संडे स्पेशल : रविवारची सुरुवात रंगदार करा; घरी बनवा खमंग, कुरकुरीत तव्यावर भाजलेली ‘मांदेली रवा फ्राय’

Mandeli Rava Fry Recipe : सी-फूड लव्हर्ससाठी मांदेली म्हणजे जीव की प्राण... महाराष्ट्रात अनेक खाद्यप्रेमींना याची चव फार आवडते. मसाला आणि रव्याच्या कोटिंगमध्ये खमंग तळलेला हा मासा साध्या वरण-भातासोबतही अप्रतिम लागतो.

• कोकण किनारपट्टीवर आढळणारी मांदेली महाराष्ट्रात खूप फेमस.
• मांदेलीला अनेक प्रकारे बनवले जय शकते पण खमंग तळून तयार केलेली मांदेली सुंदरच लागते.
• गरमा गरम डाळ भातासोबत खाल्ल्यास तर याची चव आणखीन छान लागते.

महाराष्ट्राच्या कोकण किनारपट्टीवर आढळणारी मांदेली मासळी ही लहान असली तरी चवीला अतिशय खमंग आणि पौष्टिक मानली जाते. कोकण, मुंबई, ठाणे आणि आसपासच्या भागात मांदेली मासळीचे विविध प्रकार बनवले जातात, पण त्यातला सर्वात लोकप्रिय आणि घराघरात आवडीने खाल्ला जाणारा पदार्थ म्हणजे मांदेली रवा फ्राय. मांदेलीला फारशी मसालेदार तयारी लागत नाही. अगदी कमी मसाल्यांमध्येही तिची नैसर्गिक चव अप्रतिम लागते. रव्यामध्ये घोळवून तव्यावर तळलेली मांडेली बाहेरून खमंग, कुरकुरीत आणि आतून मऊ लागते.

Recipe : व्हेजिटेबल सामोसा सोडा, घरी बनवा ज्युसी, मसालेदार आणि कुरकुरीत असा ‘चिकन सामोसा’

पावसाळा किंवा हिवाळ्याच्या दिवसांत गरमागरम मांदेली रवा फ्रायसोबत कांद्याची कोशिंबीर, लिंबाचा रस आणि गरम भाकरी किंवा भात असला की जेवणाची मजाच काही औरच असते. हा पदार्थ झटपट तयार होतो, कमी तेलात करता येतो आणि प्रथिनांनी भरपूर असल्यामुळे आरोग्यासाठीही फायदेशीर ठरतो. विशेष म्हणजे पाहुणे अचानक आले तरी कमी वेळात तयार होणारा हा मासळीचा पदार्थ सर्वांची वाहवा मिळवतो. चला तर मग, घरच्या घरी अगदी सोप्या पद्धतीने मांदेली रवा फ्राय रेसिपी जाणून घेऊया.

 साहित्य

• मांदेली मासळी – 250 ग्रॅम (स्वच्छ करून धुतलेली)
• हळद – ½ टीस्पून
• लाल तिखट – 1 टीस्पून (चवीनुसार)
• मीठ – चवीनुसार
• लिंबाचा रस – 1 टीस्पून
• आले-लसूण पेस्ट – 1 टीस्पून
• रवा – ½ कप
• तांदळाचे पीठ – 2 टेबलस्पून (ऐच्छिक, अधिक कुरकुरीतपणासाठी)
• तेल – तळण्यासाठी

चहा कॉफी पिणे कायमचे जाल विसरून! सकाळच्या नाश्त्यात प्या गरमागरम पौष्टिक कुळीथ सूप, सर्दी खोकल्यावर जबरदस्त उपाय

कृती

• सर्वप्रथम मांदेली मासळी स्वच्छ करून पाण्याने स्वच्छ धुवा.
• एका भांड्यात मासळीमध्ये हळद, लाल तिखट, मीठ, आले-लसूण पेस्ट आणि लिंबाचा रस घालून चांगले मिक्स करा.
• ही मसाल्याची मांदेली 10–15 मिनिटे मुरण्यासाठी ठेवा.
• दुसऱ्या प्लेटमध्ये रवा आणि तांदळाचे पीठ एकत्र करा.
• मुरलेली मांदेली एक एक करून रव्यामध्ये नीट घोळवा.
• तव्यावर मध्यम आचेवर तेल गरम करा आणि त्यात रव्याचे कोट केलेली मांदेली सावकाश ठेवा.
• दोन्ही बाजूंनी सोनेरी आणि कुरकुरीत होईपर्यंत तळून घ्या.
• अतिरिक्त तेल निघण्यासाठी टिश्यू पेपरवर काढा.
• गरमागरम मांदेली रवा फ्राय कांदा, लिंबाची फोड आणि हिरवी मिरचीसोबत सर्व्ह करा.
• भाकरी, चपाती किंवा वरण-भातासोबतही हा पदार्थ अप्रतिम लागतो.