चेहऱ्यावर गोल्डन ग्लो मिळवण्यासाठी पपईच्या पानांचा ‘या’ पद्धतीने करा वापर, ओपन पाेर्स होतील कायमचे नष्ट

त्वचेची खराब झालेली गुणवत्ता सुधारण्यासाठी बाजारात उपलब्ध असलेल्या वेगवेगळ्या स्किन केअर प्रॉडक्टचा वापर केला जातो. कधी फेसपॅक तर कधी वेगवेगळ्या क्रीम आणून लावल्या जातात. पण यामुळे त्वचा फारकाळ सुंदर दिसत नाही. म्हणूनच आज आम्ही तुम्हाला त्वचेवरील ओपन पॉर्स कायमचे नष्ट करण्यासाठी पपईच्या पानांचा कशाप्रकारे वापर करावा, याबद्दल सविस्तर माहिती सांगणार आहोत. पपईची पाने त्वचा आतून स्वच्छ करतात आणि चेहऱ्यावरील ग्लो वाढवण्यास मदत करतात. त्वचेच्या छिद्रांमध्ये साचलेली घाण स्वच्छ करण्यासाठी पपईची पाने अतिशय महत्वपूर्ण ठरतील.

ओपन पोर्स स्वच्छ करण्यासाठीचा पपईच्या पानांचा या पद्धतीने करा वापर:

त्वचेवरील ओपन पॉर्स आतून स्वच्छ करण्यासाठी बाजारातील मास्क किंवा फेसपॅक वापरण्याऐवजी घरगुती आणि नैसर्गिक पदार्थांचा वापर करावा. यासाठी पपईचे पाने अतिशय प्रभावी आहे. यासाठी पपईच्या पानांचा तुम्ही फेसपॅक बनवू शकता. पपईची पाने, मध आणि बेसन इत्यादी साहित्य झटपट फेसपॅक तयार होतो.

Baba Ramdev ने सांगितले सकाळी उपाशीपोटी तूप खाण्याचे 10 फायदे, खाण्याची योग्य पद्धत माहीत हवी

पपईचा पानांचा फेसपॅक बनवण्याची कृती:

पपईच्या पानांचा फेसपॅक बनवण्यासाठी सर्वप्रथम, पपईची पाने स्वच्छ धुवून घ्या. त्यानंतर मिक्सरच्या भांड्यात पपईची पाने टाकून बारीक पेस्ट तयार करा. तयार केलेली पेस्ट वाटीमध्ये काढून त्यात मध आणि चमचाभर बेसन मिक्स करून घ्या. तयार केलेला फेसपॅक संपूर्ण चेहऱ्यावर आणि मानेवर लावून काहीवेळ तसाच ठेवा. यामुळे त्वचा अधिकच मुलायम आणि सुंदर होण्यास मदत होईल. चेहऱ्यावर फेसपॅक लावून झाल्यानंतर हलक्या हाताने मसाज करून घ्या. त्यानंतर १५ ते २० मिनिटं फेसपॅक तसाच चेहऱ्यावर ठेवा आणि त्वचा पाण्याने स्वच्छ धुवून घ्या. यामुळे त्वचेच्या छिद्रांमध्ये साचून राहिलेली घाण स्वच्छ होईल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या