खास प्रसंगी बाहेरून कशाला, घरीच बनवा हलवाई स्टाईल ताजी, गोड आणि मलईदार ‘रबडी’

Rabri Recipe : रबडी ही भारतीय पारंपरिक मिठाईंपैकी एक अतिशय लोकप्रिय डिश आहे. दुधाला हळूहळू आटवून तयार केलेली ही क्रीमी आणि स्वादिष्ट मिठाई सण-उत्सव किंवा खास प्रसंगी आवडीने खाल्ली जाते.

(फोटो सौजन्य: Pinterest)

Follow Us:

Follow Us:

• रबडी हा भारतीय मिठाईतील एक लोकप्रिय पदार्थ आहे.
• रबडी बनवण्यासाठी फुल फॅट दूध, साखर, केशर, वेलची आणि ड्रायफ्रूट्स वापरले जातात.
• थंडगार रबडीवर बदाम-पिस्ते घालून सर्व्ह केल्यास तिची चव अधिक वाढते.

रविवारचा बेत करा खास, घरी बनवा हैरदराबादी स्टाईल ‘हरियाली चिकन’, रेसिपी जिंकेल सर्वांची मन

रबडी साधारणपणे जलेबी, मालपुआ किंवा पुरी सोबत सर्व्ह केली जाते, पण ती एकटी खाल्ली तरी तितकीच चविष्ट लागते. बाजारात रबडी सहज मिळते, परंतु घरच्या घरी बनवलेली रबडी अधिक ताजी, शुद्ध आणि चवदार असते. थोडा वेळ आणि संयम ठेवला तर अगदी रेस्टॉरंटसारखी रबडी घरीही तयार करता येते. चला तर मग घरच्या घरी स्वादिष्ट रबडी कशी बनवायची याची रेसिपी जाणून घेऊया.

साहित्य

• 1 लिटर फुल फॅट दूध
• 4–5 टेबलस्पून साखर
• 4–5 केशर काड्या
• ½ टीस्पून वेलची पूड
• 8–10 बदाम (कापलेले)
• 8–10 पिस्ते (कापलेले)

कृती

• सर्वप्रथम जाड बुडाच्या कढईत दूध घ्या आणि मध्यम आचेवर उकळायला ठेवा.
• दूध उकळायला लागल्यावर आच मंद करा आणि दुधाच्या कडेला तयार होणारी साय हलक्या हाताने बाजूला लावा.
• दूध सतत हलवत राहा आणि ते हळूहळू आटू द्या. साय काढून परत दुधात मिसळत राहा.
• दूध अर्धे होईपर्यंत आटल्यावर त्यात साखर घाला आणि चांगले हलवा.
• आता त्यात केशर आणि वेलची पूड घालून पुन्हा 5–7 मिनिटे शिजवा.
• मिश्रण घट्ट आणि क्रीमी झाल्यावर त्यात बदाम आणि पिस्ते घाला.
• गॅस बंद करून रबडी थंड होऊ द्या. नंतर फ्रिजमध्ये थंड करून सर्व्ह करा.
• थंडगार रबडीवर थोडे अतिरिक्त ड्रायफ्रूट्स आणि केशर घालून सर्व्ह केल्यास तिची चव आणखी वाढते.

Web Title: Make sweet and delicious market style rabri at home note the recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com