त्वचेवर येईल नॅचरल ग्लो! चमचाभर गुळाचा वापर करून ‘या’ पद्धतीने तयार करा होममेड फेसपॅक, काळे डाग होतील नाहीसे

त्वचेच्या वाढत्या समस्यांपासून सुटका मिळवण्यासाठी घरच्या घरी तयार केलेल्या गुळाच्या फेसपॅकचा वापर करावा. गुळामध्ये असलेले नैसर्गिक गुणकारी घटक त्वचा आतून स्वच्छ करण्यास मदत करतात.

वर्षाच्या बाराही महिने त्वचेची व्यवस्थित काळजी घेतल्यास चेहरा कायमच उजळदार आणि सुंदर राहतो. पण कामाच्या धावपळीमध्ये त्वचेची व्यवस्थित काळजी घ्याल मिळत नाही. त्वचा खूप जास्त टॅन आणि निस्तेज होऊन जाते. याशिवाय वातावरणात होणाऱ्या बदलांमुळे त्वचेच्या समस्या वाढू लागतात आणि चेहऱ्यावर मोठे मोठे पिंपल्स, ऍक्ने, ब्लॅकहेड्स आणि व्हाईटहेड्स येऊन त्वचेचा ग्लो कमी होऊन जातो. पावसाळ्यातील दमट वातावरणामुळे त्वचा खूप जास्त चिकट आणि तेलकट होते. तेलकट झालेली त्वचा वेळीच स्वच्छ न केल्यामुळे पिंपल्स आणि फोड येतात. त्वचेच्या छिद्रांमध्ये जमा झालेल्या घाणीमुळे त्वचेच्या समस्या वाढतात. चेहऱ्यावर वाढलेले टॅनिंग आणि पिंपल्स घालवण्यासाठी कायमच महागड्या स्किन केअरचा वापर केला जातो. पण त्याऐवजी स्वयंपाक घरात उपलब्ध असलेल्या पदार्थांचा वापर करावा. आज आम्ही तुम्हाला गुळाचा फेसपॅक बनवण्याची सोपी कृती सांगणार आहोत.(फोटो सौजन्य – istock)

हेअरफॉल थांबवण्यासाठी महागड्या प्रॉडक्टचा वापर करत असाल तर थांबा! ‘या’ पदार्थांमध्ये मिक्स करून लावा कांद्याचा रस

गुळाचा फेसपॅक बनवण्याची सोपी कृती:

फेसपॅक बनवण्यासाठी वाटीमध्ये गुळाची पावडर, टोमॅटो, लिंबाचा रस, चिमूटभर लिंबाचा रस घालून सर्व साहित्य व्यवस्थित मिक्स करा. त्यानंतर त्यात गुलाब पाणी टाकून पेस्ट बनवा. तयार केलेली पेस्ट संपूर्ण चेहऱ्यावर आणि मानेवर लावून काहीवेळ तशीच ठेवा आणि त्यानंतर हलक्या हाताने मसाज करा. मसाज केल्यामुळे त्वचेवर जमा झालेली धूळ, माती स्वच्छ होण्यासोबतच डेड स्किन निघून जाईल. त्यानंतर थंड पाण्याने त्वचा स्वच्छ करून घ्या. यामुळे त्वचेवर नको असलेले काळे डाग नष्ट होण्यास मदत होईल.

सुरकुत्यांसाठी प्रभावी फेसपॅक:

वाटीमध्ये गुळाची पावडर, द्राक्षाचा रस, चहा पावडर, हळद आणि गुलाब पाणी घालून पेस्ट बनवा. तयार केलेली पेस्ट व्यवस्थित मिक्स करून संपूर्ण चेहऱ्यावर हलक्या हाताने लावून घ्या. त्यानंतर १५ मिनिटं ठेवून त्वचा पाण्याने स्वच्छ करा. यामुळे त्वचेच्या वाढत्या समस्या कमी होण्यास मदत होईल आणि चेहरा उजळदार दिसेल. आठवड्यातून दोनदा किंवा तीनदा गुळाचा फेसपॅक चेहऱ्यावर लावल्यास त्वचेच्या वाढत्या समस्यांपासून सुटका मिळेल.

उकाड्यामुळे मांड्यांमध्ये जळजळ आणि पुरळ उठतेय? ‘या’ घरगुती उपायांनी मिळवा कायमची सुटका

गुळामध्ये विटामिन ए, बी, ग्लुकोज, लोह, कॅल्शियम, पोटॅशियम, झिंक आणि मॅग्नेशियम इत्यादी अनेक घटक असतात. याशिवाय गुळामध्ये असलेले नैसर्गिक गुणकारी घटक त्वचा आतून स्वच्छ करण्यास मदत करतात. त्यामुळे गुळाचा वापर त्वचेसाठी करावा. गूळ शरीरासाठी खूप जास्त प्रभावी ठरते. यामुळे केवळ शरीर निरोगी राहत नाहीतर त्वचेवरील चमक वाढण्यास मदत होते. शरीराचे तापमान नियंत्रणात ठेवण्यासाठी गुळाचा वापर करावा.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.