2 रुपयांची ही गोष्ट केसांतील कोंडा करेल दूर, हिवाळ्यतही केसांची वाढ होईल दुप्पट

केसांतील कोंडा ही एक आता सामान्य समस्या आहे. मात्र बरेचदा अनेक उपाय केल्यांनतरही हा कोंडा जाण्याचं नाव घेत नाही. आम्ही सांगत असलेल्या या उपायाने तुम्ही क्षणार्धात तुमच्या केसांतील कोंडा दूर करू शकता.

कोंड्याची समस्या दिवसेंदिवस वाढत चालली आहे. आता हिवाळा हा ऋतू सुरु झाला आहे. या ऋतूत तर बहुतांश लोकांना कोंड्याची समस्या उद्भवत असते. यामुळे टाळूमध्ये खाज सुटणे, मुरुम आणि संसर्ग होऊ शकतो. कोंड्यामुळे कपड्यांवर पांढरी कोटींग निर्माण होते जी कोणी बघितली तर लाजिरवाणे वाटू शकते. केसांत कोंडा होण्याची अनेक कारणे असू शकतात. यातील काही करणे म्हणजे, केसांची योग्य रीतीने काळजी न घेणे, स्वच्छतेचा अभाव. यामुळे केसांच्या मुळांमध्ये कोंडा जमा होऊ लागतो. परिणामी केसांची वाढ मंदावते आणि यामुळे केस कमकुवत होऊन तुटायला सुरुवात होते.

जर तुम्हीही कोंड्याच्या समस्याने त्रस्त असाल तर आम्ही तुम्हाला सांगतो की, यासाठी तुम्हाला बाजारातील महागडे प्रोडक्टस खरेदी करण्याची गरज नाही. बऱ्याचदा या प्रॉडक्टसमध्ये रासायनिक घटक मिसळलेले असतात जे केसांना डॅमेज करत असतात. केसांतील कोंडा दूर करण्यासाठी तुम्हीच एका सोप्या घरगुती उपायाचा वापर करू शकता. खोबरेल तेल आणि कापूरचे मिश्रण केसांतील कोंड्याची समस्या दूर करण्यास तुमची मदत करेल. कोंडा दूर करण्यासाठीचा हा एक सोपा आणि प्रभावी उपाय आहे. याचा कसा वापर करावा ते जाणून घ्या.

हेदेखील वाचा – शॅम्पूत ही जादुई गोष्ट मिसळा आणि कमाल बघा, केसगळती थांबेल, टक्कलवर उगवतील नवे केस

खोबरेल तेल आणि कापूराचे मिश्रण कसे तयार करावे

• यासाठी प्रथम एका भांड्यात 2 कपूर गोळ्या आणि 1/2 कप खोबरेल तेल घ्या
• कापूरच्या गोळ्या खोबरेल तेलात मिसळा
• आता हे गॅसवर ठेवा आणि कपूर तेलात विरघळेपर्यंत तेल गरम करा
• कापूर तेलात विरघळला की गॅस बंद करा आणि तेलाला थंड करून घ्या
• यानंतर हे तेल घेऊन हलक्या हाताने केसांना मसाज करा
• तेल रात्रभर केसांना लावून ठेवा आणि मग सकाळी शॅम्पूने केस धुवून काढा

कोंडा दूर करण्याचा आणखीन एक उपाय

साहित्य

• व्हिनेगर अर्धा कप
• पाणी अर्धा कप
• स्प्रे बाटली

तयार करण्याची पद्धत

• यासाठी प्रथम एक स्प्रे बाटली घ्या आणि त्यात यार अर्धी वाटी व्हेनेगर टाका
• यानंतर यात RO पाणी किंवा डिस्टिल्ड वॉटर घाला
• आता हे लिक्विड केस धुवायच्या एक तास किंवा अर्धा तास आधी केसांच्या मुळांवर पूर्णपणे लावा आणि मसाज करा
• यानंतर केस शॅम्पूने व्यवस्थित धुवा
• याच्या मदतीने निश्चितच केसांतील कोंडा दूर होण्यास मदत होईल

हेदेखील वाचा – हिवाळ्यात फक्त 5 रुपयांत घ्या ओठांची काळजी, लगेच मिळेल आराम

केसांसाठी खोबरेल तेलाचा वापर

• खोबरेल तेलात असे काही अँटिऑक्सिडंट्स असतात जे फ्री रॅडिकल्समुळे केसांचे संरक्षण करतात
• याचे सेवन केल्याने अकाली केस पांढरे होण्याच्या समस्येपासून सुटका मिळते
• खोबरेल तेल केसांना मॉइश्चरायझ करण्यास मदत करते
• यामुळे केस निर्जीव किंवा कोरडी पडत नाहीत
• व्हिटॅमिन ई आणि के सारखे पोषक घटक खोबरेल तेलात असते जे केसगळती थांबण्यास मदत करते
• यामुळे पातळ केसांची समस्याही दूर होते

टीप – आम्ही देत असलेली माहिती ही तज्ज्ञांशी बोलून आणि रिसर्च करून देत आहोत. हा लेख केवळ तुमच्या माहितीसाठी लिहिण्यात आला आहे. प्रत्येकाची त्वचा वेगळी असते, त्यामुळे कोणत्याही प्रकारचा उपाय करण्यापूर्वी पॅच टेस्ट करायला विसरू नका.