बाळासाठी हा पदार्थ आहे संजीवनी, जाणून घ्या कोणता पदार्थ आहे

तांदूळ पातळ केल्यावर त्यातून पांढरी पेज निघते जी तुम्हीही निरुपयोगी समजून फेकून दिली असेल! पण ही पेज मुलांसाठी किती फायदेशीर आहे हे तुम्हाला माहिती आहे का? १ ते ३ वर्षे वयोगटातील मुलांसाठी तांदळाची पेज अमृतापेक्षा कमी नाही. हीच पेज मुलांमधील जीवनसत्त्वे बी, सी, ई आणि कार्बोहायड्रेट्सची कमतरता दूर करते. एवढच नाही तर मुलांची पचनक्रिया मजबूत करण्यासोबतच पोटाशी संबंधित अनेक आजार दूर करते.

भातावरची पेज मुलांना खूप ऊर्जा देते. कारण तांदूळ उकळल्यावर त्यातील पोषक प्रथिने आणि खनिजे पाण्यात येतात. अशावेळी मुलं जेव्हा ही पेज पितात तेव्हा त्यांना पोषक तत्वांसह भरपूर ऊर्जा मिळते. हा पातळ द्रव मुलांना दिल्याने त्यांच्यातील कर्बोदके आणि अमिनो ॲसिडची कमतरता पूर्ण होते. त्यामुळे लहान मुलासाठी ती खूपच फायदेशीर आहे.

जेव्हा मुलं अन्न खायला लागतात तेव्हा त्याच्या शरीरात योग्य प्रमाणात पाणी मिळणे देखील आवश्यक आहे.  नाहीतर मुलं डिहायड्रेशनच्या कचाट्यात येतात. जर तुमच्या मुलानं पाणी पिण्यास नकार दिला तर तुम्ही त्याला तांदळाची पेज देऊ शकता. तांदळाची पेज मुलांच्या शरीरातील पाण्याची कमतरता पूर्ण करते.

लहान मुलांना बद्धकोष्ठता, पोटदुखी आणि जुलाब होणे हे सामान्य आहे. शरीरात पाण्याची कमतरता नसेल तर या आजारांपासून मुलांना वाचवता येतं. अशा परिस्थितीत तांदळाची पेज खूप फायदेशीर ठरते. अतिसार थांबवण्यासाठी हे खूप प्रभावी सिद्ध होते. जर तुम्हाला मुलामध्ये अतिसाराची सुरुवातीची लक्षणे दिसली तर तुम्ही मुलांना दूध देऊन गंभीर परिणामांपासून वाचवू शकता.

बाळांना तांदळाचे दूध देणे खूप सोपे आहे. भाताचा मढ किंवा खिमट करताना थोडे मीठ आणि तूप घालून थोडी उकळी देऊन तुम्ही पेज तयार करू शकता. आणि थंड झाल्यावर ती मुलांना दिले जाऊ शकते. त्यात अर्धा चमचा मीठ टाकल्यास त्याचे फायदे दुप्पट होऊ शकतात.