रात्रीच्या जेवणाचा चमचमीत बेत! घरी बनवा गावरान स्टाईल ‘खार वांग’

महाराष्ट्रीयन खाद्यसंस्कृतीत खार वांग हा पदार्थ फार लोकप्रिय आहे. वांग्याच्या भाजीप्रमाणे यात फार रस्सा नसतो तर वांग आणि शिजवलेले सर्व मासाले अशी ही जरा घट्टसर भाजी असते. सकाळच्या डब्यासाठी किंवा रात्रीच्या जेवणात तुम्ही या पदार्थाचा समावेश करू शकता. आम्हाला खात्री आहे की, तुमच्या घरच्यांना या पदार्थाची चव नक्कीच आवडेल. चला तर मग लगेच जाणून घेऊया खार वांग तयार करण्यासाठी लागणार साहित्य आणि कृती.

साहित्य

• वांगी (बारीक किंवा मोठी)
• शेंगदाणे (भाजलेले)
• खोबर (सुके किंवा ओले)
• जिरे
• धने
• लसूण
• कोथिंबीर
• आले
• हिरव्या मिरच्या
• मोहरी
• तेल
• मीठ
• हळद

कृती

• यासाठी सर्वप्रथम भाजलेले शेंगदाणे, खोबरे, जिरे, धने, लसूण, कोथिंबीर, आले आणि हिरव्या मिरच्या मिक्सरमधून बारीक वाटून घ्या.
• दुसरीकडे वांग्यांना मधून चिरून घ्या, पण पूर्णपणे कापू नका
• यांनतर चिरलेल्या वांग्यांमध्ये मिक्सरमध्ये वाटलेले तयार केलेले मिश्रण भरून घ्या.
• आता एका कढईत तेल गरम करून त्यात मोहरी टाका
• नंतर हळद आणि मीठ घालून चिरलेली वांगी घालून वांगी शिजेपर्यंत मंद आचेवर झाकण ठेवून शिजवा.
• हे वांग मंद आचेवर १५-२० मिनिटे छान शिजवून घ्या आणि गॅस बंद करा
• गरमागरम भाकरी किंवा चपातीबरोबर तयार खारं वांग खाण्यासाठी सर्व्ह करा.
• या पारंपरिक पद्धतीने बनवलेल्या खार वांग्याची चव खूप छान लागते आणि ही भाजी जेवण अधिक रुचकर बनवते.

FAQs (संबंधित प्रश्न)

खार वांग कसे खाल्ले जाते?
गरमागरम भाकरीसोबत किंवा पोळीसोबत खार वांग खाल्ले जाते.

संबंधित बातम्या