केरळचा पारंपरिक पदार्थ: फास्ट फूड खाण्याऐवजी आहारात करा पंकांजीचे सेवन, उन्हाळ्यात शरीराला होतील फायदे

उन्हाळ्याच्या दिवसांमध्ये आहारात तिखट किंवा तेलकट पदार्थांचे सेवन करण्याऐवजी केरळचा प्रसिद्ध पदार्थ पंकांजी बनवून खावे. यामुळे शरीरात वाढलेली उष्णता कमी होईल आणि आरोग्य सुधारण्यास मदत होईल.

उन्हाळा ऋतू सगळ्यांचं खूप जास्त कंटाळवाणा वाटतो. कारण कडाक्याच्या उन्हात कुठेही बाहेर गेल्यानंतर आरोग्यासोबत त्वचेचे सुद्धा गंभीर नुकसान होते आणि चेहऱ्यावर टॅन वाढतो. उन्हाळ्याच्या दिवसांमध्ये आहारात उष्ण किंवा पचनास जड पदार्थाचे सेवन केल्यास शरीरात ऍसिडिटी वाढण्याची जास्त शक्यता असते. त्यामुळे आहारात कायमच थंड पदार्थांचे सेवन करावे. थंड पदार्थांच्या सेवनामुळे शरीरात वाढलेली उष्णता कमी होते आणि आरोग्य सुधारते. म्हणूनच आज आम्ही तुम्हाला केरळमधील प्रसिद्ध पंकांजी बनवण्याची सोपी रेसिपी सांगणार आहोत. या पद्धतीने बनवलेली पंकांजी चवीसोबतच आरोग्यासाठी सुद्धा खूप फायदेशीर आहे. पंकांजी हा केरळमधील प्रसिद्ध पदार्थ आहे. केरळच्या प्रत्येक घरात उन्हाळ्याच्या दिवसांमध्ये हा पदार्थ आवर्जून बनवला जातो. यामुळे शरीरात वाढलेली उष्णता कमी होते, पचनक्रिया सुधारते आणि आतड्यांमध्ये चांगल्या विषाणू वाढण्यास मदत होते. त्यामुळे वाढत्या उन्हाळ्यात कोणत्याही तिखट, तेलकट पदार्थांचे सेवन करण्याऐवजी दह्यापासून बनवलेल्या पंकांजीचे सेवन करावे. चला तर जाणून घेऊया रेसिपी.(फोटो सौजन्य – pinterest)

तंदूरशिवाय घरीच बनवा रेस्टॉरंट स्टाईल अमृतसारी पनीर टिक्का, पदार्थ खाल्ल्यानंतर सगळेच करतील कौतुक

साहित्य:

• वाटीभर शिजवलेला भात
• दही
• पाणी
• कांदा
• हिरवी मिरची
• चवीनुसार मीठ

हेल्दी पदार्थाने करा दिवसाची सुरुवात! १० मिनिटांमध्ये झटपट बनवा चविष्ट ब्रोकोली पराठा, नोट करून घ्या रेसिपी

कृती:

• पंकांजी बनवण्यासाठी सर्वप्रथम, मातीचे भांडे स्वच्छ पाण्याने धुवून घ्यावे. त्यानंतर त्यात शिजवलेला भात आणि दोन ते तीन ग्लास पाणी घालून भात पाण्यात व्यवस्थित मिक्स करावा.
• भांड्यावर झाकण मारून रात्रभर भात पाण्यात भिजवून ठेवावा.
• दुसऱ्या दिवशी भातामधील पाणी कमी होईल आणि आंबट वास येईल. भातावरील पाणी अजिबात फेकून देऊ नये.
• त्यानंतर त्यात दही किंवा ताक घालून मिक्स करा. नंतर त्यात बारीक चिरून घेतलेला कांदा आणि हिरवी मिरची घालून चमच्याने मिक्स करा.
• स्वच्छ हाताने भात आणि कांदा हाताने मॅश करून घ्या. चवीनुसार मीठ टाकून पंकांजी खाण्यासाठी सर्व्ह करा. तुमच्या
• आवडीनुसार तुम्ही यात दह्यातील भाजलेली मिरची सुद्धा टाकू शकता.
• तयार आहे सोप्या पद्धतीमध्ये बनवलेली केरळ स्टाईल पंकांजी.