पावसाच्या वातावरणात मॅगी नूडल्सची मजाच न्यारी! यंदा घरी बनवून पहा चवीने भरपूर Garlic Maggie

Maggie Recipe: मॅगी सर्वांचं जीव की प्राण! अशात पावसाच्या थंड वातावरणात तुम्ही घरी गार्लिक मॅगी बनवून खाऊ शकता. सध्या मॅगीला जरा झणझणीत ट्विस्ट द्या आणि याच्या झणझणीत चवीची मजा लुटा.

मॅगी हे भारतात मिळणारे एक इन्स्टंट नूडल आहे, याच्या चवीने भारतीयांनाच काय तर जगभरातील लोकांना वेड लावले आहे. पावसाळ्यात तर गरमा गरम मॅगी खाण्याची मजाच फार वेगळी असते. घरात काही बनवायला नसले किंवा झटपट स्नॅक्ससाठी काही खायचे असेल की सर्वांना दोन मिनिटांत तयार होणाऱ्या मॅगी नूडल्सची आठवण येऊ लागते.

संध्याकाळचा नाश्ता थोडा चिजी होऊन जाऊद्यात; घरी बनवा सर्वांच्या आवडीचा Mac And Cheese

झटपट तयार होणाऱ्या या मागील तुम्ही एक मजेदार ट्विस्ट देऊन याची चव आणखीन वाढवू शकता. आह आम्ही तुमच्यासाठी गार्लिक मॅगीची एक चवदार रेसिपी घेऊन आलो आहोत जी तुम्ही एकदा चाखाल तर याच्या प्रेमातच पडाल. लसूणाचा खमंग सुवास, थोडं मसालेदार आणि थोडं झणझणीत अशी ही मॅगी खवय्यांच्या आवडीची आहे. ही रेसिपी सध्या सोशल मीडियावर देखील ट्रेंड होत अशात एकदा तरी ही रेसिपी ट्राय करणं तर बनतच. चला तर मग पाहूया ही झटपट गार्लिक मॅगी बनवण्यासाठी लागणारे साहित्य आणि कृती नोट करूयात.

साहित्य

• मॅगी नूडल्स – 1 पाकिट
• मॅगी चव मसाला – 1 पाकिट
• बारीक चिरलेला लसूण – 7-8 पाकळ्या
• कांदा – 1 मध्यम, बारीक चिरून
• टोमॅटो – 1 मध्यम, बारीक चिरून (ऐच्छिक)
• हिरव्या मिरच्या – 1-2, बारीक चिरलेल्या
• तूप किंवा तेल – 1-2 टेबलस्पून
• पाणी – 1 ते 1.5 कप
• चवीनुसार मीठ
• हिंग (ऐच्छिक)
• हळद – चिमूटभर
• लसूण – ३ ते ४ पाकळ्या

सकाळचा नाश्ता करा हटके; घरी बनवा खमंग दुधीचे थालीपीठ, झटपट तयार होते रेसिपी

कृती

• गार्लिक मॅगी तयार करण्यासाठी सर्वप्रथम एका कढईत तेल गरम करा आणि त्यात बारीक चिरलेला लसूण घाला. तो सोनेरी रंगाचा होईपर्यंत परतवा.
• त्यात बारीक चिरलेला कांदा आणि हिरव्या मिरच्या घालून मध्यम आचेवर परतवा. कांदा पारदर्शक होईपर्यंत शिजवा.
• टोमॅटो घालून तो मऊ होईपर्यंत परतवा. त्यात थोडीशी हळद आणि हिंग घालून मिक्स करा. ही स्टेप ऑप्शनल आहे, तुम्हाला नको असल्यास तुम्ही हे स्किप करू शकता.
• आता त्यात 1 ते 1.5 कप पाणी घालून उकळा. उकळताना मॅगी मसाला आणि थोडं मीठ घाला.
• पाणी उकळल्यानंतर मॅगी नूडल्स तोडून घाला. नीट मिक्स करून झाकण ठेवून 2-3 मिनिटे मध्यम आचेवर शिजवा.
• मॅगी शिजल्यावर एकदा नीट ढवळा. वरून थोडं बटर किंवा कांदापात घालून सर्व्ह करा.
• अधिक चवदारपणासाठी थोडा चीज किंवा चिली फ्लेक्स घालू शकता.
• झणझणीत गार्लिक मॅगी तयार आहे, गरमागरम सर्व्ह करा आणि याच्या झणझणीत चवीची मजा लुटा