चेहऱ्यावर साचून राहिलेला घाणीचा काळा थर कमी करण्यासाठी ‘या’ आंबट पदार्थाचा करा वापर, त्वचा होईल आतून स्वच्छ

चेहऱ्याचे सौंदर्य टिकवून ठेवण्यासाठी महागड्या क्रीम किंवा इतर स्किन केअर प्रॉडक्टचा वापर केला जातो. स्किन केअर प्रॉडक्ट वरून त्वचा स्वच्छ करतात. मात्र चेहऱ्यावर साचलेल्या ब्लॅकहेड्स आणि मुरुमांमुळे त्वचा अतिशय निस्तेज आणि कोरडी वाटू लागते. म्हणूनच आज आम्ही तुम्हाला चेहऱ्यावर वाढलेले ब्लॅकहेड्स कमी करण्यासाठी टोमॅटोचा कशा पद्धतीने वापर करावा, याबद्दल सविस्तर माहिती सांगणार आहोत. यामुळे त्वचा आतून स्वच्छ होईल आणि टॅनिंगमुळे वाढलेली डेड स्किन स्वच्छ होऊन त्वचा उजळदार दिसू लागेल.

टोमॅटो वापरण्याचे फायदे:

त्वचेची काळजी घेण्यासाठी बाजारात उपलब्ध असलेल्या वेगवेगळ्या स्किन केअर प्रॉडक्टचा वापर करण्याऐवजी घरगुती उपाय करून त्वचा स्वच्छ करावी. टोमॅटोमध्ये लायकोपीन” नावाचे अँटीऑक्सिडंट आढळून येते, ज्यामुळे सूर्याच्या हानिकारक किरणांपासून चेहऱ्याचे नुकसान होत नाही. तसेच यामुळे त्वचेला पोषण मिळते आणि त्वचा आतून स्वच्छ होण्यास मदत होते. नियमित टोमॅटो त्वचेवर चोळल्यास चेहऱ्यावर वाढलेले टॅनिंग कमी होऊन त्वचा स्वच्छ होईल.याशिवाय टोमॅटो हे एक नैसर्गिक सनस्क्रीन आहे.

काखेत वाढलेला काळेपणा- दुर्गंधी जाईल पळून! ‘या’ पद्धतीने करा तुरटीचा वापर, काख होईल स्वच्छ

या पद्धतीने वापरा टोमॅटोचा रस:

जेवणातील सर्वच पदार्थ बनवताना टोमॅटोचा वापर केला जातो. यामुळे पदार्थाची चव आणि सुगंध वाढण्यास मदत होते. टोमॅटोचा रस काढून तुम्ही चेहऱ्यावर सुद्धा लावू शकता. टोमॅटो किसून त्याचा रस काढून घ्या. त्यानंतर टोमॅटोचा रस संपूर्ण मान आणि चेहऱ्यावर लावून काहीवेळ तसाच ठेवा. नंतर हाताला थोडस पाणी लावून हलक्या हाताने मसाज करा. यामुळे त्वचेवर वाढलेले टॅनिंग कमी होईल आणि चेहरा उजळदार दिसू लागेल. हा उपाय आठवड्यातून नियमित किंवा दोन तीन वेळा सुद्धा तुम्ही करू शकता. त्वचेवर वाढलेला गडदपणा कमी होऊन त्वचा हळूहळू स्वच्छ होते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या