Men’s Health: ‘हे’ वाचून पुरूष अंडरवेअर घालणंच सोडून देतील, तज्ज्ञांनी सांगितले कारण, पुरूषहो! चुकूनही करू नका ‘ही’ चूक

आरोग्य तज्ज्ञांच्या मते, घट्ट अंतर्वस्त्रे घालणे पुरुषांच्या आरोग्यासाठी हानिकारक आहे. यामुळे पुरुषांच्या शुक्राणूंची संख्या कमी होते, प्रजनन क्षमतेवर वाईट परिणाम होतो आणि लैंगिक समस्यादेखील उद्भवू शकतात.

पुरुषांनी अंडरवेअर घालण्याच्या बाबतीत घ्यावी काळजी (फोटो सौजन्य - iStock)

Follow Us:

Follow Us:

• स्टायलिश दिसण्यासाठी घट्ट अंडरवेअर घालणे पडेल महागात 
• पुरुषांना काय होतो घट्ट अंडरवेअरचा त्रास 
• घट्ट अंडरवेअर घालण्याचे नुकसान 

फॅशनच्या या युगात, प्रत्येकाला स्टायलिश दिसायचे असते, परंतु फॅशनच्या मागे लागून अनेक वेळा लोक आरोग्याच्या समस्यांनी वेढले जातात. बरेच पुरुष स्टायलिश दिसण्यासाठी किंवा फॅशनसाठी घट्ट अंडरवेअर घालतात, परंतु ही सवय त्यांच्या आरोग्यासाठी धोकादायक ठरू शकते. आरोग्यतज्ज्ञांचे म्हणणे आहे की घट्ट अंडरवेअर घालल्याने संसर्गाचा धोका वाढू शकतो आणि प्रजनन आरोग्यावर वाईट परिणाम होतो. इतकेच नाही तर घट्ट अंडरवेअर पुरुषांच्या प्रजनन क्षमतेलाही बिघडू शकते. घट्ट अंडरवेअरचे दुष्परिणाम जाणून तुम्हाला धक्का बसेल.

काय सांगतात तज्ज्ञ

नवी दिल्लीतील सर गंगा राम रुग्णालयाच्या युरोलॉजी विभागाचे उपाध्यक्ष डॉ. अमरेंद्र पाठक यांनी एका हिंदी संकेतस्थळाला दिलेल्या मुलाखतीदरम्यान सांगितले की, घट्ट अंडरवेअर घातल्याने testicles चे अर्थात अंडकोषांचे तापमान वाढते. Testicles चे काम शुक्राणू तयार करणे आहे आणि यासाठी कमी तापमान आवश्यक आहे. जेव्हा शुक्राणू तयार करणारा हा ‘अवयव’ सतत गरम राहतो तेव्हा शुक्राणूंची गुणवत्ता आणि प्रमाण दोन्ही कमी होते. 

जर असे बराच काळ घडले तर पुरुषांमध्ये वंध्यत्वाची समस्या उद्भवू शकते. घट्ट अंडरवेअर त्वचेला चिकटून राहते आणि चालताना घर्षण निर्माण करते, ज्यामुळे पुरळ आणि त्वचेची जळजळ होऊ शकते. घाम आणि उष्णतेमुळे बॅक्टेरिया लवकर वाढतात, ज्यामुळे बुरशीजन्य संसर्गाचा धोका वाढतो. ही समस्या विशेषतः उन्हाळ्यात गंभीर असू शकते.

100 च्या वेगाने फर्टिलिटी वाढवतील 5 पदार्थ, पुरूषांसाठी ठरतील वरदान

लैंगिक आरोग्यावर वाईट परिणाम 

डॉक्टरांनी सांगितले की जे पुरुष नियमितपणे घट्ट अंडरवेअर घालतात त्यांच्या लैंगिक आरोग्यावरही वाईट परिणाम होऊ शकतो. रक्तप्रवाहात अडथळा आणि सतत दाब यामुळे पुरुषांच्या गुप्तांगांमधील संवेदनशीलता कमी होऊ शकते. याचा पुरुषांच्या उत्तेजना आणि कामगिरीवर परिणाम होतो. 

संशोधनात असेही आढळून आले आहे की जास्त वेळ घट्ट अंडरवेअर अर्थात चड्डी घातल्याने हार्मोनल असंतुलन होऊ शकते, ज्याचा लैंगिक आरोग्यावर वाईट परिणाम होतो. घट्ट अंडरवेअर पोट आणि मूत्राशयावरदेखील दबाव आणते. यामुळे गॅस, अपचन आणि वारंवार लघवी होऊ शकते.

काय करावा उपाय 

आरोग्यतज्ज्ञ सल्ला देतात की सर्व पुरुषांनी समस्या टाळण्यासाठी सैल आणि आरामदायी अंडरवेअर घालावेत. सैल आणि सुती अंडरवेअर घालल्याने त्वचेला आराम मिळतो आणि संसर्गाचा धोकादेखील कमी होतो. पुरुषांनी सुती आणि हलक्या कापडाचे अंडरवेअर घालावेत जे शरीरात हवा जाऊ देतात. 

बॉक्सर स्टाईल अंडरवेअर आरामदायक असतात आणि शरीराला कोणतेही नुकसान करत नाहीत. ते केवळ तुमच्या त्वचेसाठी चांगले नाहीत तर ते चांगले प्रजनन आरोग्य देखील राखतात. स्टाईलपेक्षा आरोग्य महत्त्वाचे आहे, म्हणून अंडरवेअर खरेदी करताना आरोग्याला प्राधान्य द्या.

हार्मोनल असंतुलन ठरतेय पुरुषांच्या वंध्यत्वाचे मुख्य कारण, समजून घ्या

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

Web Title: Tight underwear can damage male fertility as per experts warned about health

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com