसिपी वाचा आणि एकदा तरी ही डिश नक्की बनवून याचा आस्वाद घ्या. चला तर मग, सोप्या पद्धतीने कैरीचा स्वादिष्ट मुरांबा कसा बनवायचा याची रेसिपी जाणून घेऊया.

साहित्य

• 2 कप कच्च्या कैरीचे तुकडे
• 1½ कप साखर
• ½ चमचा वेलची पूड
• 4–5 केशर काड्या (ऑप्शनल)
• 1 कप पाणी

कृती

• सर्वप्रथम कैरी स्वच्छ धुवून त्यांची साल काढा आणि मध्यम आकाराचे तुकडे करा.
• एका पातेल्यात पाणी गरम करून त्यात कारीचे तुकडे टाका आणि ते थोडे मऊ होईपर्यंत शिजवा.
• आंबे मऊ झाल्यावर त्यात साखर घाला आणि मंद आचेवर शिजवायला ठेवा.
• साखर वितळून घट्ट पाक तयार होईपर्यंत मिश्रण सतत हलवत राहा.
• यानंतर वेलची पूड आणि केशर घाला. त्यामुळे मुरांब्याला छान सुगंध येतो.
• मिश्रण जॅमसारखे घट्ट होईपर्यंत शिजवा आणि नंतर गॅस बंद करा.
• मुरांबा पूर्ण थंड झाल्यावर स्वच्छ आणि कोरड्या काचेच्या बाटलीत भरून ठेवा.
• मुरांबा जास्त दिवस टिकवण्यासाठी नेहमी कोरड्या चमच्यानेच काढा.

Web Title: Summer special make sour and sweet muramba at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com