साबुदाणा खिचडी खायला आवडत नाही? मग यंदा घरी बनवा स्वादिष्ट साबुदाण्याचे थालीपीठ; अनोख्या चवीने सर्वच होतील खुश

उपवासासाठी परिपूर्ण आणि झटपट होणारी रेसिपी शोधत असाल तर साबुदाणा थालीपीठ तुमच्यासाठी एक उत्तम पर्याय आहे. चवीने भरपूर ही डिश पोट भरण्याचेही काम करते. उपवासासाठी नवीन डिश शोधत असाल तर आताच ही रेसिपी ट्राय करा.

उपवास म्हटलं की साबुदाण्याचे विविध पदार्थ आठवतात. यातही साबुदाणा खिचडी ही सामान्य डिश. उपवास म्हटलं की घरी साबुदाणा खिचडी बनलीच म्हणायची… पण बऱ्यादा ही खिचडी कंटाळवाणी वाटू लागते आणि मग उपवासाला काहीतरी चवदार खाण्याची इच्छा होते. साबुदाण्यापासून तुम्ही अनेक वेगवेगळे पदार्थ तयार करू शकता आणि आज आम्ही तुमच्यासाठी साबुदाणा थालीपीठची रेसिपी घेऊन आलो आहोत जी चवीला फार छान लागते.

शिमला मिरची खायला आवडत नाही? मग सोप्या पद्धतीमध्ये भाजलेल्या शिमला मिरचीपासून बनवा चमचमीत चटणी

खरपूस भाजून तयार केलेले हे थालीपीठ घरातील सर्वांनाच फार आवडतील. ही रेसिपी उपवासात झटपट बनते, पौष्टिकही असते आणि खाताना खमंग लागते. साबुदाणा, बटाटा आणि शेंगदाण्यांच्या मिश्रणातून तयार होणारे हे थालिपीठ उपवासासाठी एक परिपूर्ण आणि पोटभर पर्याय ठरतो. चला जाणून घेऊया यासाठी लागणारे साहित्य आणि कृती.

साहित्य

• साबुदाणा – १ कप (पाण्यात भिजवून ५-६ तास हलके मऊ केलेला)
• उकडलेला बटाटा – २ मध्यम
• शेंगदाण्याचं कूट – ¼ कप
• हिरवी मिरची – २ (कापून)
• साखर – ½ टीस्पून (ऐच्छिक)
• मीठ – चवीनुसार (सेंधा मीठ वापरावे)
• लिंबाचा रस – १ टीस्पून (ऑप्शनल)
• कोथिंबीर – थोडी (उपवासात चालत असल्यास)
• तूप/शेंगदाण्याचं तेल – थालिपीठ शेकण्यासाठी

नावडती भाजीही होईल आवडीची; एकदा बनवून तर पहा भरलेली भेंडी

कृती:

• यासाठी सर्वप्रथम साबुदाणा ५-६ तास भिजवून मऊ करून घ्या. हाताने चिरडून बारीक करावा.
• एका बाउलमध्ये भिजवलेला साबुदाणा, उकडलेले बटाटे, शेंगदाण्याचं कूट, हिरव्या मिरच्या, साखर, मीठ, कोथिंबीर आणि लिंबाचा रस एकत्र करा
• सर्व साहित्य मिक्स करून घट्टसर गोळा तयार करा.
• प्लास्टिकच्या शीटवर किंवा केळीच्या पानावर थोडं पाणी लावून त्यावर थालिपीठ आकारा. हाताने थोडं पाणी
• लावून पातळ थापून घ्या. मधोमध एक भोक पाडा (वाफ बाहेर जाण्यासाठी).
• तवा गरम करून त्यावर थालिपीठ हळुवार टाका. बाजूने थोडं तूप किंवा शेंगदाण्याचं तेल सोडा. झाकण ठेवून
• मध्यम आचेवर दोन्ही बाजूंनी खरपूस भाजा.
• गरम साबुदाणा थालिपीठ दही किंवा उपवासातील लोणच्यासोबत सर्व्ह करा.
• साबुदाणा थोडा मोकळा असेल तर थालिपीठ तुपात खमंग लागते.
• अधिक कुरकुरीतपणा हवं असेल तर थालिपीठ थोडसं पातळ थापा.
• कोथिंबीर टाळून ही रेसिपी पूर्ण उपवासासाठी योग्य होईल.