Travel Hacks : प्रवास करताना घोटाळ्यांपासून सावध! बनावट गाईड, महाग टॅक्सी आणि फसवी हॉटेल बुकिंग टाळण्यासाठी सोपे उपाय

Travel Scams: प्रवास करताना बनावट गाईड, जास्त पैसे आकारून प्रवास करणे आणि हॉटेल बुकिंग करणे यासारखे घोटाळे टाळणे महत्वाचे आहे. तर जाणून घ्या सुट्टीच्या काळात फसवणूक टाळण्याचे सोपे मार्ग कोणते असू शकतात.

Travel Hacks : प्रवास हा प्रत्येकाच्या आयुष्यातला एक आनंदाचा क्षण असतो. नवीन ठिकाणे पाहणे, नवीन लोकांना भेटणे, संस्कृतीची ओळख करून घेणे आणि आठवणी गोळा करणे यामुळे जीवनात एक वेगळी उभारी येते. पण कधी कधी या आनंददायी प्रवासाची रंगत एका क्षणात उडून जाते  तेव्हा जेव्हा आपण एखाद्या प्रवासी घोटाळ्याला बळी पडतो. सुट्टीतला उत्साह, नवलाईचा अनुभव आणि बेफिकीरी या सगळ्याचा काही लोक फायदा घेतात आणि पर्यटकांना फसवतात. बनावट गाईड, जास्त पैसे आकारलेले राईड्स, खोट्या हॉटेल बुकिंग लिंक किंवा स्थानिक उत्पादने महागात विकणे  अशा शेकडो युक्त्या वापरून ते तुमच्याकडून पैसे उकळतात. मात्र योग्य माहिती, सावधगिरी आणि काही सोपे उपाय यामुळे अशा फसवणुकीपासून सहज वाचता येऊ शकते.

१. बनावट मार्गदर्शक (Fake Guides)

अनेक पर्यटन स्थळांवर तुम्हाला असे लोक भेटतील जे स्वतःला स्थानिक गाईड म्हणून ओळखवतात. त्यांच्याकडे कुठलाही सरकारी परवाना नसतो. ते तुम्हाला चुकीची माहिती देतात, महागड्या ठिकाणी नेतात आणि तिथून कमिशन कमावतात.
 उपाय :

• नेहमी सरकारी मान्यता असलेले गाईड घ्या.

• विश्वासार्ह ट्रॅव्हल एजन्सीकडून बुकिंग करा.

• अधिकृत पोर्टल्स किंवा हॉटेल रिसेप्शनवरून गाईडची चौकशी करा.

हे देखील वाचा :

२. टॅक्सी आणि ऑटोचा घोटाळा

पर्यटक पाहताच काही चालक मीटर बंद असल्याचे सांगतात किंवा मुद्दाम लांबचा मार्ग धरतात. परिणामी, दुप्पट-तिप्पट पैसे द्यावे लागतात.
 उपाय :

• ओला, उबरसारख्या ॲपवरूनच टॅक्सी बुक करा.

• प्रवासाआधी भाडे निश्चित करा.

• स्थानिक परिवहनाचे सरासरी दर माहित करून घ्या.

३. बनावट हॉटेल बुकिंग

ऑनलाइन सर्च करताना दिसणाऱ्या स्वस्त ऑफर्स अनेकदा बनावट असतात. पैसे भरल्यानंतर हॉटेल उपलब्ध नसते किंवा तुमचं बुकिंगच होत नाही.
 उपाय :

• फक्त अधिकृत वेबसाइटवरून किंवा नामांकित ॲपवरूनच हॉटेल बुक करा.

• हॉटेलच्या रिव्ह्यूज आणि फोटो नीट तपासा.

• संशयास्पद लिंकवरून पेमेंट टाळा.

४. महागात विकली जाणारी “स्थानिक” उत्पादने

“हस्तनिर्मित”, “खास स्थानिक”, “मर्यादित स्टॉक” असे लेबल लावून स्वस्त वस्तू महागात विकल्या जातात.
 उपाय :

• खरेदी करण्याआधी किंमतीची तुलना करा.

• स्थानिक बाजारपेठेतून खरेदी करा.

• भाव करायला अजिबात संकोच करू नका.

हे देखील वाचा : Hotel Safety Hack : एकट्या प्रवासातही भीती नको! हॉटेलमध्ये ‘बॉटल ट्रिक’ ठरेल तुमचा सुरक्षा कवच

५. एटीएम आणि कार्ड फसवणूक

काही बनावट एटीएममधून तुमच्या कार्डची माहिती चोरी केली जाते.
 उपाय :

• फक्त सुरक्षित आणि गर्दी असलेल्या ठिकाणचे एटीएम वापरा.

• व्यवहारानंतर लगेच एसएमएस अलर्ट तपासा.

• कार्ड वापरताना आजूबाजूला लक्ष ठेवा.

प्रवास सुरक्षित करण्याचे सोपे नियम

• नेहमी आगाऊ माहिती करूनच प्रवास करा.

• विश्वासार्ह ॲप्स आणि अधिकृत वेबसाईट्स वापरा.

• स्थानिक प्रशासन किंवा पर्यटन मंडळाची माहिती घेऊन ठेवा.

• काही संशयास्पद वाटल्यास लगेच नकार द्या.

हे देखील वाचा : Inflation In India : भारतातील ‘या’ 10 राज्यांमध्ये बेरोजगारांची संख्या सर्वाधिक; आकडे पाहून तुमचेही डोळे विस्फारतील

प्रवास हा आनंद देणारा अनुभव असतो. तो तणावाचा नको. थोडीशी जागरूकता आणि योग्य तयारी तुमची सहल अधिक सुखदायी बनवू शकते. लक्षात ठेवा, सुरक्षित प्रवास म्हणजेच आनंदी प्रवास.