सापांच्या अधिवासातील छोट्या बदलांचा मोठा परिणाम! हाफकिन अभ्यासाला मिळाला आंतरराष्ट्रीय पुरस्कार

हाफकीन सस्थेच्या वरीष्ठ शास्त्रज्ञ पुढाकार हाफकिन संस्थेचे वरिष्ठ शास्त्रज्ञ डॉ. मृणाल घाग सावंत यांच्या नेतृत्वाखाली हा अभ्यास करण्यात आला. यामध्ये, भारतीय नाग,घोणस या सापांच्या निवास व्यवस्थेत अँस्पन लाकडाच्या भुसभुशीत काड्या आणि पारंपरिक कागदी बेडिंग यांची तुलना करण्यात आली.हा अभ्यास डिसेंबर महिन्यात आयोजित करण्यात आलेल्या विशाखापट्टणम येथे १३ व्या आंतरराष्ट्रीय प्रयोगशाळा प्राणी शास्त्रज्ञ संघटनेच्या परिषदेत सादर करण्यात आला. त्याबाबत विस्तृत व्याख्यान सादरीकरणासाठी तृतीय पुरस्कार मिळाला आहे. हा पुरस्कार या संशोधनाच्या वैज्ञानिक तसेच वक्तृत्वाला अधोरेखित करत आहे.

अभ्यासाचे प्रमुख निष्कर्ष

• संशोधनात असे आढळून आले की अँस्पन लाकडी बेडिंगवर ठेवलेल्या सापांमध्ये पुढील सुधारणा आढळल्या:
• अन्नग्रहणाची प्रतिक्रिया अधिक चांगली व भक्ष्य सहज स्वीकारण्याची प्रवृत्ती.
• कात टाकण्याची प्रक्रिया अधिक जलद.
• आक्रमकता व ताणतणावात लक्षणीय घट.

हे संशोधन का महत्त्वाचे आहे?

• सापांच्या निवासासाठी वापरल्या जाणाऱ्या पृष्ठभागाचा आर्द्रता, तापमान संतुलन आणि नैसर्गिक वर्तनावर मोठा प्रभाव पडतो.
• सापांचे आरोग्य अधिक स्थिर राहते
• साप हाताळणे अधिक सुरक्षित होते
• विषनिर्मिती सातत्यपूर्ण व दर्जेदार राहते
• हे सर्व घटक प्रभावी सर्पदंश प्रतिविष निर्मितीसाठी अत्यंत आवश्यक आहेत.

व्यापक परिणाम:

• तज्ज्ञांच्या मते, या निष्कर्षांमुळे पुढील बाबींमध्ये सुधारणा होऊ शकते:
• सर्प गृहात ठेवलेल्या सापांच्या संगोपनासाठी राष्ट्रीय मार्गदर्शक तत्त्वे .
• विष संशोधन संस्थांमधील प्राणी कल्याणाच्या मापदंडांचे व नियमांचे पालन .
• साप हाताळणाऱ्या कर्मचाऱ्यांची सुरक्षितता.
• प्रतिविष निर्मितीसाठी वापरल्या जाणाऱ्या विषाची गुणवत्ता

हा अभ्यास अधोरेखित करतो की वैज्ञानिक दृष्टिकोनातून केलेले छोटे बदल देखील प्राणी कल्याण, संशोधन नीतिमत्ता आणि मानवी आरोग्याच्या क्षेत्रात मोठे आणि अर्थपूर्ण परिणाम देऊ शकतात

संबंधित बातम्या