रात्रीच्या जेवणाचा चमचमीत बेत! घरी बनवा गावरान स्टाईल ‘खार वांग’

वांग आपल्या आरोग्यासाठी खूप फायद्याचे असते, पण अनेकांना याची भाजी फारशी आवडत नाही. अशा वेळेस तुम्ही घरी खार वांग बनवू शकता. याची चमचमीत चव फारच छान लागते आणि भाकरीसोबत तर ती आणखीनच चविष्ट बनते.

अनेकांना वांग खायला फारसं आवडत नाही. वांग्यामध्ये अनेक पोषक घटक असतात जे आपल्या आरोग्यासाठी फायद्याचे ठरू शकतात. अशात जर तुम्हाला वांग्याची भाजी खायला आवडत नसेल तर तुम्ही यापासून चविष्ट असं खार वांग तयार करू शकता. शेंगदाणा, खोबऱ्याच्या वाटणात शिजवलेलं हे वांग चवीला फारच अप्रतिम लागत. गावाकडे हा पदार्थ अधिकतर खाल्ला जातो. गरमा गरम भाकरी आणि त्याच्यासोबत सर्व्ह केलेलं हे वांग म्हणजे स्वर्गसुखच!

संध्याकाळच्या वेळी भूक लागल्यानंतर काय खावं सुचत नाही? मग सोप्या पद्धतीमध्ये घरी बनवा बीट ओट्स थालीपीठ

महाराष्ट्रीयन खाद्यसंस्कृतीत खार वांग हा पदार्थ फार लोकप्रिय आहे. वांग्याच्या भाजीप्रमाणे यात फार रस्सा नसतो तर वांग आणि शिजवलेले सर्व मासाले अशी ही जरा घट्टसर भाजी असते. सकाळच्या डब्यासाठी किंवा रात्रीच्या जेवणात तुम्ही या पदार्थाचा समावेश करू शकता. आम्हाला खात्री आहे की, तुमच्या घरच्यांना या पदार्थाची चव नक्कीच आवडेल. चला तर मग लगेच जाणून घेऊया खार वांग तयार करण्यासाठी लागणार साहित्य आणि कृती.

साहित्य

• वांगी (बारीक किंवा मोठी)
• शेंगदाणे (भाजलेले)
• खोबर (सुके किंवा ओले)
• जिरे
• धने
• लसूण
• कोथिंबीर
• आले
• हिरव्या मिरच्या
• मोहरी
• तेल
• मीठ
• हळद

Ganesh Chaturthi 2025 : बाप्पाच्या प्रसादासाठी झटपट बनवा चविष्ट आणि इन्संट असे नारळाचे मोदक

कृती

• यासाठी सर्वप्रथम भाजलेले शेंगदाणे, खोबरे, जिरे, धने, लसूण, कोथिंबीर, आले आणि हिरव्या मिरच्या मिक्सरमधून बारीक वाटून घ्या.
• दुसरीकडे वांग्यांना मधून चिरून घ्या, पण पूर्णपणे कापू नका
• यांनतर चिरलेल्या वांग्यांमध्ये मिक्सरमध्ये वाटलेले तयार केलेले मिश्रण भरून घ्या.
• आता एका कढईत तेल गरम करून त्यात मोहरी टाका
• नंतर हळद आणि मीठ घालून चिरलेली वांगी घालून वांगी शिजेपर्यंत मंद आचेवर झाकण ठेवून शिजवा.
• हे वांग मंद आचेवर १५-२० मिनिटे छान शिजवून घ्या आणि गॅस बंद करा
• गरमागरम भाकरी किंवा चपातीबरोबर तयार खारं वांग खाण्यासाठी सर्व्ह करा.
• या पारंपरिक पद्धतीने बनवलेल्या खार वांग्याची चव खूप छान लागते आणि ही भाजी जेवण अधिक रुचकर बनवते.

FAQs (संबंधित प्रश्न)

खार वांग म्हणजे काय?
खार वांग हा मसाला-भरलेला वांग्याचा प्रकार आहे, जो विशेषतः महाराष्ट्रात बनवला जातो आणि याला ‘झणझणीत खारं वांग’ किंवा ‘सुकं खारं वांग’ असेही म्हणतात.

खार वांग कसे खाल्ले जाते?
गरमागरम भाकरीसोबत किंवा पोळीसोबत खार वांग खाल्ले जाते.